a Paulo Czasowio translatum

i n c i p i t :

BOKOS PSALMONO

 -A- Audags sa manna ist saei ni gaggiþ in ragina unsibjaize, jah in wiga frawaurhtaize ni standiþ jah in gafaurdai frawardjande ni sitiþ. Ak in witoda fraujins wilja is ist, jah witoþ þis þagkeiþ is sis dag jah naht. Jah ist swe bagms sa ussatida at urrunsim watne saei akran sein taujiþ in mela swesamma jah laufs þizei ni þaursniþ, jah alla þoei waurkjai boteiþ. Ni swa sind unsibjans, duþe ei sind swe ahana þizaiei afwairpiþ winds [af andawleizna airþos]. Duþþe ni gastandand unsibjans in stauai, nih frawaurhtans in gamainþai garaihtaize. Unte wait frauja wig garaihtaize, iþ wigs unsibjaize fralusniþ.

 -B- Duhve gadrobnodedun þiudos, fadreineizuh gamitodedun lauso. Faurastandand þiudanos airþos jah fauramaþljos garinnand samaþ, ana fraujan jah ana is xristu. Gabrikam þos naudibandjos ize, abuhwairpam af unsis þizai jukuzjai ize. Sa bauands himin bihlahjiþ [ins], frauja meins bimampeiþ ins. Þan rodeiþ du im in þwairhein seinai, inuh hatiza seinamma drobeiþ ins. Akei ik gasalboda þiudan meinana, ufar siona jainamma fairgunja meinamma þamma weihin. Gateiha gagreft [fraujins], frauja qaþ mis sunus meins is þu ik himma daga gabar þuk. Bidei at mis jah giba [þus] þiudos gafreidein þeina, jah þein haimoþli andjos airþos. Haldis ins wandau eisarneinamma, swe kas airþein brikis ins. Þannu nu o þiudanos fraþjaiþ, sijaiþ gatalzidai o stauans airþos. Skalkinoþ fraujin miþ agisa, jah faginoþ [imma] miþ reiron. Kukeinai ufkunnaiþ baur ibai þwairhs sijai [frauja], jah sijaiþ fraqistidai [us] wiga [garaihteins]. Duþe ei intundnan swe leitil skal þwairhei is, audagai sind allai þai gatrauandans in imma.

 -G- Psalmo ist daweidis, at þliuhandin imma faura andwairþja abaissalomis þis sunaus is. O frauja hva biauknodedun þai þreihandans mik, managai reisand ana mik. Managai qiþand saiwalai meinai, nist ganistais imma in guda [is]  Diapsalma. Akei þu o frauja is skildus faur mik, wulþus meins jah sa ushauhjands haubiþ mein. Stibnai meinai fraujan wopja, jah hauseiþ mis us fairgunja seinamma þamma weihin  Diapsalma. Ik galiga gahslepa, urreisa unte frauja insakiþ faur mik. Ni og mis filusnos manageins, þozei bisunjane drauhtinond ana mik. Usstand o frauja usþins mik o guþ meins, unte slahis allans fijands meinans bi kinnu tunþuns unsibjane brikis. Fraujins ist naseins, jah ana þeinai managein ist þiuþiqiss þeina Diapsalma.

 -D- Protaupsaltau, in xaurdeim soh psalmo ist daweidis. Wopjandin mis mis gahausei o guþ garaihtiþos meinaizos, in aglon auk urrumides mik gaarmai mik gahhausei bida meina. O sunjus mans und hva wulþus meins du unsweriþai ist, sijuþ frijondans uswissi jah sokjandans liugn Diapsalma. Gaþ~þan~witjaiþ þatei ussokida frauja airknan sis silbin, frauja andhauseiþ [mik] wopjandin mis du sis. Þwairhaidai sijaiþ akei ni frawaurkjaiþ, rodjaiþ in hairtam izwaraim ana badjam izwaraim jah anahveilaidai sijaiþ Diapsalma. Saljaiþ hunsla garaihtiþos, jah trauaiþ du fraujin. Managai rodjand hvas ataugeiþ unsis þiuþ, ustaiknei ana unsis þata liuhaþ andaugjis þeinis o frauja. Galagides fahedais in hairtin meinamma, mais þau þanei kaurn ize jah wein ize [jah alew ize] biauknodedun. In gawairþja samana liga jah slepa, unte þu o frauja ains þwastiþa bauan letis mik.

 -E- Protaupsaltau, du anheiloþ~aurganam soh psalmo ist daweidis. Waurda meina gahausei o frauja, gakunnai þo miton meina. Andhausei stibnai hropis meinis o þiudan meins jah guþ meins, duþe ei at þus im bidjands. O frauja in maurgina gahauseis stibna meina, in maurgina fauragamanwja mik þus jah im usbeidands. Duþe ei ni guþ wiljands unselein þu is, ni bauiþ at þus ubils. Nih wisand dwalai faura augam þeinaim, fijais allans waurkjandans ungaraihtein. Fraqimis [allaim] qiþandam airziþa, mann bloþe jah liuteins andspeiwiþ frauja. Iþ ik bi filusnai armahairteins þeinaizos atgagga du razna þeinamma, inweita faura alh þeinai þizai weihon in agisa þeinamma. O frauja briggais mik in garaihtiþai þeinai in þize mik þreihandane, garaihtjais faura andaugja meinamma þana wig þeinana. Unte nist in þize munþam sunja, brusts þize ist fralusts. Hlaiw uslukanata ist waisunds þize, tuggon seinai suþjand. Afdomei ins o guþ, gadriusandau fram þaim garehsnim seinaim. Bi filusnai missadede ize uswairp im, unte sind andaneiþans þus [o frauja]. Jah sifaina allai þai trauandans in þus, du aiwa faginona. Jah sunjonds sijais ufar im, jah swegnjaina bi þuk þai frijondans namo þein. Duþe ei þu þiuþeis garaihtana o frauja, swaswe brunjai leikainai wipanana habais ina.

 -Q- Protaupsaltau, in xaurdeim ana auktauxaurda soh psalmo ist daweidis. O frauja ni in þwairhein þeinai gasak mik, nih in moda þeinamma mik fraweit. Gaarmai mik o frauja unte afmauiþs im, gahailei mik o frauja unte sind gadrobida baina meina. Jah saiwala meina gadrobnoda filu, iþ þu o frauja und hva. Gawandei þuk o frauja galausei saiwala meina, ganasei mik in airkniþos þeinaizos. Unte nist in dauþau bi þuk gamundais, in hailjai hvas andhaitiþ þus. Im siukands in swogateinai meinai, im þwahands in allamma nahte mein badi im tagram meinaim ligr mein natjands. Þaursu warþ fram saurgai augo mein, fairni warþ us allaim þaim hatandam mik. Fairrjaiþ izwis af mis o allai jus waurkjandans ungaraihtein, unte hauseiþ frauja stibnai gretis meinis. Andhausida frauja aihtron meina, frauja bida meina andnimiþ. Gaskamandau sik jah indrobnandau filu allai fijands meinai, gawandjandau sik jah sik gaskamandau suns.

 -Z- Soh gaunons ist daweidis, þoei saggw sa du fraujin bi saka xusiis þis bainiameineitaus. O frauja þu guþ meins in þus gatrauands im, ganasei mik af allaim þaim wrikandam mik jah galausei mik. Ibai frawilwai sa swe liwa saiwala meina, tahjands miþþanei nist uslausjandins [nih ganasjandins]. O frauja þu guþ meins jabai gatawida ik þata, jabai ist unselei in lofam meinaim. Jabai usgald ik sibjin meinamma ubil, jah warþ galausjands þana gaþreihandan mik uswissja. Wrikadau fijands saiwala meina jah fahadau, jah trudadau in airþa libain meina wulþuh meinana du muldai brikadau Diapsalma. Usstand o frauja in þwairhein þeinai, ushafei þuk þairh moþ þize hatjandane mis. Jah urreis mis þizai stauai þoei anabaust, jah gaqumþs fadreine bigaggai þuk. Jah bi ija du hauhein gawandei þuk, o frauja sijais stojands manageins. Mik ussokei o frauja bi garaihtiþai meinai, jah bi unwammein meinai þizai ana mis. Anaslawai ubil unsibjaize jah gatulgjais garaihtana, gakauseiþ þan hairtona jah hairþra guþ sa garaihta. Skildus meins ist in guda, þamma nasjandin raihtans hairtin. Guþ ist staua garaihts [jah mahteigs jah lats þwairheim], jah guþ baitrs in allamma dage. Jabai hvas ni gawandeiþ sik hairu seinana ushvasseiþ, bugan seinana gagaraihteiþ jah gamanweiþ ina. Jah þamma manweiþ wepna dauþaus, arhvaznos seinos wrakim waurkeiþ. Sai ganam sa inwindiþa, jah qiþuhafts warþ unselein jah gabar anaqiss. Groba was grabands jah usgrof ija, jah gadraus in hlaiwasn þoei gawaurhta. Gawandjada unselei is in is haubiþ, jah ana is giblan anamahts is gasagqjada. Andhaita fraujins bi garaihtiþai is, uzuhsiggwa namin fraujins hauhistins.

 -H- Protaupsaltau, ana aurgana gaiþiskin soh psalmo ist daweidis. O frauja þu frauja unsar, hvaiwa wulþag ist namo þein ana allai airþai. O þuei gasatides andahait þein ufar himinam, fram munþa barne jah daddidaize. Gawaurhtes mahteigo in hatande þeinaize, du aftra gawandjan fijand jah wrak. Þande fairweitja in himinans þeinans þo waurstwa figgre þeinaize, in menan jah stairnons þoei gamanwides. Hva ist manna ei gamant ina, jah sunus adamis ei gawisos þis. Gaft þan imma leitil mins þau gudam, jah wulþau jah sweriþai waipt ina. Ina gasatides fraujan ufar þaim waurstwam handiwe þeinaizo, alla galagides uf is fotuns. Lamba jah auhsans alla þo, samaleikoh jah diuza haiþjos. Fuglans himinis jah fiskans mareins, þata hvarbondo þairh staigos mareino. O frauja þu frauja unsar, hvaiwa wulþag ist namo þein ana allai airþai.

 -Þ- Protaupsaltau, soh bi dauþau labenis psalmo ist daweidis. א Awiliudo [þus] o frauja in allamma hairtin meinamma, merja alla þo sildaleika þeina. Fagino jah swegnja in þus, liuþo namin þeinamma o hauhista. ב Sik gawandjandam fijandam meinaim ibukaim, afmauidai sind jah fraqistnand faura andwairþja þeinamma. Duþe ei gatawides meina staua jah meina saka, gasitands is ana stola stojands garaihtaba. ג Gahvotides þiudom frahqistides unsibjamma, namo ize afswarft du aiwa jah aftra. ה(?) Þamma fijand usfullnodedun gataurþeis du andja, jah baurgs habais gatauranos fraqistnoda gamunds izo ijos silbons. Iþ frauja du aiwa wisiþ, gamanwidana habaiþ stauai stol seinana. ו(?) Jah is stojiþ midjungard in garaihtiþai, domeiþ fadreinins in raihtiþai. ו Jah wairþiþ frauja saliþwos þraihanamma, saliþwos at hveilom þaim in aglon. Jah gatrauand in þus þai kunnandans namo þein, unte ni bilaist gasokjandam þuk o frauja. ז Liuþoþ fraujin þamma bauandin sion, merjaiþ in manageim toja is. Duþe ei sokjands bi bloþa þans sa gaman, ni ufarmunniþ hropa wainahaize. ח Gaarmai mik o frauja, gasaihv agliþa meina þo fram fijandam mik o þuei ushauheis mik af daurom dauþaus. Ei gateihau allos hazeinos þeinos in daurom þizos dauhtrs sionis, wairþau faginonds in naseinai þeinai. ט Gasugqun þiudos in þizai riurein ei taujandans wesun, in þamma natja ei fulhun gafahans ist fotus ize. Kunþs ist frauja sa stauos taujands, in waurstwam lofane seinaize ganutans ist unsibja muna Diapsalma. י Gawandjand sik unsibjans du haljai, allos þiudos ufarmunnandans guda. כ Unte ni du andja ungamunds ist unleda, wens wainahaize ni fraqistniþ du ajukduþai. Usstand o frauja ni jiukai manna, stojaindau þiudos faura andaugja þeinamma. Gasatei o frauja þlahsein im, ufkannjaina þiudos þatei manna sind Diapsalma.

 -I- ל(?) Duhve o frauja standis fairra, þuk filhis at hveilom þaim in aglon. Us hauhhairtein unsibja usþriutiþ wainahamma, ganiutaindau eis in munim þanzei mitond. Duþe ei hazjada unsibja bi lustu saiwalos seinaizos, jah faihufrika þiuþjada sa frakunnands fraujin. Unsibjis bi hauhiþai nasos seinaizos ni sokeiþ ina, ni waihtai ist guþ sind allos gamitonos is. Gamainjanda wigos is in allamma mele sind hauhist stauos þeinos faura imma, allaim hatandam sik frakann þaim andaugiba. Rodeiþ in hairtin seinamma ni skal ik wagjan, du aldai jah aldai þozei sind ni in unþiuþa. Unþiuþeinais munþs is ist fulls jah liuteins jah listais, uf tuggon is sind sleiþa jah ungaraihtei. Saljiþ in biniuhseinai þaurpiskai and fulginans stadins maurþreiþ swiknana, augona is halkana niuhsjand. Beidiþ in fulhsnja swe liwa sa in [is] filigrja swa beidiþ gafahan wainahana, gafahiþ wainahana ganiutandin sis in natja seinamma. Hneiwiþ sliupiþ is, gah~þan~driusiþ in is klawom siukei armaize. Rodeiþ in hairtin seinamma ufarmunnoda guþ, affalh andaugi sein ni gasaihviþ du andja. ק Usstand o frauja þu guþ [meins] ushafei handu þeina, ni sijais ufarmunnands wainaham [þeinaim und andi]. Bihve frakann unsibja guda, qiþands in hairtin seinamma ni gasokeis. ר Gasaihvis unte þu arbaiþ jah þreihsl atsaihvis, du usgildan handau þeinai. Wiþra þuk bileiþada halka, widuwairnin þu is izei gahilpiþ. ש Gabrik arm unsibjamma jah ubilamma, swaswe gasokida sijai afgudei is jah unbigitana. Frauja ist þiudans aiw jah ajukduþ, fraqistnand þiudos af þizai airþai is. ת Lustau wainahaize andhauseis o frauja, gatulgei hairto ize andhulei auso þein. Du stojan widuwairnin jah haunidin, ei ni anaaukai þanaseiþs þlahsjan manna sa us þizai airþai.

 -AI- Protaupsaltau, þatuh daweidis ist, In fraujin gatrauands im, hve qiþaiþ saiwalai meinai þliuh fairgunjis izwaris swe fugls. Unte sai þai unsibjans buganana haband bugan haband gamanwida arhva seina ana þambai, du skiutan analaugniba raihtans hairtin. Þande gasuleinos gatairanda, garaihta hva taujan mag. Ist frauja in þiudangardjai seinai þizai weihon, frauja in himinam stols þizei ist. Augona is [in wainahana] fairweitjand, hvarmos is gakausjand sununs adamis. Frauja garaihtana kauseiþ jah unsibjana, jah frijondan anamaht fijaiþ saiwala is. Is rigneiþ ana unsibjans hlammom funin raihtis jah swibla, jah winds skurasama ist dails þis ize stiklis. Unte garaihts ist frauja sa garaihteins frijoþ, raihtamma gaumjand andwairþja is.

 -BI- Protaupsaltau, ana auktaxaurda soh psalmo ist daweidis. Gahilp o frauja unte fairlag airkna, unte wan ist triggwaize us sunum adamis. Uswissi rodeiþ hvarjizuh miþ frijond seinamma, sind wairilos liutos in hairtin hairtinuh rodjand [ubil]. Fraqisteiþ frauja allaim wairilom liutaim, tuggon waihte mikilaizo. Þaimei qiþand þatei tuggon unsarai gajiukam, sind wairilos unsaros miþ unsis hvas ist frauja unsis. In þulainais wainahaize jah in swogateinais unledaize, nu urreisa qiþiþ frauja satja in naseinai ganiutaina þanei. Þo waurda fraujins sind waurda hrainja, silubr usfraisano in aison us airþai gahrainido sibun sinþam. Þu o frauja gahabais ija, gahfastais ija fram þizai nu aldai du aiwa. Bisunjane unsibjans gaggand, bi hauhiþai ungalaubis sunum adamis.

 -GI- Protaupsaltau, soh psalmo ist daweidis. Und hva o frauja ufarmunnis mis allis, und hva afwandeis andaugi þein af mis. Und hva galagja ragina in saiwalai meinai saurga aigands in hairtin meinamma dagans, und hva ushauheiþ sik sa fijands meins ufar mis. Fairweitei gahausei mis o frauja þu guþ meins, inliuhtei augona meina ibai gaslepau dauþau. Ibai qiþai sa fijands meins inswinþida ik mik þamma, þai þreihandans mik wairþaina faginondans þande gawagjaidau ik. Iþ ik in armahairtein þeinai traua, sifaiþ hairto mein in naseinai þeinai, siggwa du fraujin duþe ei gildands ist mis, [jah ussiggwa du namin fraujins hauhistins].

 -DI- Protaupsaltau, þatuh daweidis ist, Qaþ dwala in hairtin seinamma ni waihtai ist guþ, frawardidai jah andasetjai waurþun us tojam nist taujandins goþ. Frauja us himina insahv du sunum adamis, du gasaihvan jabai ist saei fraþjiþ saei sokeiþ gudis. Allai afairzidai sind sind samana unbrukjai, nist taujandins goþ nist ainishun. Niu sind fullaweisai allai þaiei waurkjand ungaraihtein, þai matjandans managein meina matjand hlaif fraujan ni wopjand. Þar waurþun faurhtjandans sik faurhtein [þarei ni wesi faurhteins], duþe ei frauja ist in kunja garaihtamma. Ragin wainahis gaaiwiskodeduþ, þatei frauja ist saliþwos is. Hvas gibiþ us siona nasein israela, gawandjandin fraujin þana hunþ manageins swesaizos sifaiþ iakob faginoþ israel.

 -EI- Soh psalmo ist daweidis, O frauja hvas gawisiþ in hleiþrai þeinai, hvas gabauiþ fairguni þein þata weiho. Sa gaggands unfairinodaba jah waurkjands garaihtein, jah qiþands sunja in hairtin seinamma. Unbirodjands tuggon seinai jah ungataujands frijond seinamma ubil, jah anaqiss unandnimands ana nehvundjans seinans. Ist frakunþs in þizei augam andasetja, iþ faurhtjandans fraujan sweraiþ. Swariþ du swesamma unþiuþa, jah ni inmaideiþ. Silubris seinis ni gibiþ fram wokra, jah gibos ana swiknana ni nimiþ. Saei taujiþ þo, ni gawagjada du aiwa.

 -QI- Þatuh fraþi ist daweidis, Witai mis o guþ unte traua in þus, qaþ ik fraujin frauja meins is þu [þei] selei meina ni waihtai ist wiþra þuk. Ak du weiham þaiei sind ana airþai, du im jah du abram meinaim alls wilja meins in þaimei ist. Wahsjandau sleiþeins jainaim, þaiei du aljamma guda sniwand. Ni waihtai blota blotinassum ize þaim us bloþa, nih waihtai hafja namna ize ana wairilom meinaim. Frauja ist dails arbjis meinis jah þis stiklis meinis, þu is sa haldands þana hlaut meinana [mis]. Markos gadrusun mis in skauneim, samaleiko jah gafreideins [meina] ist fagra bi mik. Þiuþja fraujan saei garaginoda mis, unte jah nahtam talzjand mik hairþra meina. Gasatida ik fraujan faura mis sinteino, unte af taihswon meinai ist ik ni gawagjada. Inuh þis faginondo ist hairto mein jah sifands ist wulþus meins, samaleiko jah leik mein anahveilaida du wenai. Duþe ei ni bileiþis saiwalai meinai in haljai, nih atgibis airknin þeinamma gasaihvan riurein. Gakanneis mis staiga libainais, ist usfulleins fahede miþ andwairþja þeinamma gabaurjoþjus in taihswon þeinai sind aiweinai.

 -ZI- Soh bida ist daweidis, Gahausei o frauja garaihtamma andhausei aihtron meinai, gahausei bida meina þo ni in wairilom hindarweisaim. Fram þeinamma andwairþja staua meina usgaggadau, þeina augona gasaihvandau garaihtein. Gakaust hairto mein meina gaweisodes naht, gakausides mik ni bigast waiht [in mis]. Mito ei ni skal ufargaggan munþs meins at þaim waurstwam manasedais, bi þamma waurda wairilo þeinaizo ik gahabaida mik af staigom wilwins. Gafastai gridins meinos in þeinaim staigom, ei ni afwagjaindau laisteis meinai. Ik atwopida þuk duþe ei gahauseis mis o guþ, anahnaiwei auso þein du mis anduhhausei razda meina. Ustaiknei armaion þeina, o þuei nasjis [þans in þus] trauandans af andastaþjam taihswon þeinai. Gahabai mik o frauja swe apl augins, skadau fiþro þeinaizo gahulei mik. Faura andwairþja þize unsibjane þaiei usagljand mik, fijande þize þairh saiwala þaiei bigaggand mik. Lundai swesai galuknodedun, sind munþos ize rodjandans hauhhairtaba. Bi griþ unsara sind nu bigaggandans uns, augona seina uslagidedun gahnaiwjan ana airþa. Analeiko swe liwa manwus du gafaha, sweh liwila sitands in fulginaim stadim. Usstand o frauja bisniu andwairþi is ina gadrausei, uslausei saiwala meina af unsibjin hairau þeinamma. Af riurjam þeinai handau o frauja, af mannam fairhvaus dails þizeei ist in libainai ize. Jah huzdis þeinis gafulleis þizeei wamba, sadai sind sunjus ize jah aflagjand laibos barnam seinaim. Ik in garaihtiþai fairweitja in andawleizn þein, saþs im urreisandin mis wlitis þeinis.

 -HI- Protaupsaltau, þatuh ist skalkis fraujins þis daweidis saei qaþ du fraujin waurda þis saggwis in dag þanei galausida frauja ina af lofin allaize fijande is jah af handau saülis. Qaþuh, Sels im þus o frauja þu maht meina, frauja ist hallus meins jah baurgswaddjus meina jah sa uslausjands mik. Guþ meins ist tulgiþa meina traua in þizaiei, skildus meins jah haurn ganistais meinaizos jah kelikn mein. Hazjands haita fraujan, abuh fijandam meinaim nisa. Dishabaidedun mik naudibandjos dauþaus, jah flodjus afgudeins gaþlahsidedun mik. Naudibandjos haljos gafaifahun mik, faursnewun mik hlammos dauþaus. In aglon þizai at mis ik wopida fraujan, duh guda meinamma hropida. Gahausida is us þiudangardjai seinai þo stibna meina, hropsuh meins sa du is andwairþja inniddja in ausona is. Jah wagida warþ jah reirandei airþa, jah grundjus fairgunje inreiraidedun jah gawagidai wesun unte moþs imma warþ. Urrais rauks us nasai is jah fon us is munþa fraitando, haurja brinnandona waurþun fram imma. Jah anahnaiwida himinans jah dalaþ atiddja, jah riqis uf fotum is was. Jah farida is ana xairubeima jah fliugands was, jah sniwands was ana fiþrom windis. Jah is lagida riqis analaugnein seina bisunjane sis, hleiþra is wesun riqiza wateina milhmane luftiskaize. Fram skeina þamma faura imma milhmans is fauriddjedun, hagl jah haurja funins. Jah gaf þeihvon in himinam frauja, hauhistah gaf þo stibna seina hagl jah haurja funins. Lailot arhvaznos seinos dizuhtahida þans, jah lauhmunjos aiauk gahdrobida þans. Jah ataugidai wesun brunnans watne jah andhulidai wesun grundjus midjungardis, fram gasahtai þeinai o frauja fram blesa anadins nasos þeinaizos. Ufrakida us hauhiþai anduhnam mik, mik atþans af watnam managaim. Uslausida mik af fijand meinamma þamma swinþin jah af þaim hatandam mik, unte inswinþnodedun ufar mik. Bisnewun mik in dag bireikeins meinaizos, akei warþ frauja du gatulgeinai mis. Jah ustauh mik ana rum, mik galausida unte imma galeikaida ik. Uzuhgaf mis frauja bi garaihtiþai meinai, jah bi hrainiþai handiwe meinaizo usgald mis. Duþe ei ik gahabaida wigans fraujins, jah unsibjis ni was ik faura guda meinamma. Duþe ei allos stauos is sind faura mis, jah garaihteins is ik ni aflagida us mis. Jah was ik unwamms miþ imma, jah gawitands mis af fairinai meinai. Jah gawandida frauja mis bi garaihtiþai meinai, jah bi hrainiþai handiwe meinaizo þizai faura augam is. Miþ airknamma airkns wairþis, miþ waira unwammamma unwamms wairþis. Miþ swiknamma swikns wairþis, iþ miþ unseljamma unsels wairþis. Unte þu managein haunida nasjis, iþ augona hauhþuhta hauneis. Unte þu intandeis þata lukarn mein o frauja, guþ meins inliuhteiþ þata riqis mein. Unte in þus rinna þairh hansa, jah in guda meinamma steiga ufar waddju. Sa guþ [meins] unwammei wigs is ist ist waurd fraujins pistikein, skildus ist du allaim þaim gatrauandam in imma. Duþe ei hvas ist guþ nibai frauja, jah hvas ist tulgiþa nibai guþ unsar. Sa guþ ist izei bigairdiþ mik mahtai, jah fragibiþ mis unwammein wig meinana. Izei gawaurkeiþ fotuns meinans swe þans hindo, jah ana hauheim meinaim gasatjiþ mik. Izei uslaiseiþ handuns meinos waihjon, swaswe brikada buga aizeins armam meinaim. Jah gaft mis skildu naseinais þeinaizos, jah taihswo þeina gaswinþeiþ mik [.] jah qairrei þeina gamikiljiþ mik [du andja, jah so talzeins þeina si mik galaiseiþ]. Braidos gataujis gridins meinos uf mis, jah siuka ni sind kniwa meina. Wrika fijands meinans jah faha ins, jah ni gawandja mik aftra faurþizei fraqumanai sijaina. Slaha ins jah ni magun usstandan, driusand uf fotuns meinans. Warst þan bigairdands mik mahtai du waihjon, ufhnaiweis allans andastaþjans meinans uf mik. Jah fijande meinaize warst gibands mis hals, jah þaim fijandam mik fraqistja im. Atwopjand akei nist hvas ganasjai, bi fraujan akei ni gahauseiþ im. Jah distahja ins swe stubju þana wiþra andwairþi windis, swe fani gatwono gaibnja ins. Uslausides mik af sokeinom manageins, gasatides mik du haubida þiudo. Managei þoei ni wissa ik skalkinondans mis sind sind at hauseinai ausins ufhausjandans mis, sunjus aljakunjins gakunnun sik faura mis. Sunjus framaþjins ogun sis, jah faurhtjand sik uta þaim gardam seinaim. Qius ist frauja jah þiuþiþs sijai sa hallus meins, jah ushauhjaidau sa guþ ganistais meinaizos. Sa guþ ist izei gibiþ fraweit du mis, jah ufhnaiweiþ manageins uf mik. Izei uslauseiþ mik af fijandam meinaim samaleiko jah af þaim ana mik usstandandam ushauhides mik, af mann anamahtais uslausides mik. Inuh þis andhaita þus in þiudom o frauja, jah namin þeinamma ussiggwa. O þuei mikiljis ganistins þiudanis þeinis, jah taujis armaion xristau þeinamma þamma daweida jah du is fraiwa und aiw.

 -ÞI- Protaupsaltau, soh psalmo ist daweidis. Himinos merjand wulþu gudis, jah gaskaft handiwe is kanneiþ so tulgiþa. Dags du daga rodeiþ waurd, jah nahts du naht bairhteiþ witubni. Nist waurdis nih razdos, ni hausjada stibna ize. And alla airþa usiddja so wiko ize, anduh andjans midjungardis sind þo waurda ize. Sa sunnin galagida þaurp in þaim, jah ita swe bruþfaþs usgaggands us þizai is hetjon faginondo ist swe swinþa rinnan spaurd. Fram andja himinis ist usgahts is jah ist bigahts is und andjans þis jah nist þatei sijai galaugniþ faura warmiþai is. Witoþ fraujins ist unwamm gawandjando saiwalos, weitwodiþa fraujins ist sunjeina usfratwjandei niuklahans. Garaihteins fraujins sind raihtos gailjandeins hairto, anabusns fraujins ist hlutra liuhtjandei augam. Agis fraujins ist hrain gastandando du ajukduþai, stauos fraujins sind sunjeinos airknos alakjo. Þos gairnidons mais gulþa jah mais taupazia managamma, jah woþizeins þau miliþ jah drupans hretos. Jah sa skalks þeins witaiþs þaim ist, ist in þizo gafastainai laun manag. Airziþos hvas ufkunnaiþ, af analaugnjaim gahrainei mik. Samaleiko jah af þuhtaim gahabai þana skalk þeinana ni waiht gafraujinona mis þos, þan ungafairinoþs im jah swikns af missadedai managai. Sijaina du leikainai waurda munþis meinis jah mitons hairtins meinis in andwairþja þeinamma [sinteino], o frauja þu hallu meins jah uslausjand meins.

 -K- Protaupsaltau, soh psalmo ist daweidis. Gahausjai þuk frauja in daga aglons, sijai sunjondo þuk namo gudis iakobis. Gasandjai hilpa þeina us weiha, uzuh siona þuk gaswinþjai. Gamuni allaize hunsle þeinaize, jah sauþ þeinana andanems wisan muni Diapsalma. Fragibai þus [frauja] bi hairtin þeinamma, jah allos mitonos þeinos ustiuhai. Waila sijum in ganistai þeinai jah in namin [fraujins þis] gudis unsaris weis gamikiljanda, usfulljai frauja allos bidos þeinos. Nu ufkunnaida ik þatei ganasjiþ frauja xristu seinana, gahauseiþ imma us himina seinamma þamma weihin in mahtai naseinais taihswons seinaizos. Sumai in wagnam sumaih in aihvam, iþ weis in namin fraujins þis gudis unsaris hvopam. Eis gahniwun jah gadrusun, iþ weis urrisum jah sijum standandans. O frauja ganasei þiudan unsarana, gahausei unsis in daga atwopeinais unsaraizos.

 -KA- Protaupsaltau, soh psalmo ist daweidis. O frauja in swinþein þeinai swegneiþ þiudans, jah naseinai þeinai hvaiwa sifaiþ filu. Þana lustu hairtins is fragaft imma, jah þizai bidai wairilo is ni uskaust Diapsalma. Unte gamotides imma miþ þiuþiqissim seleins, atlagides ana haubiþ is waip taupazieinana. Libainais baþ at þus gaft imma, laggein dage aiw jah þanamais. Mikils ist wulþus is in naseinai þeinai, sweriþa jah mikilduþ uslagides ana ina. Unte satides imma þiuþiqissins du ajukduþai, gailides ina swegniþai miþ andwairþja þeinamma. Unte sa þiudans gatrauaiþ in fraujin, jah þairh armahairtein hauhistins ni gawagjada. Bigitiþ handus þeina allans fijands þeinans, taihswo þeina bigitiþ allans þans fijandans þuk. [Þei] gasatjis ins swe auhn funins at mel andwairþjis þeinis, frauja þwairhein seinai ufsagqeiþ ins jah gamatjiþ ins fon. Akran ize af airþai fraqisteis jah fraiw ize af sunum adamis. Duþe ei froþun ana þuk unþiuþam mundedun munins, þanzei [gataujan] ni magun. Duþþe atgaraihteis im amsans ize, ana þambom þeinaim gamanweis ana andawleizna ize. Ushauhei þuk o frauja in þeinai swinþein, siggwam jah ussiggwam maht þeina.

 -KB- Protaupsaltau, wiþra gabairhtein auzandilis soh psalmo ist daweidis. O guþ meins o guþ meins [gahausei mis] duhve bilaist mis, fairrah sind fram ganistai meinai waurda hropis meinis. O guþ meins wopja daga akei ni hauseis, jah naht jah ni þahains ist at mis. Akei þu is weihs, o þuei bauis hazeinos israelis. In þus trauaidedun attans unsarai, trauaidedun jah wast uslausjands ins. Du þus hropidedun jah lausidai wesun, in þus trauaidedun jah sik ni skamaidedun. Iþ ik im mata iþ ni manna, idweit manasedais jah hauns manageins. Allai þai gasaihvandans mik wairþand mik bilaikandans, rodjand wairilom wiþond haubiþ. Gawenjands ist du fraujin uslausjadau ina, galausjadau ina þande wiljands ist ina. Duþe ei þu is saei usbar mik us qiþau, so wens meina fram dilom aiþeins meinaizos. Wiþra þuk atlagiþs was ik us kilþein, fram qiþau aiþeins meinaizos guþ meins is þu. Ni fairrjais þuk us mis unte aglo ist nehva, unte ni haba hilpandan [meina]. Birunnun mik stiuros managai, þai faitans basanis bistoþun mik. Uslukun ana mis munþ seinana, [swe] liwa wilwands jah baljonds. Swe wato ik usgutnoda jah sind distahida alla baina meina, warþ hairto mein swe wahs warþ smultan inna brust meinai. Gaþaursnoda swe tegla swinþei meina jah tuggo meina gahaftnoda gomin meinamma, duh stubjau dauþaus gadailides mik. Unte birunnun mik hundos [managai] gaqumþs ubiltoje bistoþun mik, þairhstekun handuns meinos jah fotuns meinans gateihau alla baina meina. Eis atsaihvand insaihvand du mis, dailjand wastjos meinos sis jah ana gawasein meina wairpand hlauta. Akei þu o frauja ni fairrjais þuk [us mis], o swinþei meina du hilpan meina gasniumei. Galausei af hairau saiwala meina, af handau hundis þo ainahon meina. Ganasei mik af munþa liwins, jah af haurnam ainahaurne gahausidana mik habai. Kannja namo þein broþrum meinaim, in midumai gamainþais hazja þuk. O izwis faurhtjandans fraujin hazjaiþ ina, o allai jus fraiw iakobis hauhjaiþ ina jah faurhtjaina sik imma all fraiw israelis. Duþe ei ni frakunþa nih andspaiw aglon wainahis nih affalh andaugi sein faura þamma, ak hropjandin þamma du sis was [mis] hausjands. Fram þus ist hazeins meina in gamainþai managai [awiliudo þus], gahaita meina salja faura faurhtaim is. Matjand wainahans jah sind sadai hazjanduh fraujan þai sokjandans ina, libaiþ hairto izwar du ajukduþai. Gamunun gahwandjand sik du fraujin allai andjos airþos, jah sind blotandeins in andwairþja þeinamma allos fadreineis þiudo. Unte fraujins sa þiudinassus ist, jah is waldiþ þiudom. Itand jah blotand allai faitans airþos, in andwairþja is biugand sik all atsteigandane dalaþ in mulda jah saiwala þizei ni skal wisan libandei. Fraiw [mein] skal skalkinon imma, rahnjada ita fraujin meinamma kuni. Qimand wairþanduh spillondans garaihtiþa is du managein gabauranai, duþe ei taujiþ [frauja].

 -KG- Soh psalmo ist daweidis, Ist frauja sa haldands mik, ni haba waihtais þaurban. Ana winjom grasis [jainar] galigan mik letiþ, at watnam gahveilainais tiuhiþ mik. Saiwala meina sa wandeiþ, garaihteiþ mik in staigom garaihtiþos in namins seinis. Jah þande gagga þairh þana dal skadaus dauþaus ni og mis ubil, unte þu is miþ mis sa wandus þeins jah so hrugga þeina þo sind mik þrafstjandona. Gamanwides andwairþja meinamma biuþ wiþra þans þreihandans mik, gasalbodes alewa haubiþ mein jah sa stikls meins ist ufargutans. Jai wairþand selei jah armahairtei mik laistjandeins allans dagans libainais meinaizos, jah anahaimeis im in garda fraujins du laggein dage.

 -KD- Daweidis ist psalmo, Fraujins ist airþa jah izos fullo, midjungards jah bauandans in imma. Duþe ei sa ana mareim gasulida ina, jah ana ahvom gatulgida ina. Hvas steigiþ ana þamma fairgunja fraujins, jah hvileiks standiþ ana stada is þamma weihin. Swikns lofin jah hrains hairtin, saei ni hof du uswissja saiwala seina jah ni swor du liutein [wiþra frijond seinana]. [Sah] nimiþ þiuþiqissais fram fraujin, jah garaihtiþos fram guda ganistais seinaizos. Swaleik ist kuni gasokjandane ina, þize sokjandane andaugjis þeinis o þu [guþ] iakobis Diapsalma. Ushafjaiþ o gahteis þo haubida izwara izwizuh ushafjaiþ o daurons aiweinons, inn~uþþan~gaggiþ sa þiudans wulþaus. Hvas ist jains þiudans wulþaus, frauja swinþs jah mahteigs frauja mahteiga waihjons. Ushafjaiþ o gahteis þo haubida izwara izwizuh ushafjaiþ o daurons aiweinons, inn~uþþan~gaggiþ sa þiudans wulþaus. Hvas ist jains þiudans wulþaus, frauja harje jains ist sa þiudans wulþaus Diapsalma.

 -KE- Daweidis ist, א Du þus o frauja, saiwala meina ushauhja þu guþ meins. ב In þus gatrauands im ni gaskamau mik [du aiwa], nih gablauþjaina fijands meinai mik. ג Samaleiko jah allai þai þuk wenjandans ni gaskamaina sik, sik gaskamaina þai ufargaggandans sware. ד Wigans þeinans o frauja gakannei mis, jah staigos þeinos galaisei mik. ה Garaihtei mik in sunjai þeinai jah uslaisei mik, unte þu is sa guþ ganistais meinaizos þuk beidands im all þize dage. ז Gamuneis ainfalþeino þeinaizo o frauja jah armaiono þeinaizo, unte us aiwa sind ijos. ח Frawaurhtins jundais meinaizos jah þos missadedins meinos ni gamuneis, bi airkniþai þeinai gamuneis meina þu in seleins þeinaizos o frauja. ט Ist goþs jah raihts frauja, inuh þis talzeiþ frawaurhtans in wiga. י Garaihteiþ qairrjans in stauai, laiseiþ qairrjans wig seinana. כ Allos staigos fraujins sind armahairtei jah sunja, þaim habandam triggwa is jah weitwodeins is. ל In namins þeinis o frauja, jah aflet þo fairina meina unte managa ist. מ Hvileiks ist is sa manna saei faurhteiþ sik fraujin, gatalzeiþ þana in wiga þanei gawaljai sa. נ Saiwala þis in þiuþa anahaimjo wairþiþ, jah fraiw þis wairþiþ arbinumja airþos. ס Garehsns fraujins ist þaimei faurhtjand sik imma, jah triggwa is ist du andhuljan im. ע Augona meina sinteino sind du fraujin, unte is utattiuhiþ af natja fotuns meinans. פ Gawandei þuk du mis jah gaarmai mik, unte ainakls jah wainahs im ik. צ Aglons hairtins meinis biauknodedun, af aggwiþom meinaim ustiuh mik. ק(?) Gasaihv þulain meina jah arbaiþ meina, jah fralet allos þos frawaurhtins meinos. ר Saihv fijands meinans þatei managnodedun, jah hatiza unmanariggwamma fijand mik. ש Gafastais saiwala meina gahlausjais mik, ei ni gaskamau mik þei im trauands in þus. ת Unwammei jah raihtiþa witaina mis, unte wenja þuk [o frauja].(+) Lausei o guþ þana israel af allaim aglom is.

 -KQ- Daweidis ist, Domei mik o frauja unte ik in unwammein meinai iddja, jah in fraujin trauaida waihtai ni wagjada. Frais mik o frauja jah kius mik, wairþ gakiusands hairþra meina jah hairto mein. Unte airkniþa þeina faura augom meinaim ist, jah im gaggands in sunjai þeinai. Ni sat miþ mannam lausaim, jah miþ liutam ni qima. Fijanda warþ gamainþ ubiltoje, jah miþ unsibjam ni sita. Usþwaha in swikniþai handuns meinos, jah bigagga hunslastaþ þeinana o frauja. Du andhafjan stibnai andahaitis [þeinis], duh gateihan alla sildaleika þeina. O frauja ik frijo þos saliþwos gardis þeinis, jah þana staþ bauainais wulþaus þeinis. Ni ganimais miþ frawaurhtam saiwala meina, miduh mannam bloþe meina libain. Þaimei in handum ize ist muns, taihswoh þizeei ist fulla bifaihonais. Iþ ik in unwammein meinai gagga, galausei mik [o frauja] jah gableiþei mik. Fotus meins standiþ ana ibnaim, in aikklesjom gaþiuþja fraujan.

 -KZ- Daweidis ist, Frauja ist liuhaþ mein jah ganists meina hvana mis og, frauja ist swinþei libainais meinaizos hvana mis faurhtja. Nehvjandam ana mik ubiltojam du gamatjan leik mein, þaim þreihandam mik jah þaim fijandam meinaim mis eis silbans sukun jah drusun. Jabai driugiþ ana mik hansa, ni og sis hairto mein. Jabai reisiþ ana mik waihjo, jah þan im ik trauands. Ainata baþ ik at fraujan jainata sokjands im, þatei bauau gard fraujins in allans dagans libainais meinaizos. Du fairweitjan in skaunein fraujins, jah du gaweison alhs is. Duþe ei gafilhai mik in hleiþrai seinai in dag unþiuþis [meinis], affilhai mik in fulhsnja þaurpis seinis ana hallu usnimai mik. Jah nu ushauhjada haubiþ mein, ufar fijandam meinaim þaim bisunjane mis. Andsalja in is hleiþrai hunsla [hazeinais jah] ufwopeinais, siggwa jah ussiggwa du fraujin. Andhausei o frauja stibna meina þizaiei atwopja, gaarmai mik jah gahausei mis. Þus qiþiþ hairto mein [þatei fraujan sokja] þatei sokjaiþ nu andwairþjis meinis, þannu nu þeinis andwairþjis o frauja sokja. Ni affilhais andaugi þein faura mis, jah ni afskiubais in þwairhein þamma skalka þeinamma. Gawaurstwa meins wast ni afletais mik, jah ni bileiþais mis o guþ ganistais meinaizos. Duþe ei atta meins jah aiþei meina biliþun mis, iþ frauja andnimiþ mik. Galaisei mik o frauja wig þeinana, jah atgaraihtei mik in staigai raihtai in þize mik hatandane. Ni fragibais mik þairh saiwala þize þreihandane mik, duþe ei usstoþun wiþra mik weitwoþs fairinondans jah uzaniþ ita inwindiþai. Aþþan galaubja gasaihvan selein fraujins, ana airþai qiwane. Gawenei du fraujin gaþrafstei þuk jah sa gaswinþeiþ hairto þein, jah wenjands sijais du fraujin.

 -KH- Daweidis ist, Du þus o frauja hropja o hallu meins ni sijais þahands faura mis, ibai gaþahais faura mis jah wairþa galeikonds atsteigandam dalaþ in groba. Gahausei [o frauja] þo stibna bido meinaizo hropjandin mis du þus, mis ushafjandin handuns meinos du þamma waurda weihiþos þeinaizos. Ni gatiuh mik miþ unsibjam jah miþ waurkjandam ungaraihtein [ni fralius mik], þaim qiþandam gawairþi miþ frijondam ize iþ unþiuþ in hairtam ize. Gif im [o frauja] bi tojam ize, jah bi unþiuþa gawaurkje ize. Bi waurstwam handiwe ize gif im, usgif laun ize im. Unte ni fraþjand eis þo waurstwa fraujins jah þata taui handiwe þis, uswalteiþ ins jah ni gatimreiþ ins. Þiuþiþs ist frauja, duþe ei andhausida stibnai bidos meinaizos. Frauja ist swinþei meina jah skildus meins, in imma gatrauaida hairto mein jah gahulpans im. Jah ist swegnjando hairto mein, jah us saggwa meinamma awiliudo imma. Ist frauja swinþei im, jah so tulgiþa ganiste xristaus seinis is ist. Nasei managein þeina jah þiuþei gafreidein þeina, jah sijais haldands ins jah hauhjands ins und þana aiw.

 -KÞ- Soh psalmo ist daweidis, Usgibaiþ fraujin o sunjus gude, [usgibaiþ fraujin sununs ramme] usgibaiþ fraujin wulþu jah sweriþa. Usgibaiþ fraujin wulþu namins is, inweitaiþ fraujan in skaunein weihiþos. Stibna fraujins ist ufar þaim watnam guþ sa wulþaga letiþ þeihvon, frauja ist ana watnam managaim. Stibna fraujins ist in mahtai, stibna fraujins ist in mikilduþai. Stibna fraujins brikiþ kaidrons, brikiþ þan frauja þos kaidrons libanaus. Jah letiþ þos laikan swe kalb, libanu jah seirion swe juggan ainahaurne. Stibna fraujins haggwiþ ailiþ funins, so stibna fraujins reiran letiþ auþida. Inuhreiran gataujiþ frauja þo auþida kadesais, so stibna fraujins ushnaiweiþ aiks jah andhuljiþ walþuns. Jah in þiudangardjai is, allata qiþiþ wulþu. Frauja at midjasweipainai sitiþ, jah sitiþ frauja þiudans du aiwa. Frauja swinþein managein seinai gibiþ, frauja wailaqiþiþ managein seinai in gawairþja.

 -L- Soh psalmo ist saggws ananiweinais raznis, ist daweidis. Ushauhja þuk o frauja duþe ei urraisides mik, jah ni usgailides fijands meinans bi mik. O frauja þu guþ meins ik ufhropida du þus, jah þu gahailides mik. O frauja urrannides af haljai saiwala meina, anaqiwides mik af atstiga þamma in hlaiwasn. Siggwaiþ du fraujin o airknans is, anduhhaitaiþ gamaudeinai weihiþos is. Unte melis stik in þwairhein is ist, ist libains in leikainai is. In andanahtja gawisiþ grets, iþ at maurgin ist faheþs. Jah ik qaþ in digrein meinai ni gawagjada ik du aiw, o frauja in wiljin þeinamma atgaraihtides fairgunja meinamma swinþein. Afwandides andaugi þein, ik indrobnoda. Du þus o frauja ik wopida, duh fraujin meinamma aihtroda. Hva þiuþis ist in bloþa meinamma at atsteigandin mis du riurein, ibai andhaitiþ þus mulda jah gateihiþ þo sunja þeina. Andhausei o frauja gaharmai mik, o frauja sijais gawaurstwa mis. Gawandides þo qainon meina du laika mis, mis afslaupides þana sakku meinana bihgarst mik swegniþai. Ei raihtis ussiggwai þus wulþaga jah ni wairþai gaslawands, o frauja þu guþ meins im du aiwa andhaitands þus.

 -LA- Protaupsaltau, soh psalmo ist daweidis. In þus o frauja im gatrauandans ni gaskamau mik du aiwa, in garaihtiþai þeinai uslausei mik [jah galausei mik]. Anahnaiwei du mis auso þein, gasniumei galausjan mik. Sjais mis du hallau tulgjamma, du garda sunjonais du ganasjan mik. Unte stains meins jah tulgiþa meina is þu, jah in namins nu þeinis tiuhais mik jah mis waldais. Ustiuhais mik af þamma natja ei gafulhun mis, unte þu is swinþei meina [o frauja]. In handu þeina galewja ahman meinana, warst lausjands mik o frauja þu guþ sunjos. Fija þans fastandans lauseins galiugos, ik þan du fraujin traua. Fagino jah sifa in armahairtein þeinai, ei gasahvt þo agliþa meina bifanst in aglom saiwala meina. Jah ni galewides mik in handu fijandis, gasatides ana ruma fotuns meinans. Gaarmai mik o frauja unte aglo ist mis, gaþaursnoda in gaurein augo mein saiwala meina jah wamba meina. Unte fraqumana ist in saurgai libains meina jah jera meina in swogateinai, siuka warþ in fairinai meinai swinþei meina jah baina meina waurþun þaursja. Fram allaim þaim hatandam mik im idweit jah bisitandam meinaim filu jah faurhtei kunþam meinaim, gasaihvandans mik uta þliuhand faura mis. Ungamunds im swe dauþs af hairtin, im swe kas fralusano. Unte gahausja anaqiss managaize bireikei bisunjane ist, at gaqiþandam þaim alakjo ana mik usniman saiwala meina gamitodedun. Iþ ik bi þuk im trauands o frauja, qiþa guþ meins is þu. In handau þeinai sind þeihsa meina, galausei mik af handau fijande meinaize abuh mik wrikandam. Inliuhtei andaugi þein wiþra þana skalk þeinana, mik ganasei armaion þeinai. O frauja ni skamau mik þei im wopjands þuk, gaskamaina sik unsibjans gaslawaina at haljai. Gaþahaina wairilos anaqissais þos qiþandeins ana garaihtana, þrasabalþein in hauhhairtein jah in hauna. Hvaiwa managa ist selei þeina [o frauja] þoei gahabaides faurhtaim þeina, gawaurhtes trauandam in þus faura sunum adamis. Filhis ins in analaugnein andwairþjis þeinis af ufswalleinom mans, bairgis ins in hleiþrai af andasahtai tuggono. Þiuþiþs sijai frauja, ei ustaiknida airkniþa seina þo du mis in baurg gaþwastidai. Iþ ik rodida in sniumundiþai meinai afmaitans im us augam þeinaim, aþþan gahausides þo stibna aihtronais meinaizos at hropjandin mis du þus. Frijoþ jus fraujan o allai airknans is, triggwaim gawitaiþ frauja jah andsaljiþ ufarassau þaim taujandam hauhhairtein. Þrafstjaiþ izwis jah swinþjaidau hairto izwar, o allai jus trauandans du fraujin.

 -LB- Daweidis ist fraþi, Audags ist þizei fraletana ist missadeþs, þizei gafulhana ist frawaurhts. Audaga ist so manaseþs ni rahneiþ frauja þizaiei fairina, nih ist in þizozei ahmin hindarweisei. Duþe ei ik slawands warþ fairnja waurþun baina meina, mis qainondin all þize dage. Unte dag jah naht kaurus was ana mis handus þeina, wandida warþ qrammiþa meina du þaursiþai sumaris Diapsalma. Frawaurht meina ik andhulida, jah fairina meina ik ni afhulida. Qaþ andhaita ana mik missadedim meinaim du fraujin, jah þu aflailost þo fairina frawaurhtais meinaizos Diapsalma. Bih þata aihtroþ all airknane du þus in mela brukjamma, swaei at midjasweipain watna managa du imma ni waihtai nehvjaina sik. Þu is saliþwos meinos faura aglon gafastais mik, swegniþom uslauseinais bisatjis mik Diapsalma. Gatalzja þuk jah galaisja þuk in þamma wiga þanei þairhgaggis, gatulgja ana þus augo mein. Ni wairþaiþ swe aihvs swe mulus þaiei ni aigun frodein, minþlam jah tauma kaunos þizei faurwaipjaindau aiþþau ni atnehvjai sik wiþra þuk. Managa saira aig unsibja, iþ þana gatrauandan in fraujin armahairtei bigaggiþ. Sifaiþ in fraujin jah faginoþ o garaihtans, jah swegnjaiþ o allai raihtans hairtin.

 -LG- Faginoþ o garaihtans in fraujin, raihtaim gadob ist hazjan. Andhaitaiþ fraujin in kiþarai, in psalteria in daikaxaurda ussiggwaiþ du imma. Siggwaiþ du imma saggw niujana, audagjaiþ ina xaurau in ufwopeinai. Unte raihtata ist waurd fraujins, jah alla waurstwa is sind in sunjai. Frijoþ garaihtein jah staua [frauja], armahairteins fraujins fulla ist airþa. Þamma waurda fraujins himinos tawidai wesun, jah þamma anadin munþis is alls sa harjis ize. Galais swe balg watna mareins, gadrag in banstins þos afgrundiþos. Sis ogjaina fraujan alla airþa, faura imma reiraina allai þai bauandans midjungard. Duþe ei sa qaþ jah waurþun, sa anabauþ jah usstoþun. Frauja gatairiþ gamiton þiudo, faurqiþiþ garehsnim manageino [jah faurqiþiþ garehsnim reikistane]. Gamitons fraujins du aiwa gastandiþ, garehsneis hairtins is sind du aldai jah aldai. Audaga ist so þiuda þizaiei frauja ist guþ izos, so managei þoei gakaus gafreidein sis. Us himina ussaihviþ frauja, gasaihviþ allans sununs manasedais. Us þamma stada bauainais seinaizos insaihviþ, du allaim bauandam airþa. Sa gaskapjands ibnaleiko hairto ize, sa atsaihvands du allaim waurstwam ize. Nist þiudanis nisandins filusnai harjis, mahteiga ni nisiþ filusnai swinþeins seinaizos. Halks ist marhs du ganistai, filusnai þan swinþeins seinaizos ni ganasjiþ. Sai ist augo fraujins du faurhtaim is, þaim wenjandam du armahairtein is. Du uslausjan af dauþau saiwala þize, jah usfodjan þans in huhrau. Saiwala unsara weneiþ du fraujin, [unte] hilpa unsara jah skildus unsar ist is. Unte in imma swegneiþ hairto unsar, duþe ei in namin is þamma weihin sijum gatrauandans. Sijai armahairtei þeina o frauja bi uns, swaswe wenjandans sijum du þus.

 -LD- Daweidis, at wisandin imma bihlalanamma þanei gakusun ina in andwairþja abimailaixis jah sa usdraif ina jah is galaiþ. א Þiuþja fraujan in all mele, sinteino ist hazeins is in munþa meinamma. ב Bi fraujin sik hazjiþ saiwala meina, hausjand qairrjai jah swegnjand. ג Mikiljaiþ fraujan miþ mis, jah hauhjam namo is samana. ד Ik gasokida fraujan jah is gahausida mis, abuh allaim bireikeim meinaim mik galausida. ה Fairweitidedun in ina jah inliuhtidai waurþun, jah andawleizna þize ni gaaiwiskonda. ז Sah wainaha atwopida jah frauja andhausida [þana], abuh allaim aglom þis ganasida þana. ח Drauhtinoþ aggilus fraujins bisunjane faurhtaim is, jah nasjiþ ins. ט Andnimaiþ jah gasaihvaiþ þatei þiuþeigs ist frauja, ist audags sa wair saei trauaiþ in imma. י Izwis faurhtjaiþ fraujin o weihans is, unte nist gaidw faurhtaim is. כ Liwilans alaþarbans jah gredagans wairþand, iþ þai gasokjandans fraujan ni waiht haband mins allis þiuþe. ל Gaqimaiþ o barnilona hausjaiþ mik, agis fraujins laisja izwis. מ Hvileiks ist sa manna saei wili libain, saei frijoþ dagans du saihvan goþ. נ Gahabai tuggon þeina af unþiuþa, jah wairilos þeinos af waurda hindarweiseins. ס Biwandei unþiuþ jah gatawei þiuþ, sokei gawairþi jah laistei ita. ע Augona fraujins du garaihtaim sind, jah ausona is du hropa ize. פ Andaugi fraujins ist wiþra taujandans ubil, du fraqistjan af airþai gaminþja þize. צ Hropjand [garaihtai] jah frauja hauseiþ [ins], abuh allaim aglom ize lauseiþ ins. ק Nehva ist frauja gamalwidaim hairtin, jah gahaunidans ahmin sa nasjiþ. ר Managa sind unþiuþa garaihtins, jah af allaim þaim ina lauseiþ frauja. ש Witaiþ [frauja] allaim bainam is, ainhun ize ni habaiþ gabrikan. ת Gadauþeiþ unsibjan ubil, jah fijandans garaihtana fralusnand. (+) Galauseiþ frauja saiwalos skalke seinaize, jah ni fralusnand allai þai trauandans in imma.

 -LE- Daweidis ist, Sak o frauja miþ andastauam meinaim, weih du þaim du mis weihandam. Usnim skildu jah brunjon, jah usstand in hilpai meinai. Usluk wepn gahluk wiþrawairþs faura þaim wrikandam mik, qiþ saiwalai meinai ganists þeina ik im. Skamaina sik jah unsweraindau þai sokjandans saiwala meina, gawandjaina sik ibukai jah gaaiwiskondau þai gamitondans mis ubil. Sijaina swe ahana so in andwairþja windis, jah aggilus fraujins dreibai ins. Sijai wigs ize riqis jah sliupo, jah aggilus fraujins wrikai ins. Unte sware gafulhun mis groba þis natjis seinis, sware usgrobun saiwalai meinai. Qimai imma fralusts þoei nist ufkunnands, jah þata nati is þatei is gafalh gafahai ina silban in fralustai gadriusai in þamma. Iþ meina saiwala sifaiþ in fraujin, faginoþ in naseinai is. Alla baina meina rodjand [o frauja] o frauja hvas þus ist galeiks, þus uslausjandin wainahana af swinþozin þau is jah wainahana jah unledana af frawilwandin ina. Usstoþun [ana mik] witoþs anamahtjandans, þizei ik ni wait fraihnand mik. Usgildand mis unþiuþ und þiuþa, usþriutada saiwala meina. Iþ ik in siukeim ize wastjos meinos habaida sakku, was gahnaiwjands fastubnjai saiwala meina. Jah bida meina in barma meinamma sik gawandida swe frijonds swe broþar mis wesun, [swa] tawida ik swe flokands aiþein [swa] ik mik hnaiwida. Akei bistigqandin mis swegnidedun jah gaiddjedun, gaiddjedun ana mik frakunþans iþ ik ni wissa tahidedun jah ni hveilaidedun. In liutam truþe nahtamatis, was kriustands ana mik tunþuns seinans. O frauja meins hvaiwa laggaba saihvands is, gawandei saiwala meina af fralustim ize af liwilam þo ainahon meina. Awiliudo þus in gamainþai managai, in managein flaizein hazja þuk. Ni faginona mis fijands unraihtai, þai hatandans mik sware ni bandwjaina augin. Unte ni gawairþi rodjand, ak ana sibjans airþos liuteins mitond. Braidjand ana mik munþ seinana, rodjand waila waila þoh gasahv augo unsar. Gasaihvands is o frauja ni sijais þahands, o frauja meins ni fairrjais þuk us mis. Urreis [o frauja] uzuhwak du stauai meinai, o guþ meins jah frauja meins du þizai sakai meinai. Stauei mik [o frauja] bi garaihtiþai þeinai o frauja þu guþ meins, jah ni faginona mis. Ni qiþaina in hairtin seinamma waila [waila] o saiwala unsara, nih qiþaina fraslundanana habam ina. Gaskamaina sik jah gaaiwiskondau alakjo þai faginondans unþiuþa meinamma, gahamonda aiwiskja jah unswerein þai mikiljandans sik ana mik. Swegnjaina jah faginona þai wiljandans garaihtiþa meina, jah sijaina sinteino qiþandans mikiljaidau frauja saei wili gawairþjis skalka seinamma. Jah tuggo meina mereiþ garaihtiþa þeina, all þize dage hazein þeina.

 -LQ- Protaupsaltau, þatuh skalkis fraujins þis daweidis ist. Rodeiþ missadeþs unsibjins inna hairtin meinamma, ni waiht ist agisis gudis faura augam is. Duþe ei suþjiþ sik silban in augam seinaim, þei bigitai fairina seina du fijan. Þo waurda munþis is sind inwindiþa jah hindarweisei, ni habaiþ is fraþjan du wairþan bleiþs. Ungaraihtein bisaihviþ ana badja seinamma urreisiþ ana wiga ni godamma, unþiuþa ni andspeiwiþ. O frauja ist ana himina armahairtei þeina, ist sunja þeina und milhmans. Garaihtiþa þeina ist swe fairgunja gudiska þeinos stauos sind afgrundiþa managa, guman jah dius ganasjis o frauja. Hvaiwa filugalauba ist armaio þeina o guþ, jah sunjus adamis skadau fiþro þeinaizo anaþrafstjanda. Sind drugkanai us smairþra gardis þeinis, jah þizai ahvai gabaurjoþiwe þeinaize gadragkeis ins. Unte miþ þus ist brunna libainais, in þeinamma liuhada sijum gasaihvandans liuhaþ. Laggizein gatawei armahairtein þeina du þaimei þuk witun, jah garaihtiþa þeina du raihtaim hairtin. Ni qimai mis fotus hauhhairteins, jah handus unsibjane ni dreibai mik. Jainar gadrusun [allai] þai waurkjandans inwindiþa, gadrausidai waurþun jah ni magun urreisan.

 -LZ- Daweidis ist, א Ni wairþais aljanonds ubiltojam, nih sijais in neiþa taujandam ungaraihtein. Unte swe hawi suns sneiþanda, jah swe groniþa grasis sind [suns] gaþaursnandans. ב Þu trauai in fraujin jah tawei þiuþ, þu bauai airþa jah fastai sunja. Sijais gawizneigs fraujin, jah gibiþ þus þo bidanona hairtins þeinis. ג Andhulei faura fraujin wig þeinana, jah gatrauai in imma jah is gataujiþ. Utuhattiuhiþ is swe liuhaþ garaihtiþa þeina, jah staua þeina swe midjadag. ד Gakunneis þuk faura fraujin, jah sijais wenjands du imma. Ni sijais aljanonds þeihandin swesamma wiga, þamma mann taujandin liutein. ה Anaslawais af þwairhein þukuh afwandjais af hatiza, ni aljanos und ubil. Duþe ei ubiltojos usmaitanda, iþ þai wenjandans fraujan eis arbi ganimand airþa. ו Jah leitil mais jah nist unsibja, jah saihvis þana staþ is akei ni waiht ist þar. Iþ qairrjai arbi nimand airþa, jah wairþand gawizneigai bi filusna gawairþjis. ז Mitonds ist unsibja garaihtamma, jah kriustiþ ana ina tunþuns seinans. Frauja meins hlahjiþ bi þana, unte saihviþ þatei qimands ist sa dags þis. ח Hairu uslukun unsibjans garaihtidedun bugan seinana du gadrausjan wainahana jah unledana, du afslahan raihtans wiga. Hairus ize inngaggiþ in ize hairtona, jah bugans ize gabrikanda. ט Batizo ist leitil þata garaihtins, þau gabei unsibjane managaize. Unte armos unsibjaize gabrikanda, iþ gatulgeiþ garaihtans frauja. י Wait frauja wigans unwammaize, jah arbi ize du aiwa ist. Ni skamand sik in hveilai ubilai, jah in dagam huhraus sind sadai. כ Unte unsibjans fraqistnand, jah fijands fraujins swe lunda wiþriwe frawairþand swe in rauka frawairþand. ל Skula ist unsibja akei ni usgibiþ, iþ garaihta ist hulþs jah fragibiþ. Unte þai fram imma gaþiuþidans arbi ganimand airþa, iþ þai fram imma fraqiþanans sind usmaitanai. מ Fram fraujin grideis wairis manwjanda, jah wigis þis wili [filu]. Þande driusiþ ni gadriusiþ, unte frauja ist swinþjands þo handu þis. נ Juggs ik was jah sineigs im, akei ni warþ ik gasaihvands garaihtan biliþanana nih fraiw is aihtrondo hlaibis. All þize dage ist armands jah leihvands [garaihta], jah fraiw þis du þiuþeinai ist. ס Biwandei unþiuþ jah gatawei þiuþ, jah gabauis du aiwa. Duþe ei frauja frijoþ staua, jah ni wandeiþ sik us airknam seinaim sind du aiwa eis fastaidai. ע [Ungaraihtans uswairpanda], jah fraiw unsibjaize usmaitada. Garaihtans arbi nimand airþa, jah anahaimjai sind du ajukduþai ana izai. פ Munþs garaihtins andhaitiþ handugein, jah tuggo is usbairiþ staua. Witoþ gudis is ist in hairtin is, jah unsliupandeins sind grideis is. צ Niuhseiþ unsibjis bi garaihtana, sokeiduh gadauþjan ina. Frauja sik ni afwandeiþ us imma in handau þis, nih afdomeiþ ina at wisandin imma stauidamma. ק Gawenei du fraujin, jah gahabai wig is. Jah ushauheiþ þuk du arbi ganiman airþa, at usmaitanaim wisandam unsibjam skalt gasaihvan. ר Gasaihvanana haba unsibjan abrana, jah urrumnandan swe lawro grons. Akei galaiþ sa jah sai nist þis, jah ik sokida þana jah nist sa bigitans. ש Þus mundo unwammana jah gaumei raihtamma, duþe ei anawairþona þamma mann ist gawairþi. Iþ witodalausai fraliusanda alakjo, anawairþona unsibjaize usmaitanda. ת Ganists þan garaihtane ist fram fraujin, þizai swinþein ize in hveilai aglons. Gahilpiþ ize þan frauja uzuhlauseiþ ins, ins usþinsiþ af unsibjaim gahnasjiþ ins duþe ei gatrauand in imma.

 -LH- Soh psalmo ist daweidis, ist du gamundai. O frauja in unwereinai þeinai ni gasakais mik, jah in moda þeinamma ni andbeitais mik. Unte arhvaznos þeinos þreihand in mik, jah þreihiþ ana mik handus þeina. Nist hailiþos in leika meinamma fram andwairþja þwairheins þeinaizos, nist gawairþjis in bainam meinaim fram andwairþja frawaurhte meinaizo. Duþe ei fairino meinaizo hauhizo warþ þau haubidis meinis, swe baurþei kaurus waurþun kaurjos ufar mik. Fulos wairþand jah sind þos banjos meinos, fram andwairþja unwitjis meinis. Siukands im jah brikans und filu, all þize dage qainonds gagga. Unte hupeis meinai usfullnodedun ubilaizos siuhtais, jah nist hailiþos in leika meinamma. Lasiws warþ jah gahniwans und filu, hropja us aglon hairtins meinis. O frauja faura þus ist alls lustus meins, jah swogateins meina faura þus nist affulhana. Hairto mein gaþlahsniþ bileiþandei mis ist swinþei meina, jah liuhaþ augane meinaize jah jainis nist miþ mis. Frijondans mik jah frijonds meinai faur banja meina standandans sind, jah nehvundjans meinai fairra mis gastoþun. Jah gafahan wileina þai sokjandans saiwala meina, jah þai gasokjandans ubile mis rodjand fralust jah hindarweiseins all þize dage þai sis þagkjand. Iþ ik swe bauþs ni im gahausjands, sweh unrodjands saei ni uslukiþ munþ seinana. Warþuh swe manna ik saei ni gahauseiþ, jah nist in munþa þizei gasahte. Unte du þus o frauja im wenjands, þu gahauseis o frauja meins meins guþ. Unte qiþands im ibai swegnjaina ufar mis [fijands meinai], wagidamma wisandin fotau meinamma ana mik sik mikiljand. Unte ik du drusa im manwus, jah sair mein faura mis ist sinteino. Unte þo fairina meina ik kannja, idreigo fram þizai frawaurhtai meinai. Iþ fijands meinai qiwai swinþnand [ufar mik], jah managnand þai fijandans mik inwindaba. Jah þai usgildandans mis unþiuþ und þiuþa andstandand mis, duþe ei atgagga du þiuþa. Ni bileiþais mis o frauja, o guþ meins fairra ni sijais mis. Gasniumei du hilpan meina, o frauja meins þu nasjand meins.

 -LÞ- Protaupsaltau þamma idiþuna, soh psalmo ist daweidis. Ik qaþ gahaba wigans meinans, ei ni frawaurkjau in tuggon meinai. Gafasta munþ meinana framuleinai, und þatei ist unsibja faura mis. Þahaida ik gahveilainai, slawaida us þiuþa jah sair mein ananiwiþ ist. Brinniþ hairto mein inna mis in mitonom meinaim wuliþ fon, qiþa tuggon meinai. Gakannei mis o frauja andi meinana jah þo mitaþ dage meinaize hva ist so, ei witjau hvis wan wairþiþ mis. Sai palmans galagides dagans meinans jah alds meina swe ni waiht ist faura þus, alla allis lausei ist alla manaseþs þeihandei Diapsalma. Jai in siunai gaggiþ manna sware allis karoþ, huzdeiþ jah ni wait hvas habaiþ ganiman þo. Jah nu hva wenja, o frauja meins lubains meina fram þus ist. Af allaim missadedim meinaim galausei mik, idweit unfrodamma ni gasatjais mik. Unrodjands warþ jah ni usluka munþ meinana, duþe ei þu taujands is. Fairrei af mis þana slah þeinana, fram þizai kaupateinai handaus þeinaizos ik afdauiþs im. Gasahtim bi fairina frawiteis mannan jah gataureis swe malo þo fagrein is, jai lausa ist alla manaseþs Diapsalma. Andhausei bidai meinai o frauja þammuh hropa meinamma gahausei, du tagram meinaim ni sijais gaþahands. Unte gasts ik im miþ þus, jah aljakunja swe allai attans meinai. Usbeidands wairþ bi mis gahhveilau, faurþizei afleiþau jah wisands [ju] ni sijau.

 -M- Protaupsaltau, soh daweidis ist psalmo. Ik wenjands gawenida fraujan, jah sik anahnaiwida du mis anduhhausida þana hrop meinana. Jah ushauhida mik af grobai nauþais jah af þahon þis fanjis, gahsatida ana staina fotuns meinans jah gatulgida gridins meinos. Jah galagida in munþa meinamma saggw niujana þo hazein guda unsaramma, gaumjand managai jah sik faurhtjand jah trauand in fraujin. Audags ist sa wair saei gasatida fraujan trauain seina, jah ni warþ andsaihvands hauhþuhtans jah þanzei uswandjand du liugna. Managa gatawides þu o frauja þu guþ meins sildaleika þeina jah mitonos þeinos þo du unsis, ni waihtai ist ibna du þus. Meridedjau jah rodidedjau, biauknodedun ufar garaþein. Hunslis jah tibris ni wildes, ausona uslaukt meina. Alabrunstais jah þis bi frawaurht gasokjands ni is, þan qaþ ik sai qima. Ana bokai mele gamelido ist bi mik, gataujan wiljan þeinana o guþ meins gairnja jah ist witoþ þein inna brust meinai. Ik spilloda garaihtiþa in gamainþai managai, sai wairilos meinos ni warida o frauja þu waist. Garaihtiþos þeinaizos ni falh ik in hairtin meinamma sunja þeina jah nasein þeina qaþ, ni barg airkniþos þeinaizos faura gamainþai managai. Þu o frauja ni afhabais ainfalþeins þeinos us mis, airkniþa þeina jah sunja þeina sinteino gawitandau mis. Duþe ei bifaifahun mik unþiuþa þo und nist garaþeinais gafaifahun mik fairinos meinos jah unmahteigs im saihvan, biauknodedun ufar þo tagla haubidis meinis jah hairto mein inwidaida mik. Galeikai þus o frauja uslausjan mik, o frauja hilpan meina gasniumei. Gaskamaina sik jah indrobnaina alakjo þai sokjandans saiwala meina usqistjan izai, gawandjaindau ibukai jah gaaiwiskondau þai wiljandans ubile meinaize. Nimaina ana laun aiwiski sein, þai qiþandans mis waila waila. Sifaina jah faginona in þus allai þai sokjandans þuk [o frauja], jah qiþaina sinteino mikiliþs sijai frauja þai frijondans nasein þeina. Iþ ik im wainahs jah unleþs, meins frauja maurniþ mis. Sa hilpands meina jah sa lausjands mik is þu, o guþ meins ni sainjais.

 -MA- Protaupsaltau, soh psalmo ist daweidis. Audags ist sa fraþjands [wainahamma jah] armamma, in dag unþiuþis uslauseiþ ina frauja. Frauja gafastaiþ ina jah gaqiujiþ ina jah audags wairþiþ is ana airþai, jah ni galeweiþ ina bi saiwalai fijande is. Frauja inswinþeiþ ina ana ligra siukeins is, allata badi is gamaideis in sauhtai is. Ik qaþ o frauja gaarmai mik, gahailei saiwala meina duþe ei frawaurhta ik mis wiþra þuk. Þai fijands meinai qiþand ubil mis, hvan gadauþniþ is jah fralusniþ namo is. Jah jabai qimiþ saihvan þau lausein qiþiþ hairto is, lisiþ ungaraihtein sis usgaggiþ ut wairþiþ rodjands. Samaþ ana mik runand allai þai fijandans mik, ana mik mitond ubil mis. Waihts witodalausa gahaftnoda imma, swaei galigands ni anaaukiþ urreisan. Jah manna gawairþjis meinis þammei ik trauaida in imma saei matida hlaif meinana, ushof ana mik fairzna. Iþ þu o frauja gaarmai mik uzuhraisei mik, jah fragilda im. Þairh jainata gakunna þatei galeikaiþ þus in mis, þande ni gablauþeiþ fijands meins mik. Iþ mik in unwammein meinai gafastais in mis, gahþwasteis mik in andwairþja þeinamma du aiwa. Gaþiuþiþs sijai frauja sa guþ israelis, fram þamma aiwa jah und þana aiw. Amen jah amen.

 -MB- Protaupsaltau, þatuh fraþi ist suniwe kauraiis. Swe hairuts gairneiþ du rinnom watins, swa saiwala meina gairneiþ du þus o guþ. Þaurseiþ saiwala meina du guda du guda qiwin, hvan atgagga atuhaugja mik andaugja gudis. Waurþun mis tagra meina hlaifs dag jah naht, þan qeþun mis all þize dage hvar ist sa guþ þeins. Þoh gaman jah utusgiuta bi mik saiwala meina, duþe ei fauriddja ik in mikilai hansai und razn gudis. In stibnai fahedais jah andahaitis, hiuhmins dulþjandins. Hva saurgais o saiwala meina, jah hva drobnis bi mik. Wenei du guda, unte aftra awiliudo imma þizai naseinai andwairþjis is þus guda meinamma. Ist bi mik [silban] saiwala meina in unlustau, inuh þis gaman þeina us airþai þizai iaurdaniskon jah airmoneiimiskon us fairgunja þamma misaara. Afgrundiþa du afgrundiþai hropeiþ at stibna þize faurse þeinaize, alla þo flodjus þeinos jah wegeis þeinai ufar mis fauriddjedun. Daga anabiudiþ frauja armaion seina, jah in naht saggws [imma] ist miþ mis bida du guda libainais meinaizos. Rodei du guda þamma staina meinamma duhve ufarmunnodes mis, duhve gaunonds gagga biþe þreihiþ fijands. At maurþridaim wisandam bainam meinaim, idweitjand mis þai þreihandans mik. Biþe rodjand du mis all þize dage, hvar ist sa guþ þeins. Hva saurgais o saiwala meina, jah hva drobnis bi mik. Wenei du guda unte aftra awiliudo imma, þizai ganistai andwairþjis meinis jah meinamma guda.

 -MG- Mik stauei o guþ domeih saka meina þo fram þiudai unairknai, af mann hindarweisamma jah ungaraihtamma uslausei mik. Unte þu is guþ swinþeins meinaizos duhve afskaiskaist mik, duhve gaunonds gagga at gaþreihandin fijand. Insandei liuhaþ þein jah sunja þeina ija mik tiuhaina, jah briggaina du fairgunja þeinamma þamma weihin jah du bauainom þeinaim. Jah atgagga du hunslastada gudis du guda þizai fahedai swegniþos meinaizos, andhaita þus in harpon o guþ þu guþ meins. Hva saurgais o saiwala meina, jah hva drobnis bi mik. Trauai du guda, unte aftra haba andhaitan imma þaim ganistai andwairþjis meinis jah guda meinamma.

 -MD- Protaupsaltau, suniwe kauraiis ist fraþi. O guþ ausam unsaraim gahausidedum attans unsarai gaspillodedun unsis waurstw, þatei gawaurhtes in dagam ize in dagam alþjaim. Þu handau þeinai þiudos gasloht jah ussatides ins, gaskost fadreinim jah afsatides þans. Unte ni hairau seinamma gageigaidedun airþa jah arms ize ni ganasida ins, ak taihswo þeina jah arms þeins jah þata liuhaþ andaugjis þeinis duþe ei þus galeikaidedun. Þu is sama o þiudan meins o guþ [meins], anabiuþ nasein iakoba. In þus þans þreihandans uns rammon skulum, in namin þeinamma fratrudam þans ana uns usstandandans. Ni in bugin meinamma gatraua, jah hairus meins ni ganasjiþ mik. Unte ganasjis uns af þreihandam uns, unzuh fijandans gaskamais. Bi guþ hazjam uns all þize dage, jah namin þeinamma du aiwa awiliudom Diapsalma. Akei afskauft jah warst gaaiwiskonds uns, jah ni usgaggis [o guþ] in harjam unsaraim. Gawandides uns ibukans faura þreihandin [uns], jah þai uns fijandans sind diswilwandans sis. Aflagides uns swe lamba matis, jah in þiudom distahides uns. Frabauhtes managein þeinai ni waiht wokris, jah nist faihugawaurki in þaim andawairþjam ize. Gasatides uns idweit bisitandam unsaraim, haun jah bimampein þaim bisunjane unsis. Gasatides uns gajukon in þiudom, wiþon haubidis in fadreinim. All þize dage skanda meina faura mis ist, jah aiwiski andawleiznis meinis gahulida mik. Fram stibnai idweitjandins jah fairinondins, fram andaugja fijandis jah wrakis. Þoh alla ana uns innatiddjedun, akei ni ufarmunnodedum þus jah ni uslutodedum uns in triggwai þeinai. Jah ni galaiþ ibukata hairto unsar, jah ni gaskaiskaist gridins unsaros us staigai þeinai. Þande hnaiwides uns ana stada drakins, jah hulides bi uns skadau dauþaus. Jabai ufarmunnodedeima namin gudis unsaris, [jabaih] ufrakidedeima lofans unsarans du guda framaþjamma. Þau ibai guþ ni gasokidedi þize, unte is wait fulhsnja hairtins. Unte bi þuk gadauþidai sijum all þize dage, rahnidai waurþum swe lamba slahtais. Urreis duhve slepands is o frauja meins, uswak ni afskiubais du andja. Bihve andaugi þein gahuljis, ufarmunnis agliþai unsarai jah þreihsla unsaramma. Unte gahnaiwida du muldai saiwala unsara ist, ist gahaftnondei airþai wamba unsara. Usstand [o frauja] hilpai du unsis, uzuhþins uns in armahairteins þeinaizos.

 -ME- Protaupsaltau, ana sosaneim~aurgana þatuh suniwe kauraiis ist fraþi þatuh ist saggws frijaþwos. Usbar hairto mein waurd godata rodja ik waurstw mein þata þiudana, tuggo meina ist raus meljandins sprauto. Fagriza is þau sunjus adamis, usgutnoda ansts þairh wairilos þeinos inuh þis gaþiuþida þuk guþ du aiwa. Ufgaird hairu þeinana ana þiuha þeinamma o mahteigista, þata andahait þein jah þo mikilduþ þeina. Jah þizai mikilduþai þeinai gaþeih sijais farjands, bi saka sunjos jah qairreins garaihtaizos. Jah ustaikneiþ þus usfilmeins taihswo þeina, arhvaznos þeinos sind hvassos [o mahteigista]. Manageins uf þus sind, gadriusand hairtin fijands þiudanis. Stols þeins o gudasama aiw ist jah ajukduþ, wandus raihtiþos ist sa wandus þiudinassaus þeinis frijodes garaihtiþa jah fijaides unselein. Inuh þis salboda þuk o gudasama þeins guþ, alewa fahedais ufar gadailans þeinans. Smwrna jah staktei jah kaseia sind allos wastjos þeinos, þai us rohsnim ailaifanteinaim gailjand þuk. Sind dauhtrjus þiudane in þaim swerom þeinaim, faurastoþ þiudano in taihswon þeinai in gulþa ofeiriskin [gawasida farwom]. Andhausei o dauhtar jah fairweitei jah anahnaiwei auso þein, jah ufarmunn þizai managein þeinai jah garda attins þeinis. Gairneiþ þan þiudans skauneins þeinaizos, unte is ist frauja þeins jah inweit ina. Jah so dauhtar twraus ist miþ gibai, andwairþi þein bidjan haband gabeigistai manageins. Alls wulþus dauhtrs þiudanis ist inna, sind us fanam gulþeinaim þai du wastjom izos. In faihaim wedim briggada si du þiudana, magaþeis afar izai þos frijondjos izos brigganda du þus. Brigganda in swegniþai jah faginonai, qimand in rohsnai þiudanis. Und attam þeinaim wairþan skulun sunjus þeinai, gasatjis ins du reikam ana allai airþai. Gamund gatauja namo þein in allamma alde jah alde, inuh þis manageins haband andhaitan þus du aiwa jah ajukduþai.

 -MQ- Protaupsaltau, þatuh ist suniwe kauraiis, ana alamoþ~aurgana þatuh ist saggws. Guþ unsis ist þwastiþa jah swinþei, hilpa so in aglom bigitano suns. Inuh þis ni ogum unsis at gaþlahsnandein airþai, jah gawagidaim wairþandam fairgunjam in hairto mareino. Auhjondau drobnandau watna þizo, reirandau fairgunja ufswalleinai þizo Diapsalma. Ist ahva flodiwe is gailjandei baurg gudis, þo weihiþa bauainais hauhistins. Guþ in midumai izos ist ni gawagjada si, gahilpands izos ist guþ at andwairþjam maurginis. Auhjodedun þiudos wagidedun sik þiudangardjos, [hauhista] gaf stibnos seinaizos untulgus warþ airþa. Frauja harje miþ unsis ist, ist saliþwos unsaros guþ iakobis Diapsalma. Qimaiþ saihvaiþ us waurstwam fraujins, hvelaudos atgaraihtida atgaraihteinos ana airþai. Afwandjands waihjons und þata andi airþos, bugan brak jah gabrak spairu wagnanzuh gabrannida funin. Hveilaiþ jah kunneiþ þatei ik im guþ, mik hauhja in þiudom hauhja mik ana airþai. Frauja harje miþ unsis ist, ist saliþwos unsaros guþ iakobis Diapsalma.

 -MZ- Protaupsaltau, suniwe kauraiis ist psalmo. O allos manageins plaudjaiþ lofin, tarmjaiþ du guda in stibnai fahedais. Duþe ei frauja sa hauhista ohts ist, ist þiudans mikils ufar allai airþai. Sa ufhnaiwida manageins uf uns, jah fadreinins uf fotuns unsarans. Sa gatewida unsis gafreidein unsara, þo skaunein iakobis þanei frijoþ Diapsalma. Usstaig guþ in ufwopeinai, frauja in stibnai þuthaurnis. Ussiggwaiþ guda [unsaramma] ussiggwaiþ, ussiggwaiþ þiudana unsaramma ussiggwaiþ. Unte þiudans allaizos airþos ist guþ, ussiggwaiþ frodaba. Þiudanoþ guþ ufar þiudom, guþ ist gasitands ana stola seinamma þamma weihin. Reikistans manageino galisanai sind, at managein gudis abrahamis. Duþe ei gudis sind skildjus airþiskans, filu ufarhafans ist.

 -MH- Saggws, soh psalmo ist suniwe kauraiis. Mikils ist frauja jah haziþs filu, in þizai baurg gudis unsaris ana þamma fairgunja weihiþos is. Skauns stada ist so faheþs allaizos airþos jainata fairguni þata sion, feros þos naurþra gards þiudanis managis sind. Guþ in raznam þis, ist kunþs swaswe gawrikands. Duþe ei sai þai þiudanos [airþos] gaiddjedun, fauriddjedun samana. Eis gasaihvandans swaleikata afslauþnodedun, gaþlahsnodedun biwandidedun. Reiro dishabaida ins þar sair þata swe bairandeins, winda þamma us urrunsis warst gabrikands jaina skipa þo þarsisiskona. Swaswe hausidedum swah gaumidedum in baurg fraujins harje in þizai baurg gudis unsaris, guþ tulgeiþ ija und aiw Diapsalma. Unsis þagkidedum o guþ airkniþa þeina, in midumai alhs þeinaizos. Bi namin þeinamma o guþ swa jah hazeins þeina ana andjam airþos ist, garaihtiþos fulla ist taihswo þeina. Sifai fairguni þata sion jah faginona dauhtrjus iudaiins, in stauo þeinaizo [o frauja]. Bigaggaiþ bisunjane siona bihsaihvaiþ ita, garaþjaiþ þo kelikna is. Galagjaiþ hairto izwar at þizai tulgiþai is andþagkjaiþ þo razna is, ei usspilloþ du kunja anþaramma. Duþe ei sah guþ ist guþ unsar aiw jah ajukduþ, sa tiuhands uns ist und dauþu.

 -MÞ- Protaupsaltau, suniwe kauraiis ist psalmo. Hausjaiþ þata o allos jus manageins gahausjaiþ o allai jus bauandans fairhvu, sunjus gumins jah sunjus mans alakjo gabeiga jah unleda. Munþs meins rodeiþ snutrein, jah þos þagkeinos hairtins meinis sind frodei. Hnaiwja du parabaulein auso mein, bairhtja in psalteria þana ainigman meinana. Bihve ogjau mis in dagam unþiuþis, þanei fairina fairznos meinaizos sijai bigaggandei mik. O jus trauandans in faihau swesamma, jah o jus in filusnai gabeins swesaizos hvopandans. Broþar ni waihtai lausjan manna mag, ni gibiþ guda andabauht þis. Filugalauba þan ist faurbauhts saiwalos þize, jah ni skal ita wairþan du aiwa. Ei qius wesi ajukduþ du andja, ni sehvi riurein. Þande ist gaumiþ ei handugai gadauþnand samana dwals jah unfroþs fralusnand, jah aflagjand anþaraim faihu sein. Iþ inna im ist þatei sind gardeis ize du aiwa þatei bauainos ize du aldai jah aldai sind, namnjand namnam seinaim landa. Akei guma in sweriþai ni saljiþ, galeikoþs ist swe diuza þoei dauþjanda [jah galeiks ist im]. Sah wigs ize ist dwaliþa so at im, akei afarans ize in munþam seinaim swikunþjand Diapsalma. Swe lamba in haljai gasatidai wairþand dauþus haldiþ ins, jah waldand im raihtai du maurgina. Jah tulgiþa ize ist du ija gaþaursjan, halja ist staþs imma [du uswairpan imma]. Sweþauh guþ skal galausjan saiwala meina, af handau haljos þande nimiþ mik Diapsalma. Ni ogjais þus þande gabigniþ manna, þande managniþ wulþus gardis is. Unte sis gaswiltandin ni ganimiþ alla, nih atsteigiþ dalaþ afar imma sa wulþus is. Sweþauh ei saiwala seina in libainai seinai þiuþeiþ, jah wailamerjand þuk þande waila taujis þus silbin. Galeiþiþ du kunja attane seinaize, þaiei und andi ni gasaihvand liuhaþ. Guma saei in sweriþai ist akei ni fraþjiþ, galeikoþs ist swe diuza þoei afdauþjanda [jah galeiks ist im].

 -N- Soh psalmo ist asafis, Guþ gude sa frauja ist qiþands, sah haitiþ airþa fram urrunsa sunnins und gasagq. Us siona us þizai ustauhtai skauneins [seinaizos], guþ bairhteiþ sik. Duatgaggiþ guþ unsar jah ni afdobniþ, fon in is andwairþja matjiþ jah bisunjane imma skura ist flaizei. Galaþoþ himin iupaþro jah airþa, du ussokjan managein seina. Galisaiþ du mis airknans meinans, þaiei gataujandans wesun triggwa meina ufar sauda. Jah merjand himinos garaihtiþa is, unte guþ ist staua silba Diapsalma. Hausei o managei meina haba þan qiþan [izwis] o israel weitwodja þan wiþra þuk, guþ sa guþ þeins im ik. Ni bi hunsla þeina anahaita þus, saudeis þan þeinai faura mis sind sinteino. Ni andnima us garda þeinamma kalb, [nih] us gardam þeinaim hafrans. Unte meina sind alla unbiarja walþaus, diuza þo ana fairgunje þusundjai. Kann allans fuglans fairgunje, jah unbiarja haiþjos sind miþ mis. Jabai gredags waurþjau ni gateiha þus, unte meina sind midjungards jah so fullo is. Ibai ita leik stiure, jah bloþ gaite drigka. Hunslei guda andahait, jah salei hauhistin gahaita þeina. Jah wopei mik in daga aglons [þeinaizos], uslausja þuk jah gaswerais mik. Iþ du unsibjin qiþiþ guþ, hva ist þus merjan garaihteins meinos jah ei bairis triggwa meina ana munþa þeinamma. Iþ þu is hatjands talzeinai, jah wairpis waurdam meinaim hindar þuk. Þande saihvis hliftu rinnis miþ imma, jah miþ horam þuk blandis. Munþ þeinana letis wajamereinai, jah tuggo þeina windiþ hindarweisein. Sitands ana broþar þeinana qiþis, ana sunu aiþeins þeinaizos gibis marzein. Þoh tawides iþ was ik slawands, þus þugkida [unsibjona] ei im þus galeiks. Gasaka þuk, jah atgiba augam þeinaim þo [þos frawaurhtins þeinos]. Fraþjaiþ nu þata o ufarmunnandans guda, ibai wilwands sijau jah allis ni sijai hvas uslausjai. Saei gasaljiþ andahait sa gasweraiþ mik, jah saei gawitaiþ wiga imma ataugja nasein gudis.

 -NA- Protaupsaltau, soh psalmo ist daweidis. At qimandin at imma naþana þamma praufetau þanei innatiddja du bersabaiain. Gaarmai mik o guþ bi [mikilai] armahairtiþai þeinai, bi filusnai ainfalþeino þeinaizo afhrainei missadedins meinos. Þishun sijais usþwahands mik af þizai fairinai meinai, abuh þizai frawaurhtai meinai gahrainjands mik wairþais. Duþe ei missadedins meinos ik ufkunna, jah so frawaurhts meina faura mis ist sinteino. Du þus du þus ainamma ik mis frawaurhta, þatuh ubil in augam þeinaim ik gatawida. Ei sijais garaihts at domjandin þus, sijais swikns at stojandin þus. Sai in fairinai was ik digans, jah in frawaurhtai bar mik aiþei meina. Sai sunjeinos frijos wenins, jah fulginona handugeins [þeinaizos] kanneis mik. Ufartrusnei mik in hwssopon jah wairþau hrains, ufdaupei mik jah ufar snaiw hveits wairþau. Tawei mik gahausjan fahedais jah swegniþos, sifaina baina þo fram þus brikanona. Afwandei andaugi þein faura frawaurhtim meinaim, jah allos fairinos meinos afhrainei. Hairto hrain gatawei in mis o guþ, jah ahman tulgjana ananiwei inna mis. Ni afskiubais mis us andwairþja þeinamma, jah ahman þeinana þana hailagan ni afnimais af mis. Gawandei mis þo faheþ naseinais þeinaizos, jah ahmin usdaudeins gaþwastei mik. Laisja witodalausans wigans þeinans, jah frawaurhtans du þus sik gawandjand. Lausei mik af bloþam o guþ, o guþ ganistais meinaizos awiliudoþ tuggo meina garaihtiþai þeinai. O frauja meins wairilos meinos usluk, jah munþs meins gateihiþ hazein þeina. Unte ni wileis hunsl iþ gasalidedjau ita, sauþs nist þus galeikaiþs. Hunsla guda ist ahma gamalwiþs, hairtin auk gamalwidamma jah gahnaiwidamma o guþ ni frakannt. Waila gatawei [o frauja] in þeinamma wiljin siona, gatimrei baurgswaddjuns iairusalems. Þan galeikand þus hunsla garaihtiþos siuþs jah alabrunsts, þan uslagjand ana hunslastada þeinamma stiurans.

 -NB- Protaupsaltau, þatuh fraþi ist daweidis. At qimandin doeka þamma idumaiau þanei sa gataih saüla qatuh imma þatei daweid qam at garda aximailaixis. Hva hvopeis in unselein o mahteiga, so airkniþa gudis ist all þize dage. Fralust biþagkeiþ tuggo þeina, ist swe skaba ushvassida o þuei taujis liutein. Frijos unþiuþ mais þiuþa, liugn mais þau du qiþan garaihtiþa Diapsalma. Frijos alla waurda uswaltjandona, o tuggo hindarweiso. Samaleiko jah guþ gabrikiþ þuk du andja, afskaidiþ þuk uzuhwairpiþ þus af þaurpa [þeinamma] jah waurtai þeinai af airþai qiwane Diapsalma. Jah saihvand garaihtai jah ogun sis, jah bi ina hlahjand [jah qiþand]. Sai sa wair ist saei ni gasatida guþ swinþein seina, ak gatrauaida in filusnai gabeins seinaizos inswinþida sik fralustai seinai. Iþ ik im swe alewabagms gronja in garda gudis, traua in airkniþai gudis aiw jah aftra. Awiliudo þus du aiwa duþe ei gatawides, jah wenja namo þein unte ist þiuþeig faura airknam þeinaim.

 -NG- Protaupsaltau, ana mahalaþ~aurgana þatuh fraþi ist daweidis. Qaþ dwala in hairtin seinamma ni waihtai ist guþ, frawaurþun waurþunuh andasetjai ungaraihtiþai ni waihtai ist hvas taujai goda. Guþ us himina insahv du sunum adamis, du saihvan jabai ist saei fraþjiþ saei sokeiþ gudis. Allai uswandidedun samana bisaulnodedun, nist taujandins goda ni waihtai ist ainshun. Niu witun þai waurkjandans inwindiþa, þai matjandans managein meina matjand hlaif guþ ni wopjand. Jainar sis ogun agisis þarei ni waiht ist agisis, unte guþ frawarp bainam þize drauhtinondane wiþra þuk skalt gaaiwiskon ins duþe ei guþ andspaiw im. Hvas gibai us siona nasein israelis, at gawandjandin guda þana hunþ manageins swesaizos sifaiþ iakob faginoþ israel.

 -ND- Protaupsaltau, in xaurdeim þatuh fraþi ist daweidis. At qimandam þaim zifaium þanei qeþun saüla niu daweid sik filhiþ miþ unsis. O guþ namin þeinamma ganasei mik, mahtaih þeinai gadomei mik. O guþ andhausei bida meina, gahausei þo waurda munþis meinis. Unte framaþjans usstoþun ana mik swinþanzuh sind sokjandans saiwala meina, jah ni gasatidedun guþ faura sis Diapsalma. Sai guþ ist gawaurstwa mis, istuh frauja meins in þaim insakandam faur saiwala meina. Fragildiþ is þata ubilo þaim mik hatandam, in sunjai þeinai fraqim þaim. In gairnein salja þus, awiliudo namin þeinamma o frauja unte ist þiuþeig. Unte af allamma aglono uslausides mik, jah in fijands meinans fairweitida augo mein.

 -NE- Protaupsaltau, in xaurdeim þatuh fraþi ist daweidis. Gahausei o guþ bida meina, jah ni afwandjais þuk af aihtronai meinai. Andhausei mis jah gahausei mis, inrauhtja in saurgai meinai. Jah indrobna fram stibnai fijands, fram andwairþja þreihslis unsibjins. Unte atbairand ana mik inwindiþa, jah in þwairhein andstandand mis. Hairto mein usbeidiþ inna mis, jah usfilmeins dauþaus gadriusand ana mik. Agis jah reiro galaiþ in mik, jah dissat mik faurhtei. Jah qaþ ik hvas gebi mis fiþros swe þos dubons, flugjau jah anahveilaiþs waurþjau. Sai fairridedjau mik þliuhands, salidedjau in auþidai Diapsalma. Sniumidedjau uslausjan mik, af winda usnimandin abuh skurai. Gatair o frauja meins disskaiþ razda ize, unte gasahv ik anamaht jah haifst in baurg. Dagam jah nahtam bigaggand ana waddjum izos, akei inwindiþa jah arbaiþs sind in midumai izos. Ist fralusts in midumai izos, jah ni afleiþiþ af garunsai izos liutei jah hindarweisei. Unte ni fijands idweiteiþ mis usberjau þan, nih fijanda mik ufar mis mikiljiþ sik affulhjau þan mik faura imma. Iþ þu o manna þu swe ibna mis, þu gahlaiba meins jah kunþa meins. Þuei samana mis gamainides in garunja, in razn gudis iddjedum in ainamundiþai. Ussteigai dauþus ana ins atsteigaina in halja qiwai, unte unþiuþa sind in bauainom ize in midjaim im. Ik du guda wopja, jah frauja nasjiþ mik. Andanahti jah maurgin jah midjadag aihtro jah hropja, jah gahauseiþ stibnai meinai. Is galauseiþ gawairþja saiwala meina af þaim nehva mis, unte managistai sind miþ mis. Gahauseiþ guþ jah gahauneiþ ins izei þan wisiþ fram anastodeinai diapsalma, þanzei nist inmaideino im jah ni faurhtjand sis þaiei guþ. Sa ufrakida handuns seinos in sibjans seinans, gagamainida þo triggwa seina. Hnasqus ist ufar smairw munþs þis, iþ inna hairtin is ist fijaþwa is. Sind waurda is ufar alew, akei sind ija uslukanai hairjus. Uslagei ana fraujan kauriþa þeina jah is þuk gafastaiþ, ni gataujiþ du aiwa wagjan garaihtamma. Jah þu o guþ, gasandeis ins in grobai riureins. Mannans bloþe jah liuteins ni gasniumjand und midjans dagans seinans, iþ ik [o frauja] gatraua in þus.

 -NQ- Protaupsaltau, bi dubon þahandein fairra, daweidis ist gameleins at undgreipandam ina filistaium in gaiþ. Gaarmai mik o guþ unte fraslindan mik wili manna, all þize dage militonds þreihiþ mik. Fraslindan þai mik hatandans wileina all þize dage, unte managai sind þaiei weihand du mis o hauhista. Þishvanuh þei faurhtja mis, ik du þus traua. In guda hazja waurd þizei in guda traua ni faurhtja mik, hva gataujai leik mis. All þize dage waurda meina eis inwandjand, ana mik allos mitonos ize sind du unþiuþa. Gaqimand gafilhand sik eis, fairzna meina atsaihvand duþe ei usbeidand saiwala meina. Jau bi inwindiþa aflet ist im, in moda hiuhmans gadrausei o guþ. Skeweinos meinos garaþides þu galagei nu þo tagra meina in kasa þeinamma, niba sijaina in bokom þeinaim. Suns gawandjand sik fijands meinai ibukai biþe atwopja [þuk], þatuh ik kann duþe ei guþ ist faur mik. In guda þizei hazja waurd, in fraujin þizei hazja waurd in guda traua ni faurhtja mik, hva gataujai manaseþs mis. Ana mis o guþ sind gahaita þeina, usgiban haba andahaita þus. Duþe ei uslausides saiwala meina af dauþau [augona meina af tagram] jah fotuns meinans af bistugqa, du gaggan in andwairþja gudis in liuhada qiwane.

 -NZ- Protaupsaltau, ni frawardjais, daweidis ist gameleins at gaþliuhandin imma us andwairþja saülis in hulundja. Gaarmai mik o guþ mik gaarmai unte in þus gatrauaiþ saiwala meina, jah in skadau fiþro þeinaizo ussalja unte usleiþandei ist fralusts. Wopja du guda hauhistin, du guda saei usfulleiþ faur mik. Insandeiþ us himina gahnasjiþ mik, idweiteiþ þamma fraslindandin mik Diapsalma. Insandeiþ guþ armahairtein seina jah sunja seina, saiwala auk meina in midjaim liwam ist. Liga at gadrausjandam sununs adamis, þizeei tunþjus sind spairjus jah arhvos jah ist þizeei tuggo hairus hvass. Ushauhiþs sijais ufar himinans o guþ, ufar allai airþai sijai wulþus þeins. Nati manwidedun gridim meinaim hnaiwida sik saiwala meina, grobun in andwairþja meinamma groba drusun in midumai izos Diapsalma. Manwu ist hairto mein o guþ manwu ist hairto mein, siggwa jah ussiggwa [in wulþau meinamma]. Urreis o wulþu meins urreis o psalteriaun jah o kiþara, urreisa air uhtwon. Andhaita þus in manageim o frauja meins, ussiggwa þus in fadreinim. Duþe ei ist mikila und himinans armahairtei þeina, jah und milhmans sunja þeina. Ushauhiþs sijais ufar himinans o guþ, ufar allai airþai sijai wulþus þeins.

 -NH- Protaupsaltau, ni frawardjais, daweidis ist gameleins. Biu sunjai o maþl jus garaihtiþa rodeiþ, raihtabau stojiþ jus sununs adamis. Inuþþan hairtin unsibjona waurkjandans sijuþ, ana airþai anamaht handiwe izwaraizo sijuþ gatilondans. Framaþjai sind unsibjans us kilþein, airzjai sind us wambai rodjandans liugn. Aitr ize ist swe gajuko aitra waurmis, swe nadris baudins saei galukiþ auso sein. Saei ni gahauseiþ stibnai bigalandane, atstandands atstandandam ufar handugana. O guþ gabrik ize tunþuns in ize munþa, tuskans liwilane gabrikands wairþ o frauja. Uswairpaina swe wato faurrinnando, garaihteiþ sa arhvazna seina analeiko swe maitana wairþadau. Galeiko snigin saei miltiþ usnimaindau, uswaurpai qinons ni gasaihvaina sauil. Faurþizei ufkunnaina katilos izwarai þaurnuns, swe qiwata swa jah intundnando diswaiaindau. Faginonds wairþiþ garaihta þande gasaihviþ fraweit, laistins seinans biþwahiþ in bloþa þis unsibjins. Qiþiduh guma þannu nu ist akran garaihtamma, þannu ist guþ saei stojiþ [im] ana airþai.

 -NÞ- Protaupsaltau, ni frawardjais, daweidis ist gameleins, at gasandjandin saüla þanei gaweitaidedun þamma razna is du gadauþjan ina. Uslausei mik af fijandam meinaim o guþ meins, þans ana mik usstandandans fraweitands ana mis sijais. Uslausei mik af waurkjandam inwindiþa, jah af mannam bloþe ganasei mik. Duþe ei sai usbeidand saiwalai meinai gaqimand ana mik swinþans, nih missadedai meinai nih frawaurhtai meinai o frauja. Inuh fairina, rinnand jah driugand. Urreis du gamotjan mis jah gasaihv, þu þan frauja o guþ harje is guþ israelis. Urreis du gaweison allaizo þizo þiudo, ni freidjais allans frawaurhtans inwindiþai Diapsalma. Gawandjand sik at andanahtja, þiutand swe hunds bihgaggand baurg. Sai eis wajamerjand munþam seinaim hairjus sind in wairilom ize, unte hvas andhauseiþ. Iþ þu o frauja bihlahjis ins, bilaikis allos þiudos. Þo swinþein is þus gahaba, unte guþ ist sa gawrikands mik. Sa guþ armahairtiþos meinaizos habaiþ faursniwan mik, guþ [meins] ataugeiþ mis in þaim hatandam mik. O guþ gadauþei ins ibai ufarmunnaina managei meina, distahei ins mahtai þeinai jah gadrausei ins o skildu unsar þu frauja meins. Frawaurhts munþis ize ist waurd wairilo ize, jah ganiutaindau in hauhhairtein seinai jah in fraqissais jah in liugnis þoei eis rodjand. Fraqim in moda, fraqim jah ni sijaina. Jah gawiteina þatei guþ ist fraujinonds iakoba, und andjans airþos Diapsalma. Gawandjandau sik at andanahtja, þiutandau swe hunds bihgaggandau baurg. Eis skewjandans sijaina du matjan, jabai sadai ni sind þau andstaurraina. Iþ ik siggwa maht þeina, jah qiþa at maurgin armaion þeina. Unte warst faþos mis, jah saliþwos [meinos] in daga aglons þizos at mis. O swinþei meina du þus ussiggwa, unte guþ ist sa gawrikands mik sa guþ armahairtiþos meinaizos.

 -J- Protaupsaltau, ana sosaneduþ~aurgana soh gameleins ist daweidis du uslaisjan. Driugandin imma aramaian maisaupautamiskon jah aramaian sobawiskon, þanei gawandjands sik was ioab jah afsloh idumaie in dala salte twalif þusundjos. O guþ afskauft unsis gatart uns, þwairhaiþs warst þuk gawandei du unsis. Gawagides airþa uzuhaglides izai, gahailei þo brikanona izos unte ist wagida si. Ataugides managein þeinai hardjona, gadragkides uns weinis faurhteins. Gif þaim þeina faurhtam gunþifanan, du ataugjan faura andwairþja sunjos Diapsalma. Ei uslausjaindau liubans þeinai, ganasei taihswon þeinai gahhausei mis. Guþ qaþ in weihiþai seinai, swegnja dailja seikima jah dal þana saukxoþ gamainja. Meins ist galaad jah meins ist manasse, jah aifraim ist swinþei haubidis meinis ist iudas  hrugga meina. Moab ist kumba þwahlis meinis ana idumaian ufrakja skoh meinana, bi mik o filistaia ufwopei. Hvas briggiþ mik in baurg gaþwastidai, jah hvas tiuhiþ mik und idumaian. Niu þu o guþ afskubanans habais uns, jah ni usgaggis o guþ in harjam unsaraim. Walei wiþra uns hilpa so af aglon, lausa þan ist naseins manasedais. In guda taujam mahteigo, jah is hauneiþ þans þreihandans uns.

 -JA- Protaupsaltau, ana xaurdeim þatuh ist daweidis. Andhausei o guþ aihtron meinai, gahausei bidai meinai. Us andja airþos þuk athaita in unlustau hairtins meinis, ana hallu þana ushauhidan ufar mik mik ustiuh. Unte is meina gatrauains, kelikn gaþwastiþ af andwairþja fijands. Ussalja in hleiþrai þeinai aiwins, anaþrafstja mik in analaugnein fiþro þeinaizo Diapsalma. Duþe ei þu o guþ andhoft wiþra þo gahaita meina, fragaft þata swes faurhtjandane namo þein. Dagans ana dagans þiudanis anaaukais, sijaina jera is swe alds jah alds. Þairhwisai aiw in andwairþja gudis, armahairtein jah sunjai anabiuþ ei gaweitaina imma. Swa ussiggwa namin þeinamma du ajukduþai, ei usgibau gahaita meina dag afar dag.

 -JB- Protaupsaltau, wiþra iduþun soh psalmo ist daweidis. Jai du guda anahveilaida ist saiwala meina, fram imma ist ganists meina. Þatainei is ist hallus meins jah ganists meina, saliþwos meinos ist ni haba gawagjan mais. Und hva bistigqandans sijuþ bi mann gadriusiþ jus o jus allai, swe waddjus hniwana swe faþa wigana. Jai hauhiþa is þagkjand gadrausjan, galeikaiþ im liugn. Munþa seinamma þiuþjand, iþ in brust seinai unþiuþjand Diapsalma. Þatainei at guda gahveilai o saiwala meina, unte us imma ist wens meina. Þatainei sa ist hallus meins jah ganists meina, meina sunjons ni haba gawagjan. Bi guþ sind ganists meina jah wulþus meins bi þana hallu swinþeins meinaizos, saliþwos meinos in guda sind. Sijaiþ gatrauandans in imma all mele o managei, usgiutaiþ in is andwairþja hairto izwar guþ [auk] ist saliþwos unsis Diapsalma. Lausei allis sind sunjus gumins, liugn sind sunjus mans. Ana wega uslagjan þans, sind minnizans lausein alakjo. Ni wairþaiþ trauandans in anamahtai jah þairh rahn flautai ni wairþaiþ, gabei þande biaukniþ ni atlagjaiþ hairtins. Ainamma sinþa rodida guþ twaimuh sinþam ik þata hausida, þatei mahts ist gudis. Jah þeina o frauja ist airkniþa, unte þu usgildiþ hvarjammeh bi waurstwam is.

 -JG- Psalmo ist daweidis, at wisandin imma in þizai auþidai iudaiins. O guþ guþ meins is þu þuk air uhtwon sokja, sik draibeiþ du þus saiwala meina hvaiwa filu du þus ist leik mein ana airþai auþjai jah þaursjai þizai inuh wato. Swa in weiha ik gairnida þeina, du gasaihvan maht þeina jah wulþu þeinana. Unte batizo ist armaio þeina þau libains, wairilos meinos gaswerand þuk. Swa gaþiuþja þuk in libainai meinai, bi namo þein ushafja lofans meinans. Swaswe smairþris jah alewis sada wairþiþ saiwala meina, wairilomuh fahedais hazjiþ munþs meins. Jabai gaman þeina ana badja meinamma, in nahtwahtwom mis þagkja þuk. Duþe ei warst hilpa mis, jah in skadau fiþro þeinaizo swegnja. Gahaftnoda saiwala meina afar þus, mik gahabaida taihswo þeina. Iþ eis sware sokjand saiwala meina, skulun inngaggan in þo undaristona airþos. Afslahanda wiþra handu hairaus, dails fauhom wairþan skulun. Iþ sa þiudans faginonds in guda ist hvopiþ hvazuh sa swarands bi þamma, unte galukans ist munþs rodjandane liugn.

 -JD- Protaupsaltau, soh psalmo ist daweidis. Andhausei o guþ stibnai meinai in aihtronai meinai [du þus], af agisa fijands gawitai libainai meinai. Gahulei mik af garehsnai ubiltoje, af drobnin waurkjandane ungaraihtein. Þaiei ushvassidedun swe hairu tuggon seina, garaihtidedun þo arhvazna seina waurd baitr. Du skiutan þiubjo unwamman, anaks skiutand þana jah sis ni ogun. Sind þrafstjandans sik in waiht ubilai, sis gaqiþand du filhan hlammos. Qeþun hvas saihviþ ijos, eis sokjand ungaraihtein eis taujand afarlaistein afar afarlaistein. Jah brusts ainhvarjizuh jah hairto sind diupa, akei ins skiutiþ guþ arhvaznai eis unweniggo wairþand wundai. Jah drausjand sik silbans tuggon seinai, fairrjand sik allai þai saihvandans ins. Faurhtjanduh sis alla manaseþs jah wailamerjand, sis waurstw gudis jah taui is þagkjand. Faginoþ garaihta in fraujin jah trauaiþ in imma, jah hvopandans sind allai raihtans hairtin.

 -JE- Protaupsaltau, soh psalmo ist daweidis, ist saggws. Du þus gaqimiþ hazeins o guþ ana siona, jah þus usgildada gahait [in iairusalem]. O þuei andhauseis bida [meina], du þus all leike atgaggiþ. Waihteis fairino inswinþnodedun ufar mik, missadedins unsaros þu afhraineis. Audags ist þanei waljis jah nehveis ei anahaimeis sijai in ubizwom þeinaim, sadai wairþam þiuþe gardis þeinis þize weihiþos þiudangardjos þeinaizos. Usfilmeins þos in garaihtiþai andhafeis unsis o guþ ganistais unsaraizos, þu lubain allaize andje airþos jah mareins þize fairra. Þuei gatulgeis fairgunja swesai swinþein, þu bigaurdana mahtai. Þuei gatamjis skura mareino, þo skura wege izo [hvas mahtedi andstandan] jah drobnan fadreine. Jah sik faurhtjand þai bauandans andjans þeinei taiknim, urrunsins maurginis jah andanahtjis þuei gaileis. Gawisos airþos jah gadragkeis ija ufarassau gabigjis ija, ahvai gudiskai þizai fullon watins. Manweis kaurn þize, unte swa gamanwides ija. Faurhs izos dragkeis satjis þo izos hansa, rignagutim hnasqeis ija gras izos þiuþeis. Weipis jer þeinai selein, jah staigos þeinos driupand smairþr. Driupand winjom auþidos, jah faheþ hlaina gairdand. Gawasidai wairþand waggos aweþja jah dalos wairþand gahulidai kaurna, wisand waila jah siggwand.

 -JQ- Protaupsaltau, saggws, psalmo, Ufwopjaiþ du guda o alla airþa, ussiggwaiþ wulþu namin is usgibaiþ wulþu þo hazein is. Qiþaiþ du guda hva ohta sind waurstwa þeina, in filusnai mahtais þeinaizos gakunnand sik faura þus fijands þeinai. Alla airþa inweitaina þuk, jah ussiggwaina du þus ussiggwaina namin þeinamma [o hauhista] Diapsalma. Qimaiþ jah saihvaiþ waurstwa gudis, þis ohtins us toja ufar sununs adamis. Taujiþ marein in land þairh ahva faridedun fotau, jainar faginodedum bi ina. Gafraujinoþ in mahtai seinai aiw augona is in þiudos fairweitjand, þai ungahvairbans ni ushauhjaina sik silbans Diapsalma. Þiuþjaiþ o manageins guþ unsarana, jah hausida taujaiþ stibna hazeinais is. Þis gasatjandins saiwala unsara in libainai, jah unletandins gawagjan fotu unsarana. Kaust auk uns o guþ, smalst uns swaswe smiltada silubr. Brahtes uns in karkarai, lagides eisarna ana hupins unsarans. Satides mannan du haubida unsaramma inngaliþum in fon jah in wato, jah utattauht uns du frijein. Inngagga in razn þein bi saudins usgiba þus þo gahaita meina, þoei usberun wairilos meinos qiþandzuh was munþs meins in aglon þizai at mis. Saudins faitans ushauhja þus miþ weiharauka ramme, gasalja þus hrinþa miþ hafram Diapsalma. Qimaiþ hausjaiþ jah merja izwis o allai faurhtjandans guþ, þoei habaiþ gatawida saiwalai meinai. Du imma meinamma munþa hropida, hauhidah uf meinai tuggon. Inwindiþai jabai gaumidedjau in hairtin meinamma, ni hausidedi mis frauja meins. Aþþan andhausida mis guþ, gahausida stibnai þizos bidos meinaizos. Gaþiuþiþs sijai guþ izei ni aflagida þo bida meina, jah armaion seina us mis.

 -JZ- Protaupsaltau, in xaurdeim, psalmo, saggws. O guþ armai uns jah uns þiuþei, liuhtei andaugja þeinamma uns [jah sels sijai du unsis] Diapsalma. Ei kunneina ana airþai wig þeinana, in allaim þiudom þeina nasein. Awiliudona þus manageins o guþ, awiliudona þus manageins allos. Sifaina jah faginona fadreineis, unte stojis manageins raihtaba jah fadreinim ana airþai raginos Diapsalma. Awiliudona þus manageins o guþ, awiliudona þus manageins allos. Airþa warþ taujandei akran sein, þiuþjai uns guþ sa guþ unsar. Þiuþjai uns guþ, jah faurhtjaina ina sis allai andjos airþos.

 -JH- Protaupsaltau, daweidis ist psalmo, saggws. Usstandai guþ dizuhskaidaindau fijands is, gaþþliuhaina þai fijandans ina faura andwairþja is. Swe distahjada rauks distahei, swe fraqistjada wahs faura andwairþja funins swa fraqistnaina unsibjans faura andwairþja gudis. Iþ garaihtans faginona swegnjaina in andwairþja gudis, sifaina in fahedai. Siggwaiþ guda ussiggwaiþ namin is ufarhafjaiþ þana farjandan þairh andanahtja, in fraujin namo ist þammei sijaiduh faginondans in andwairþja is. [Indrobnaina faura andwairþja is saei ist] atta widuwairnane jah staua widuwono, ist guþ in bauainai seinai þizai weihon. Guþ ussatjiþ ainaklans in garda ustiuhiþ bandjans þans in eisarnabandjom, þatainei ungahvairbai wisand in þaursjamma landa. O guþ galeiþandin þus in andwairþja manageins þeinaizos, þairhleiþandin þus þairh auþida Diapsalma. Airþa was wagida jah himinos driupandans wesun fram andwairþja gudis þatuh sina, fram andwairþja gudis þis gudis israelis. Rign ufarassiþ gasandides o guþ gafreideinai þeinai, afmauidon þu gatulgides ija. Sa fairhvus þeins bauaida ija, manwides in selein þeinai wainahamma o guþ. Frauja meins gibiþ waurd, þos wailamerjandeins wairþand harjis manags. Þiudanos harje gaþliuhand þliuhand, iþ so gawisandei in garda wairþiþ disdailjandei rahn. Þauhjabai galiganai sijaiþ in midumai awistre, fiþros dubons dishulidaizos in silubra sijuþ iþ fiþrahama þizozei in glitmuneinai gulþis. At tahjandin allwaldandin þiudanans ana þizai, warþ so swe snaiws sa ana sailmona. O fairguni gudis o fairguni basanisko, o fairguni hauho o fairguni basanisko. Duhve sijuþ in neiþa o fairgunja hauhona þamma fairgunja wili guþ gabauan þatei, jah habaiþ frauja gabauan du andja. Wagne gudis sind filusnos, þusundjos aggile, frauja meins in im sa sinawiska ist in weiha. Usstaigt hauhiþa ushanst hunþ usniman gibos in manasedai samaleikoh in ungahvairbaim, ei miþgabauaina fraujin guda. Þiuþiþs [þiuþiþs] sijai frauja meins dag dagis, kaureiþ uns guþ ganistim unsaraim Diapsalma. Sa guþ ist unsis guþ du ganistai, jah fraujins þis fraujins meinis sind du dauþau urrunseis. Aþþan guþ brikiþ haubiþ fijande seinaize, þana giblan skuftis þairhgaggandin in ungaraihteim swesaim. Qaþ frauja meins af basana gawandja, gawandja af diupiþom mareins. Ei ufdaupjaidau fotus þeins in bloþa, tuggo hunde þeinaize us fijandam us þamma samin. Saihvun þans tugins þeinans o guþ, þans tugins gudis meinis in weiha. Faura gaggandans wesun liuþarjos afar wesun musikjus, in midjaim magaþim twmpanistrjom. In aikklesjom þiuþjaiþ guþ, jainana fraujan meinana þana fram þamma brunnin israelis. Þar was bainiamein sa juhista jains fauramaþleis ize wesun jainai reiks iudins þai raginjos ize, þai reiks zabulonis þai reiks naifþaleimis. Fauragamanwida habaiþ guþ þeins swinþein þeina gaswinþei o guþ, þata ei gawaurhtes unsis. Fram alh þeinai þizai at iairusalem, du þus atbriggand þiudanos fragiftins. Gahvotei fairhvau rausis, þizai gaqumþai stiure in kalbom manageino. Þizai hvopandon in dailom silubris, distahei manageins þozei waihjono wiljand. Duatgaggaina maistans us aigwptau, aiþiaupeia usbraidjai handuns seinos du guda. O þiudangardjos airþos siggwaiþ guda, ussiggwaiþ fraujin meinamma Diapsalma. Þamma farjandin in himinam himine þaim fram anastodeinai, sai atgibands ist in stibnai seinai stibna mahtais. Usgibaiþ sweriþa guda, ufar israela ist hauhiþa is jah sweriþa is ist ana milhmam. Ohts is o guþ uta alhim þeinaim, guþ israelis sa fragibiþ swinþein jah maht managein [seinai] þiuþiþs sijai guþ.

 -JÞ- Protaupsaltau, ana sosaneim~aurgana, daweidis ist. Ganasei mik o guþ, unte atiddjedun watna und saiwala [meina]. Sigqa in fanja diupamma, nistuh stassais. Qima in diupeim watne, floduzuh nimiþ mik. Arbaidjands im hropjandin mis þaursus warþ qairka meina, siuka sind augona meina fram lubainais þizai du guda meinamma. Waurþun managizans taglam haubidis meinis þai fijandans mik sware swinþozans waurþun þai wrikandans mik þai fijands fairinondans mik unraihtaba, þoei ik ni afnam þan usgald. O guþ þu waist dwaliþa meina, jah ungaraihteins meinos faura þus ni affilhanda. Ni gaskamaina sik in mis þai wenjandans þuk o frauja meins þu frauja harje, nih gaaiwiskondau in mis þai sokjandans þuk o guþ israelis. Duþe ei in þeina hafja idweit, huljandei ist skanda andawleizn mein. Framaþs warþ ik broþrum meinaim, jah aljakuns sunum aiþeins meinaizos. Unte aljan gardis þeinis fraat mik, jah wajamereinos wajamerjandane þuk gadrusun ana mik. Jah greta ik in fastubnja saiwalos meinaizos, wairþiduh du idweita mis. Jah giba þo mis wastja sakku, wairþah im du gajukon. Miþrodjand bi mik þai sitandans at daurom, jah saggweis im drigkandane leiþu. Akei ik bidai meinai du þus im o frauja, hveilai leikainai. O guþ in filusnai armahairteins þeinaizos, gahausei mis in sunjai naseinos þeinaizos. Uslausei mik af fanja jah ni gasigqau, sijau uslausiþs af þaim hatandam mik jah af diupeim watne. Ni gatiuhai mik skura watne nih fraslindai mik diupei, nih galukai ufar mis groba munþ seinana. Gahausei mis o frauja unte þiuþeiga ist airkniþa þeina, bi filusnai ainfalþeino þeinaizo þuk gawandei du mis. Jah ni afwandjais andaugi þein us þamma skalka þeinamma, unte aglo ist mis sprauto gahausei mis. Atnehvei þuk saiwalai meinai jah uslausei ija, in fijande meinaize galausei mik. Þu waist idweit mein jah aiwiski mein jah skanda meina, faura þus sind allai þai þreihandans mik. Wajamereins gabrak hairto mein jah siuka, jah usbaiþ bleiþjandan akei nist jah þrafstjandans akei ni bigita. Jah gebun mat meinana gallon, jah at þaurstein meinai gebun mis drigkan aketis. Wairþadau ize biuþ þata in ize andwairþja du wruggon, duh launam du hlammai. Riqiznandau augona ize ei eis ni saihvaina, jah hupins ize sinteino wagei. Usgiut ana ins unwerein þeina, moþsuh þwairheins þeinaizos gafahadau ins. Wairþai bauains ize auþs, inuh hleiþrom ize ni wisai bauands. Duþe ei þu þanei sloht eis wrikand, anuh sair wundane þeinaize aukand. Anaauk fairina ana fairina ize, jah ni innatgaggaina in garaihtiþa þeina. Afswairbaindau af bokom qiwane, jah garaihtaim ni miþgameljaindau. Iþ ik im wainahs jah saurgands, naseins þeina o guþ gastoþai mik. Hazja namo gudis [meinis] in saggwa, mikilja ina in andahaita. Jah galeikaiþ fraujin ufar auhsu, stiuran þana us haurna us hofa. Saihvand wainahans wairþand faginondans, o jus sokjandans guþ liban þan habaiþ hairto izwar. Unte andhauseiþ unledam frauja, jah bandjam seinaim ni waiht frakann. Hazjaina ina himinos jah airþa, marei jah alla þo bauandona ija. Unte guþ ist nasjands sion jah timrjands baurgs iudaiins, jah sind anahaimjai þar jah arbi aigun þata. Jah fraiw þize is skalke gahabaiþ þata, jah þai frijondans namo is gabauand þata.

 -U- Protaupsaltau, þatuh daweidis ist, du gamundai. O guþ mik usþinsan [andhausei], o frauja meina gahilpan gasniumei. Gaaiwiskondau gahskamaina sik þai sokjandans saiwala meina, gawandjaindau ibukai gahskamaina sik þai wiljandans unþiuþis meinis. Sik gawandjaina bi laun aiwiskjis seinis, þai qiþandans [mis] waila waila. Faginona jah sifaina bi þuk allai þai sokjandans þuk [o guþ], jah qiþandau sinteino mikiljaidau guþ þai frijondans nasein þeina. Iþ ik im wainahs jah unleþs, o guþ gasniumei du mis. Sa meina hilpands jah sa mik lausjands is þu, o frauja ni waihtai sainjais.

 -UA- In þus o frauja ik gatrauaida, ni gaskamau mik du aiwa. In garaihtiþai þeinai uslausei mik jah galausei mik, anahnaiwei du mis auso þein jah ganasei mik. Sijais mis du hallau saliþwo þadei inngaggau sinteino, anabaust ganasjan mik unte tulgiþa meina jah baurgswaddjus meina is þu. O guþ meins galausei mik af handau unsibjins, af lofin ufargaggandins jah anamahtjandins. Unte þu is usþulains meina o frauja meins þu frauja, gatrauains meina so us jundai meinai. Ana þus anatimriþs im us kilþein us þaim hairþram aiþeins meinaizos þu is sa utgabairands mik, þeina so hazeins meina ist sinteino. Swe taikns ik was managaim, akei þu is þwastiþa meina so mahteigo. Gafullnai munþs meins hazeinais þeinaizos, [ei ussiggwau wulþaus þeinis] all þize dage hauheinais þeinaizos. Ni afskiubais mis at mela aldomins, bi fraqumþai swinþeins meinaizos ni bileiþais mis. Unte rodjand fijands meinai mik, jah þaiei habaina saiwala meina þagkjand sis samana. Du qiþan guþ afwandida sik af imma wrikaiþ jah fahaiþ ina, unte nist lausjandins. O guþ [meins] ni fairrjais þuk us mis, o guþ meins du hilpan meina gasniumei. Gaskamaina sik fraqimaindau þai andastaþjos saiwalos meinaizos, ufarhamona idweita jah unswerein þai sokjandans ubile mis. Iþ ik sinteino wenjands im [du þus], haba anaaukan ana all hazeino þeinaizo. Munþs meins skal merjan garaihtiþa þeina all þize dage nasein þeina, duþe ei ik ni wait garaþjan. Inngagga in mahtins fraujins meinis þeina fraujins, haba gaminþi bi garaihtiþa þeina þo ainis þeina. O guþ [meins] laisides mik us jundai meinai, jah und hita im kannjands sildaleika þeina. Jah und bard jah hairiþa o guþ [meins] ni bileiþais mis, und þatei gakannja arm þeinana du kunja du allaim qimandam maht þeina. Jah garaihtiþa þeina o guþ ist und hauhistja, þaimei [mis] gatawides  mikileins o guþ hvas ist galeiks þus. Þizoei ataugides mis aglono managaizo jah ubilaizo, þuk gawandides anaqiwides mik abuh diupeim airþos aftra ushauhides mik. Urraisides mikilduþ meina, bisunjaneh wisands anaþrafstides mik [abuh diupeim airþos aftra ushauhides mik]. Jah ik andhaita þus [in manageim o frauja] in kasam psalterisamam sunjai þeinai o guþ meins, ussiggwa þus in kiþarai o weiha israelis. Swegnjandeins sind wairilos meinos þande ussiggwa du þus, jah saiwala meina þoei galausides. Samaleiko jah tuggo meina all þize dage mereiþ garaihtiþa þeina, þande gaskamand sik jah gaaiwiskonda þai sokjandans ubile mis.

 -UB- Salomonis ist. O guþ stauos þeinos þiudana gif, jah garaihtiþa þeina sunau þiudanis. Ei domjai managein þeina in garaihtiþai, jah wainahans þeinans in stauai. Hafjaina fairgunja gawairþi du managein, hlainah garaihtiþa. Stojai wainahans manageins, jah nasjai sununs unledins jah hnaiwjai gaþreihandan. Faurhtjaina þus sik at wisandin sunnin, jah in andwairþja menins ald alde. Atgaggiþ auk swe rign þata ana meþ, swe duskos driupandans ana airþa. Keiniþ in is dagam garaihtei, jah filusna gawairþjis so und þatei nist menins. Jah gafraujinonds ist fram marein und marein, jah fram ahvai und andjans airþos. In andwairþja is gadrausjanda haiþnans, jah is fijands stubju bilaigond. Þiudanos þarsisis jah aujo gibos usgiband, þiudanos arabe jah sabaie fragiftins atbairand. Jah inweitand ina allai þiudanos [airþos], allos þiudos wairþand skalkinondeins imma. Unte lauseiþ unledan þana hropjandan, jah þana haunidan nist hilpandins þammei. Armaiþ armana jah unledana, jah saiwalos unledaize nasjiþ. Af liutein jah af anamahtai lauseiþ saiwalos ize, filugalauf þan ist bloþ ize in augam is. Jah libands ist jah gibada imma us gulþa arabiskamma, jah bidjada faur sik sinteino all þize dage þiuþjand ina. Wairþiþ mitadjo kaurnis so ana airþai bi giblin fairgunje, reisiþ swe libanus atisk is jah aukand þai us baurg swe hawi airþos. Ist namo is [þiuþiþ] du aiwa in andwairþja sunnins anafilhada namo is, jah þiuþjand imma [alla kunja airþos] allos þiudos audagjand ina. Þiuþiþs sijai frauja guþ sa guþ israelis, saei taujiþ sildaleika ains. Gaþiuþjaidau namo is þata wulþago du aiwa [jah aftra], jah gafulljaidau wulþaus is alla airþa. Amen jah amen. Gaandidos sind bidos daweidis þis sunaus iaissaiis.

 -UG- Soh psalmo ist asafis, Hvaiwa þiuþeigs du israela ist guþ, ist du hrainjaim hairtin. Iþ meinai suman gahniwanai waurþeina fotjus, suman usgutanos waurþeina grideis meinos. Duþe ei aljanoda ik dwalaim, gawairþi unsibjane saihvands. Unte nist bandjo und dauþu ize, jah tulgus ist swinþei ize. In arbaidai manniskai ni sind, jah miþ manasedai ni bliggwanda. Inuh þis gahabaida ins hauhhairtei þata mani ize, huljiþ so ize wasti anamahts ins. Usgaggiþ fram lundai augo ize, þairhleiþand lustjus hairto. Mitond jah rodjand in unselein, anaqiss us hauhiþai rodjand. Satjand ana himinam munþans seinans, jah tuggo ize hvarboþ ana airþai. Inuh þis sik gawandjandei wairþiþ managei is jaind, jah watins fullon bigitand sis. Jah qiþand hvaiwa finþai guþ, jah istu kunþi in hauhistin. Sai þaih unsibjans jah þeihandans aiwis, fahand faihuþraihn. [Jah qaþ ik] swareu hrainida ik hairto mein, daupidah in swikniþai lofans meinans. Jah im bluggwans all þize dage, jah gasahteis meinos sind at maurginam. Jabai qeþjau rodja swaleiko, sai kunja þize suniwe þeinaize skuldedjau. Jah munda mik du fraþjan þaim, aglu was in augam meinaim. Unte inngalaiþ ik in weih gudis, warþ fraþjands þaim spedizam ize. Þannu nu ana sliupom satjis ins, drauseis ins in kauriþom. Hvaiwa wairþand du gataurþai unweniggo, afmojanda fraqistjanda fram usfilmeim. Swe drauma urreisandins o frauja meins, in uswakeinai þizai siunai ize frakannt. Þande intandiþ warþ hairto mein, jah hairþra meina inmaidida waurþun. Þau ik unweis was jah ni wissa, diuzaleiks was miþ þus. Akei ik sinteino im miþ þus, þairhbairis handu meina þo taihswo. Ragina þeinamma ustiuhis mik, jah afar þata wulþagana andnimis mik. Hvas mis ist ana himina, jah miþ þus ni waiht wiljau ana airþai. Afdauiþ ist leik mein jah hairto mein, tulgiþa hairtins meinis jah meina dails guþ ist du aiwa. Duþe ei þai fairrjandans sik af þus fralusnand, fraqisteis allamma horinondane us þus. Iþ ik nehvjan mik guda mis þiuþ ist, ik uslagida ana fraujin meinamma þus fraujin trauain meina. Du gakannjan alla toja þeina, [inna daurom þizos dauhtrs sionis].

 -UD- Þatuh fraþi ist asafis, Duhve o guþ frakunþes du andja, intundnandei ist þwairhei þeina in lambam winjos þeinaizos. Gamuneis gamainþais þeinaizos þoei gageigaides us anastodeinai, þoei usbauhtes wandu gafreideinais þeinaizos jainata fairguni þata sion þammei anahaimeis is ana imma. Ushafei laistins þeinans du uswalteinom þaim andjis, alla gatar fijands in weiha þeinamma. Baljond þai hatandans þuk in midumai maþlis þeinis, gasatidedun seinos taiknins taiknins. Gaswikunþidedun sik swe ushafjands iup in skipein triwasamon aqizja, jah nu þo kaurbanona is alakjo beiþla jah hamara gabrikana haband. Gasandidedun in funin þata weih þein du airþai, bisaulidedun þo bauain namins þeinis. Qeþun in hairtin seinamma gatairam ins allis, gabrannidedun alla þo maþla gudis ana þizai airþai. Taiknins unsaros ni gasaihvam, nist þanaseiþs praufetus jah nist miþ unsis hvas witei und hva. Und hva o guþ ubilwaurdeiþ fijands, wajamereiþ andastaþjis namo þein du andja. Duhve afwandeis handu þeina jah taihswon þeina, fram midumai barmis þeinis fraqistei. Guþ þan ist þiudans meins fram anastodeinai, izei waurkeiþ nasein in midumai airþos. Þu uslaukt þeinai swinþein þo marein, gabrakt haubida waurme ana þamma watin. Þu gaslaht haubiþ drakins, fragaft ina mat managein þizai haiþniskon. Þu ushulodes brunnan jah ahva, þu usþaursides floduns abrans. Þeins ist dags jah þeina ist nahts, þu gamanwides tuggl jah sunnon. Þu gatimrides allos markos airþos, asan jah wintru þu þo gawaurhtes. Gamuneis þata fijands ubilwaurdeiþ fraujin, manageih dwala wajamereiþ namo þein. Ni fragibais fairhvau saiwala turtulidubons þeinaizos, þizai þiudai wainahane þeinaize ni ufarmunnais du andja. Insaihv du triggwai þeinai, unte gafullidai sind riqizeinai stadeis airþos winjo anamahtais. Aftra sik ni gawandjai gahaunida gaaiwiskoþs, wainaha jah unleda hazjaina namo þein. Usstandais o guþ fraweitais saka þeina, gamuneis idweitis þeinis þis fram dwalin all þize dage. Ni ufarmunnais stibnai þize hatandane þuk, auhjodus þize ana þuk usstandandane reisands ist sinteino.

 -UE- Protaupsaltau, ni frawardjais, soh psalmo ist asafis þatuh saggws ist. Andhaitam þus o guþ andhaitam [þus], nehva þan ist namo þein sind gateihandans sildaleika þeina. Þande gatilo maþl, ik raihtaba stoja. Hnasqja sind airþa jah allai þai bauandans ija, ik haba gatulgjan þos saulins izos Diapsalma. Rodja du dwalaim dwalai ni sijaiþ, jah du unsibjaim ni ushauhjaiþ haurn. Ni hauhjaiþ in hauhiþa haurn izwar, ni rodjaiþ us halsa hardjamma. Unte nih fram urrunsa nih fram gasagqa, nih fram sunþralanda ist ushauheins. Unte guþ staua ist, sumana hauneiþ sumanaþ~þan hauheiþ. Unte ist stikls in handau fraujins jah wein wulando fulls maggeinais jah giutiþ us þamma [hidre], jah dragja þis skulun supan drigkan skulun allai unsibjans airþos. Iþ ik gateiha du aiwa, ussiggwa du guda iakobis. Jah alla haurna unsibjaize gabrika, ushafjanda haurna garaihtins.

 -UQ- Protaupsaltau, in xaurdeim, psalmo ist asafis þatuh ist saggws. Kunþs ist in iudaiin guþ, in israela mikil ist namo is. Jah was in salem hleiþra is, jah bauains is ana siona. Jainar brak arhvaznos bugins, skildu jah hairu jah waihjon Diapsalma. Wulþagiza is þu, abroza þaim fairgunjam gafahis. Gafah waurþun [allai] faitans hairtin gasaislepun slepa seinamma, jah ni mahtedun finþan allai mannans mahteigai handuns seinos. Fram gasahtai þeinai o guþ iakobis, dusaiþs warþ jah wagnareis jah aihvs. Þu ohts is is þu, jah hvas gastandiþ in andwairþja þeinamma at þwairhein þeina. Us himinam gataiht dom, airþa ohta sis jah afdobnoda. At usstandandin in staua guda, ganasjan allans qairrjans airþos Diapsalma. Duþe ei hatis manasedais gakanneiþ þuk, laiba hatizis gatamjis. Gahaitaiþ jah usgibaiþ fraujin guda izwaramma, allai þai bisunjane imma gataujand gibos imma ohtin. Izei gatamjiþ ahman reikistane, izei gaþlahseiþ þiudanans airþos.

 -UZ- Protaupsaltau, wiþra iduþun, asafis ist psalmo. Stibna meina du guda ist ubuhhropja, stibna meina du guda ist gahhauseiþ mis. In daga aglons meinaizos fraujan meinana sokjands im, handus meina naht ufrakjada jah athahan ni habaiþ frakann gaþlaihtai saiwala meina. Gaminþi haba bi guþ inuhreira, þagkja wairþiduh siukands ahma meins Diapsalma. Gahabaida wahtwa augona meina, gadrobnands im jah ni rodja. Þagkja mis dagans airizans jera aiwe, gaman þize saggwe meinaize. In naht miþ hairtin meinamma rodja, jah kauseiþ ahma meins. Ibai du aiwam uswairpiþ frauja meins, jah ni anaaukiþ leikainais aftra. Ibai usnam du aiwa armaion seina, gatar razda du aldai jah aldai. Ibai ufarmunnands warþ arman guþ, nibai warþ gahabands in moda ainfalþeins seinos Diapsalma. Jah qaþ ik siukei meina ist, þairh þo mela taihswons hauhistins. Gaman waurstwe fraujins, unte gaman fram anastodeinai sildaleik þein. Jah þagkja alla þo waurstwa þeina, jah toja þeina mis þagkja. O guþ in weiha ist wigs þeins, hvas gude ist swa mikils swe guþ [unsar]. Þu is sa guþ izei taujiþ sildaleik, gakannides in manageim maht þeina. Uslausides arma [þeinamma] managein þeina, þans sununs iakobis jah iosefis Diapsalma. Sehvun þuk þo watna o guþ gasehvun þuk þo watna sis ohtedun, samaleikoh reiraidedun þos diupiþos. Usgutun wato milhmans stibna usgebun luftjus, jah þos arhvaznos þeinos usliþun. Was stibna þeihvons þeinaizos in himiniskin hrigga liuhtjandeins wesun lauhmunjos [þeinos] midjungard, wagida was jah reirandei airþa. Þairh marein wigs þeins ist jah ist staiga þeina þairh watna managa, jah laisteis þeinai ni sind uskunþai. Wast tiuhands swe aweþi managein þeina, handau mosezis jah aaronis.

 -UH- Þatuh fraþi ist asafis, Gahausei o managei meina witoda meinamma, anahnaiwjaiþ auso izwar du waurdam munþis meinis. Usluka in gajukon munþ meinana, usbaira runos þos us alþjam. Þoei gahausidedum jah gakunnaidedum ija jah attans unsarai gaspillodedun du unsis, ni galaugnjam faura barnam ize du kunja anþaramma. Spillondans hazeinos fraujins jah swinþein is, jah sildaleika is þoei gatawida. Urraisida þan weitwodein in iakoba witoduh gasatida in israela, þoei anabauþ attam unsaraim kannjan ija sunum ize. Ei witeina kuni anþar þai sunjus þaiei gabairanda, urreisaina jah gateihaina du sunum seinaim. Ei galagjaina in guda lubain seina, jah ni ufarmunnaina waurstwam gudis jah anabusnins is gahabaina. Jah ni wairþaina swe þai ize attans kuni untal jah ungahvairb, þata kuni ei ni gatimrida hairto sein jah ni gatrauaida guþ ahmin seinamma. Sunjus aifraimis sarwodai skiutandans bugane, inmaididedun sik in daga waihjons. Ni gahabaidedun triggwa gudis, inuh witoda is inwidaidedun gaggan. Jah ufarmunnodedun þaim tojam is, þaim fauratanjam is þoei ataugida im. Faura attam ize gatawida sildaleik, ana airþai aigwptaus ana þizai haiþjai taneins. Disdailida marein jah insandida ins, atsatida watna swe haup. Jah garaihtida ins milhmin in daga, jah all þize nahte liuhada funins. Disdailida hallu ana auþidai, jah gadragkida ins swe us diupein managai. Uzuhtauh sa qrammiþa us staina, atuhstigun swe ahvos watna. Akei anaaiaukun mais sis frawaurkjan du imma, ingramjan hauhistan ana þizai unbauidon. Uzuh~þan~faifraisun guþ in hairtin seinamma, gasokjan matis du saiwalai seinai. Anahqeþun wiþra guþ qeþunuh, magu guþ gamanwjan biuþ in auþidai. Sai sloh hallu runnunuh watna rinnonzuh gutun sik, samaleikou jah hlaif mag atgiban þau gaumanwjan mimz managein seinai. Duþþe gahausida frauja jah frakunþa, fonuh intundnoda bi iakob þwairheih usiddja bi israel. Duþe ei ni galaubidedun in guda, nih gatrauaidedun in naseinai is. Jah anabauþ milhmam iupana, jah daura himinis uslauk. Jah rignida ana ins mannos ei matidedeina, kaurnizuh himiniskis lagida im. Hlaibis aggiliskis matida manna, wailawizn sandida sa im du gasoþeinai. Raisida austrawind in himina, jah brahta mahtai seinai sunþrawind. Rignidah ana ins swe stubju mimz, jah swe malman mareino jainans fuglans þans fiþrodans. Drausidah in midumai bibaurgeinais ize, bisunjane þaim bauainom ize. Jah matidedun jah wesun sadai filu, jah sa lustus ize was qumans at im. Ni framaþidedun sik lustaus seinis, nauhþan sa mats ize was in munþam ize. Jah þwairhei gudis usiddja bi ins, jah gadauþida þize faitistane ize þanzuh gawalidans israelis gadrausida. In allaim þaim frawaurhtedun aftra, jah ni galaubidedun in þaim fauratanjam is. Jah fraqistida in uswissja dagam ize, jah jeram ize in drobnin. Þande usqimands warþ im þau gasokidedun ina, jah gawandidedun sik jah air uhtwon ussalidedun at guda. Waurþunuh gamunandans þatei guþ ist tulgiþa ize, jah guþ hauhista ist sa uslausjands ize. Jah suþidedun ina munþam seinaim, tuggonuh seinai lutodedun ina. Iþ hairto ize ni was tulgu miþ imma, nih wesun triggwai in triggwai is. Akei is ainfalþs afhrainida fairina [ize] jah ni frawardida, ak biaiauk afwandjan þwairhein seina jah ni urraisida allana moþ seinana. Gamunda þan þatei sind leik eis, anada saei usgaggiþ jah aftra sik ni gawandeiþ. Hvaiwa ufta gauridedun ina ana auþidai, þwairhaidedun ina ana [airþai] þizai inuh wato. Jah gawandidedun sik jah gakausidedun guþ, þanah weihan israelis ingramidedun. Ni þan gamundedun handu is, þana dag þanei galausida ins af þreihandin. Þanei galagida in aigwptau taiknins seinos, jah fauratanja seina ana haiþjai þizai taneins. Inuhmaidida du bloþa ahvos ize, jah floduns ize ei ni drugkeina. Insandida in ins mujos gahmatidedun ins, jah fruskans frahwardidedun ins. Jah gaf emom gras ize, jah ize arbaiþ þramsteim. Sloh hagla weinatriwa ize, jah ize smakkabagmans eisa. Jah galewida hagla faihu ize, jah hairdos ize lauhmunjom. Gasandida in ins ailiþ þwairheins seinaizos, unwerein jah hvassein jah aglon airu aggile ubilaize. Gaibnida wig þwairhein seinai ni gahabaida af dauþau saiwala ize, jah libain ize wundufnjai galewida. Jah sloh all frumabaure in aigwptau, þo anastodein swinþeino in hleiþrom xamis. Jah tauh swe lamba managein seina, uzuhtauh ins swe aweþi þairh auþida. Jah brahta ins unagandans ni þan wesun afagidai, iþ þans fijands ize gafalh marei. Jah attauh ins du markai weihis seinis, duh þamma fairgunja þatei gastaistald taihswo is. Jah uswarp faura ize andwairþja þiudom jah fragaf im [airþa] raipa haimoþli, jah gatawida anahaimja in þize hleiþrom kunja israelis. Akei kausidedun jah gauridedun guþ hauhistan, jah weitwodeins is ni fastaidedun. Abuhwandidedun sik jah ungatewidai wesun swe þai attans ize, inwandidedun sik swe buga ubils. Jah ingramidedun ina þaim hlainam seinaim, jah galiugagudam seinaim inaljanodedun ina. Gahausida guþ jah frakunþa, jah gahaunida filu þana israel. Bihlaiþ bauainai þizai selomiskon, þizai hleiþrai þarei gabauands was in manasedai. Abuhlailot du hunþa þo swinþein seina, jah þo fagrein seina in handu hatandins. Jah frahanþ hairau managein seina, gafreideinuh seina andsat. Juggalaudins is matida fon, jah magaþeis is ni waurþun liugaidos. Gudjans is hairau drausidai wesun, jah widuwons is ni qainodedun. Akei urrais swe gaslepands frauja meins, swe swinþa auhjonds fram weina. Jah sloh þans hatandans sik aftana, skanda aiweina gaf im. Jah uskaus hleiþrai iosefis, jah kuni aifraimis ni gakaus. Iþ is gawalida kuni iudins, jainata fairguni þata sion þatei ist frijonda. Jah gatimrida swe hauhisti weih sein, swe airþa gasulida is ita du aiwa. Jah is gakaus daweid þana skalk seinana, anduhnam þana us awistram lambe. Fram awim ina ustauh, du haldan iakob þo managein seina jah israel þo gafreidein seina. Jah sa was haldanda ins bi unwammein hairtins seinis, inuh frodeim lofane seinaize was ins tiuhanda.

 -UÞ- Soh psalmo ist asafis, O guþ inniddjedun þiudos in haimoþli þein bisaulidedun alh þeina þo weihon, galagidedun iairusalem du haupam. Gebun hraiwa skalke þeinaize mat fuglam himinis, leika airknane þeinaize unbiarjam airþos. Gutun bloþ ize swe wato bisunjane iairusalem, jah ni was usfilhandins. Waurþum idweit bisitandam unsaraim, bilaik jah bimampeins þaim bisunjane unsis. Und hva o frauja modags is du andja, brinnando ist swe fon aljan þein. Usgiut þata hatis þein ana þos þiudos þozei ni kunnand þuk, jah ana þos þiudangardjos þozei in namin þeinamma ni atwopjand. Duþe ei gamatidedun iakob, jah bauain is gatawidedun auþja. Ni gamuneis unsis fairino frumeino sprauto faursniwaina uns ainfalþeins þeinos [o frauja], unte sijum gaunledidai filu. Gahilp unsara o guþ ganistais unsaraizos bi saka wulþaus namins þeinis, jah [o frauja] uslausei uns jah afhrainei þos frawaurhtins unsaros in namins þeinis. Duhve qiþaina þos þiudos hvar ist sa guþ ize, gaswikunþjaidau in þiudom at augom unsaraim fraweit bloþis skalke þeinaize þis usgutanins. Inngaggai in andwairþi þein swogateins bandjins, bi mikilduþai armis þeinis sijais gafastands sununs gadauþeinais. Jah gawandei du þaim bisitandam unsaraim sibun sinþam in barm ize, þata idweit ize þatei idweitidedun þus o frauja meins. Iþ weis sijum managei þeina jah aweþi winjos þeinaizos, andhaitam þus [o guþ] du aiwa du aldai jah aldai gateiham hazein þeina.

 -P- Protaupsaltau, du sosaneimeduþ~aurgana, asafis ist psalmo. O hairdi israelis gahausei o þuei tiuhis swe aweþi iosef, o þuei sitis ana þaim xairubeimam þuk ataugei. In andwairþja aifraimis jah bainiameinis jah manassens, urraisei swinþein þeina jah atgagg du ganasjan uns. O guþ gawandei uns, jah inliuhtei andaugi þein weizuh ganasjanda. O frauja þu guþ harje, und hva modags is bidom manageins þeinaizos. Gasoþides ins hlaibis tagreinis, jah gadragkides ins tagre ufarassau. Uns gasatides in andasaht bisitandam unsaraim, jah fijands unsarai bimampjand uns. O [frauja þu] guþ harje gawandei uns, jah inliuhtei andaugi þein weizuh ganasjanda. Weinatriu af aigwptau usbart, usdraift þiudos uzuhsatides ita. Fauramanwides in andwairþja is, jah gawaurhtes waurtins is jah ita gafullida airþa. Gahulida fairgunja skadus is, jah astos is sind swe kaidrons gudiskos. Gasandida tainans seinans und marein, jah du ahvai þans weinatainans seinans. Duhve gatart faþos is, jah galisand us imma allai hvarbondans wig. Ita usgrabiþ bair sa us walþau, jah unbiari haiþjos fraitiþ ita. O guþ harje gawandei þuk raihtis insaihv us himina, jah gasaihv gahweiso þis weinatriwis þeinis. Jah gatulgei þatei ussatida taihswo þeina, bih sunu [adamis] þanei inswinþides þus silbin. Ist branniþ funin maitanata, framuh gasahtai andaugjis þeinis fraqistnand. Sijai handus þeina ufar mann taihswons þeinaizos, ufar þamma sunau adamis ei inswinþides þus silbin. Jah weis ni afairzjanda us þus, anaqiwei uns jah namin þeinamma atwopjam. O frauja þu guþ harje gawandei uns, inuhliuhtei andaugi þein jah weis ganasjanda.

 -PA- Protaupsaltau, ana aurgana gaiþiskin asafis ist. Tarmjaiþ du guda þizai swinþein unsarai, hropjaiþ du guda iakobis. Nimaiþ psalmon jah letaiþ twmpanaun, psalteriaun andanem miþ kiþarai. Þuthaurnjaiþ in fulliþom þuthaurna, in mela þamma at dag þizos dulþais usaraizos. Duþe ei ita gagrefts ist israela, staua so fram guda iakobis. Weitwodein in iosefa sa galagida ita, galeiþandin imma and airþa aigwptaus. Wairilos þozei kunþos ni haba haba hausjan, ik gaskaiskaiþ af baurþein ams is is lofans af snorjon afliþanai waurþun. In aglon atwopides jah ik uslausida þuk, gahausida þuk in analaugnein þeihvons gakausida þuk ana watnam þaim mareibawiskam Diapsalma. Hausei o managei meina jah weitwodja þus, o israel wainei hausjais mis. Ni sijai in þus guþ framaþs, nih inweitais guþ barbariskana. Ik auk im frauja sa guþ þeins ikei ustauh þuk af airþai aigwptaus, usluk munþ þeinana haba þan gafulljan ina. Akei ni andhausida managei meina stibnai meinai, israeluh ni ufhausida mis. Jah fralailot ik ija in lustum hairtins ize, usgaggandau bi mitonom seinaim. Wainei managei meina hausjai mis, [wainei] israel in wigam meinaim gaggaina. Sprauto fijands ize gahnaiwjau, anuh ins þreihandans gawandjau handu meina. Þai fijandans fraujan suþjaina ins, jah sijai þeihs ize du aiwa. Usfodjau þan ins smairþris hvaitjeinis, jah þis us hallau miliþis gasoþjau ins.

 -PB- Soh psalmo ist asafis, Guþ usstoþ in gamainþai gudis, in midjaim gudam stojan dugann. Und hva sijuþ stojandans inwindaba, andwairþjah þan unsibjane andnimandans sijuþ Diapsalma. Stojaiþ þarbin jah widuwairnin, wainahin jah halkin domjaiþ. Galausjaiþ armana jah unledana, af handau unsibjaize uslausjaiþ [ina]. Ni kunnun nih witun  in riqiza gaggand, sind wagidos allos gasuleinos airþos. Ik qaþ sijuþ guda jus, jah sunjus hauhistins alakjo. Aþþan swe manaseþs skuluþ gaswiltan, sweh all þize reike skuluþ gadriusan. Usstand o guþ duginn stojan airþa, unte þu arbi ganimiþ in allaim þaim þiudom.

 -PG- Saggws, soh psalmo ist asafis. O guþ ni sijais þahands, ni slawais nih þuk afhabais o guþ. Duþe ei sai fijands þeinai auhjond, jah þai þuk fijandans urraisidedun haubiþ. Þana ana managein þeina manwjand mun, garunih taujand bi þans fram þus gawitaidans. Qeþun qimaiþ jah fraqimaima im swaswe þiudai, ni þan sijai gamund namo israelis þanamais. Unte gaqissai sind hairtin alakjo, ana þuk triggwai sind ufaiþjai. Haimos idumaie jah ismaeleiteis, moab jah hagareneis. Gaibal jah ammon jah amalek, filistaia miþ þaim bauandam twru. Samaleiko jah asswria gahaftida sik im, waurþun arms sunum lotis Diapsalma. Gatawei im swe madiama, swe sisarin swe iabina ana rinnon þizai kison. Þaiei gabrikanai wesun in aaindor, waurþun swaswe maihstus muldai. Galagei ins þans ize reikistans swe oreb jah swe zeb, jah swe zaibaiain jah swe salmanan allans þans faurastandandans ize. Þaiei qeþun ganimam unsis silbam, þo winja gudis. O guþ meins gasatei ins swe stubju, swe ahana þo in andwairþja windis. Swe fon gabranneiþ walþu, swe ailiþs intandeiþ fairgunja. Swa afarlaistei im in skurai þeinai, inuh jiukom þeinaim gadrobei ins. Gafullei andawleizna ize unswereins, jah gasokjaina namo þein o frauja. Gaskamaina sik jah indrobnaina und ajukduþ, jah gaaiwiskondau eis jah usqistjaindau. Jah ufkunnaina þatei þu namo þuzei frauja ist, þu ains is hauhista ufar allai airþai.

 -PD- Protaupsaltau, ana aurgana gaiþiskin, suniwe kauraiis ist psalmo. Hvaiwa liubos sind bauainos þeinos o frauja harje, gairneiþ jah arbaideiþ saiwala meina du ubizwom fraujins hairto mein jah leik mein faginond bi guþ qiwana. Jah sparwa bigitanata habaiþ [sis] razn jah swalwo sitl sis þarei gasatjai juggons seinos, þo altarja þeina o frauja harje þu þiudan meins jah guþ meins. Audagai sind þai bauandans gard þeinana, ajukduþ hazjand þuk Diapsalma. Audags ist guma swinþei þizei in þus ist, sind usstigeis in hairtin þizeei. Faurgaggandans þairh þana dal gretis ana brunnan atgaggand in þamma, jah þiuþeinom þana dishuljiþ rign. Usgaggand us mahtai du mahtai, ataugjand sik du guda ana siona. O frauja o guþ harje andhausei bida meina, gahausei o guþ iakobis Diapsalma. Þana skildu unsarana gasaihv o guþ, inuhsaihv du andawleizna xristaus þeinis. Unte batiza ist dags [ains] sa in ubizwom þeinaim þau þusundi, walja daurawarda wisan in razna gudis meinis ufar ald þo in hleiþrom afgudeins. Unte sauil jah skildus ist frauja guþ, anst jah wulþu gibiþ frauja. Ni gasleiþeiþ þiuþa, gaggandans in unwammein. O frauja þu [guþ] harje, audags ist guma sa trauands in þus.

 -PE- Protaupsaltau, suniwe kauraiis ist psalmo. Infeinodes o frauja du airþai þeinai, gawandides þata hunþ iakobis. Habais afletana þo fairina manageins þeinaizos, habais gafulhanos allos þos frawaurhtins ize Diapsalma. Gaandides all þata hatis þein, gawandides þuk us moda þwairheins þeinaizos. Ussatei uns o guþ ganistais unsaraizos, jah afwandei unwerein þeina þo miþ unsis. Ibai du aiwa modags is unsis, usbraideis þo þwairhein þeina du aldai jah aldai. [O guþ] niu þu þuk gawandjands qiujis uns, manageih þeina faginond þus. Augei unsis o frauja armahairtein þeina, naseinuh þeina ganohei in unsis. Hausja hva rodeiþ [bi mik] sa guþ frauja, unte rodeiþ gawairþi du managein seinai jah du airknam seinaim ni þan aftra gawandjaina sik du unwitja. Jai ist nehva is faurhtaim naseins is, ei anahaimeis sijai wulþus ana airþai unsarai. Armahairtei jah sunja gamotjand sis misso, garaihtiþa jah gawairþi bikukjand sik misso. Sunja us airþai uskeiniþ, jah garaihtiþa us himina anakumbeiþ. Jah frauja gibiþ þiuþ, jah airþa unsara gibiþ akran sein. Garaihtiþa faura andwairþja is fauragaggiþ, jah gasatjiþ ana wig laistins seinans.

 -PQ- Soh bida ist daweidis, Hnaiwei o frauja auso þein jah hausei mis, unte wainahs jah unleþs im ik. Fastai þu saiwala meina unte airkns im, nasei þana skalk þeinana o guþ mein þana trauandan du þus. Armai mik o frauja meins, unte du þus wopja all þize dage. Gailei saiwala þis skalkis þeinis, unte du þus o frauja meins saiwala meina hauhja. Unte þu o frauja meins is goþs jah bleiþs, jah manags airkniþai du allaim wopjandam þuk. Andhausei o frauja bida meina, gahausei þo stibna aihtronais meinaizos. In dag aglons meinaizos atwopja þuk, unte gahauseis mis. Nist galeiks þus in gudam o frauja meins, jah nist bi waurstwam þeinaim. Allos þiudos þozei gatawidos habais gaqimand jah inweitand in andwairþja þeinamma o frauja meins, jah andhaitand namin þeinamma. Duþe ei mikils is þu jah taujands sildaleika, þu is guþ þu ains. Uslaisei mik o frauja wig þeinana gagga in sunjai þeinai, gatulgei hairto mein in agisa namins þeinis. Awiliudo þus o frauja meins þu guþ meins in allamma hairtin meinamma, jah swera namo þein du aiwa. Unte armahairtei þeina ist mikila ana mis, jah uslausides saiwala meina af haljai undariston. O guþ hauhþuhtans waurþun usstandandans ana mik jah gaqumþs swinþozane sind sokjandans saiwalos meinaizos, nih sind satjandans þuk faura sis. Iþ þu o frauja meins is guþ ainfalþs jah hulþs, lats þwairheim jah manags armahairtein jah sunjai. Insaihv du mis jah gaarmai mik, atgif swinþeins þeinaizos þamma skalka þeinamma jah ganasei þana sunu þiujos þeinaizos. Gatawei miþ mis taikn du þiuþa jah gasaihvandau þai fijandans mik jah sik gaskamandau, duþe ei þu o frauja gahilpands meina jah gaþrafstjands mik is.

 -PZ- Suniwe kauraiis ist psalmo, saggws ist, Grunduwaddjus izos ist in fairgunjam weihaim, frijoþ frauja þos daurons sionis ufar allos bauainos iakobis. Wulþagona rodjanda bi þuk, o baurg gudis Diapsalma. Waurkja gamund rahabis jah babwlonaus þaim kunnandam mik, sai filistaia jah twrus jah so managei aiþiaupeiins jains was gabaurans þar. Bi sion rodjand manna jah manna gabaurans was in þizai, jah silba gatulgida þo hauhista. Frauja gameleiþ ana bokai manageino [jah reike], jains was gabaurans þar Diapsalma. Jah liuþareis swe musikjus letand, sind allai brunnans meinai in þus.

 -PH- Saggws, soh psalmo ist suniwe kauraiis, protaupsaltau, sijai ana mahalaþ~aurgana du gahauseinai þatuh fraþi ist aimanis þis aizraheitaus. O frauja þu guþ ganistais meinaizos, daga hropida in naht im faura þus. Inngaggai in andwairþi þein bida meina, anahnaiwei auso þein du aihtronai meinai. Unte sada unþiuþe ist saiwala meina, jah libains meina haljai ist nehva. Gadomiþs im du atsteigandam in groba, warþ swe wair sa inuh maht. Sa in dauþaim fralets, swe afslahanans þai slepandans hlaiwasnais. Þaimei ni gawaurkeis gamund ize þanamais, jah þaiei us handau þeinai fairliganai sind. Galagides mik in grobai undaristins, in riqiza in diupiþai. Ana mis anatimriþs ist moþs þeins, jah allaim wegim þeinaim gahaunides [mik] Diapsalma. Afsatides kunþans meinans us mis gasatides mik andaset im, im frahunþans jah afleiþan ni mag. Augo mein ist afmauiþ fram agliþai, ik atwopida þuk o frauja þairh allana dag ufrakida du þus lofans meinans. Ibai dauþaim gataujis sildaleik, ibai naweis urreisand andhaitand þus Diapsalma. Ibai mereiþ hvas in hlaiwasnai armahairtein þeina, jah sunja þeina in fralustai. Ibai kannjada in riqiza sildaleik þein, jah garaihtiþa þeina ana þizai airþai afarmaudeins. Iþ ik du þus o frauja hropjands qiþa, jah in maurgina bida meina bisniwiþ þuk. Duhve o frauja afskiubis saiwalai meinai, affilhis andaugi þein faura mis. Wainahs im ik jah dauþubleis us jundai [meinai], baira þos usfilmeins þeinos siukands im. Ufar mis usliþun hatiza þeina, þos þlahseinos þeinos gabrekun mik. Birinnand mik swe wato all þize dage, bigaggand mik alakjo. Gaskaiskaist af mis frijondan jah frijond, sind nu kunþans meinai us riqiza.

 -PÞ- Þatuh fraþi ist aiþanis þis aizraheitaus. Armahairtiþos [þeinos] o frauja aiw siggwa, du aldai jah aldai kannja sunja þeina in munþa meinamma. Duþe ei qiþa aiweina armahairtei gasulida ist, in himinam gatulgida habais sunja þeina in þaim. Ik snaiþ triggwa miþ þamma gawalidin meinamma, swor wiþra daweid þana skalk meinana. Und aiw gamanwja fraiw þein, jah gatulgja du aldai jah aldai stol þeinana Diapsalma. Jah andhaitand himinos sildaleikam þeinaim o frauja, jah sunjai þeinai in aikklesjon weihane. Duþe ei hvas ana himinam gadomeiþ sik du fraujin, sik galeikoþ swe frauja in sunum gude. Guþ ist mikiliþs in garunja weihane, manags jah ohts ist ufar allaim þaim bisunjane imma. O frauja þu guþ harje hvas ist swe þu, swinþs is o frauja jah sunja þeina bisunjane þus ist. Þu is fraujinonds in ufswalleinai mareins, in auhjodau wege izos þu is gatamjands. Þu gahaunides swe gaslahanana þana rahab, arma þeinamma þamma swinþin distahides þans fijands þeinans. Þeinai sind himinos jah þeina ist airþa, midjungard jah fullon þis þu gatimrides. Naurþraland jah sunþraland þu gatawides þo, þabor jah airmon in namin þeinamma faginond. Þeins ist arms sa miþ mahtai, gaswinþeiþ sik handus þeina ushauheiþ sik taihswo þeina. Armahairtiþa jah staua sind grundus stolis þeinis, armahairtei jah sunja faura gaggand andwairþja þeinamma. Audaga ist so managei soei wait ufwopein, o frauja in liuhada andaugjis þeinis gaggand. In namin þeinamma sifand all þize dage, jah garaihtiþai þeinai sik hauhjand. Unte so skaunei swinþeins ize þu is, inuh leikainai þeinai ushauhiþ ist þata haurn unsar. Unte fraujins ist sa skildus unsar, jah þis weihins israelis ist þiudans unsar. Suman rodjands wast in siunai du airknam þeinaim, qastuh ik atlagida hilpa du mahteigin ushauhida gawalidan us managein [meinai]. Ik gageigaida daweid þana skalk meinana, alewa meinamma gasalboda ina. Ei handus meina gatulgeiþ ina, armzuh meins gaswinþeiþ ina. Ni waiht uswaurkeiþ fijands in imma, sunuzuh ungaraihteins ni gahnaiweiþ ina. Jah gadauþja faura andwairþja is hatandans ina, jah ina fijandans gajiuka. Jah sunja meina jah armahairtei meina miþ imma sind, jah in namin meinamma ushauhiþ ist þata haurn is. Jah uslagja ana marein handu is, jah ana ahvom taihswon is. Is atwopeiþ mik atta meins is þu, guþ meins jah sa hallus ganistais meinaizos. Jah ik meinana frumabaur gasatja ina, hauhizan þiudanam airþos. Du aiwa gahaba imma armaion meina, jah triggwa meina sunjeina ist du imma. Jah gasatja du ajukduþai fraiw is, jah stol is swe dagans himinis. Jabai aflagjaina is sunjus witoþ mein, inuh stauom meinaim ni galaistjaina. Jabai garaihteins meinos eis gagamainjaina, anabusninzuh meinos ni gahabaina. Þau gaweiso wandau ik þizo missadede ize, jah banjom þizo fairino ize. Akei armahairtein meina ni afsatja us im, nih inmaidja in sunjai meinai. Nih gamainja triggwa meina, jah þo urrinnandona wairilo meinaizo ni inwida. Simle swor ik bi weihiþai meinai, jabai daweida liuga. Fraiw is du aiwa wisiþ, jah stols is swe sunno ist faura mis. Jah swe mena ist tulgus aiw, jah swe weitwoþs sa ana himina triggwiza Diapsalma. Akei þu nu afskauft frahkunþes, warst hatjands xristau þeinamma. Frahkunþes þizai triggwai skalkis þeinis, gagamainides du airþai waip is. Distahides allos þos faþos is, galagides is tulgiþos uswalteinos. Wilwand ina allai þai þairhgaggandans wig, warþ idweit bisitandam seinaim is. Hauheis taihswon þize þreihandane ina, gaileis allans þans fijands is. Samaleiko jah afwandides agja hairaus is, jah ni inswinþides ina in badwai. Gatart swiknein is, jah stola is du airþai gawarpt. Gamaurgides dagans jundais is, gahamodes ina aiwiskja Diapsalma. Und hva o frauja is þuk filhands du andja, ist brinnando swe fon hatis þein. Gamuneis mein hva ist þeihs, ana hvileik uswissi gaskopt allans sununs adamis. Hvas ist wair saei libaida jah ni gaumida dauþau, lausida saiwala seina af handau haljos Diapsalma. Hvar sind armahairtiþos þeinos þos frumeins o frauja, [bi þaimei] swort wiþra daweid bi sunjai þeinai. Gamuneis o frauja meins þis idweitis skalke þeinaize, þatei im bairands in brust meinai fram allaim þaim managizeim manageim. Ei idweitjand fijands þeinai o frauja, ei idweitjand þaim fairznom xristaus þeinis. Þiuþiþs sijai frauja du aiwa, amen jah amen.

 -Ч- Soh bida ist mosezis þis mans gudis, O frauja meins saliþwos þu wast unsis, in aldai jah aldai. Faurþizei fairgunja gabaurana weseina jah gadigeis airþa jah midjungard, jah fram aiwa und aiw þu is guþ. Wandeis mannan und riurein rodeizuh, þatei izwis aftra gawandjaiþ o sunjus adamis. Unte þusundi jere in augam þeinaim [o frauja] sind swe dags gistrs saei þanuh galaiþ, jah swe wahtwa so in naht. Midjasweipais im sleps sind, sind in maurgina swe hawi þatei uskeiniþ. In maurgina blauiþ jah wahseiþ, at andanahtja maitada [hardniþ] jah þaursniþ. Unte afdauidai wairþam us þwairhein þeinai, uzuh moda þeinamma indrobnam. Galagides fairinos unsaros faura þus, þo fulginona unsara þizai liuhadeinai andaugjis þeinis. Unte allai dagos unsarai framis galiþun in unwereinai þeinai, fraqumana sind jera unsara swe rodeins. Dagos jere unsaraize in þaim sind sibuntehund jere iþ jabai sind in swinþein sind ahtautehund jere, jah þata mahteigo ize ist arbaiþs jah saurga unte afskaidanda þai sprauto jah sijum affliugandans. Hvas wait maht þwairheins þeinaizos, jah bi agisa þeinamma unwerein þeina. Raþjan dagans unsarans swa galaisei, jah inngaggam in hairto frodata. Gawandjais þuk o frauja und hva, jah infeinais bi skalkans þeinans. Gasoþei uns in maurgina armahairteins þeinaizos [o frauja], jah swegnjaima jah faginoma in allaim dagam unsaraim. Let uns faginon bi dagam þanei wast hnaiwjands uns, bi jeram þanei wesum saihvandans ubil. Ataugjaidau ana skalkam þeinaim waurstw þein, jah mikilduþs þeina ana sunum ize. Jah sijai skaunei fraujins unsaris þeina gudis unsaris ana unsis, jah taui handiwe unsaraizo gamanwei wiþra uns þatuh taui handiwe unsaraizo ita waurstweig gatawei.

 -ЧA- Saei bauiþ in analaugnein hauhistins, in skadau allwaldandins wisiþ. Qiþiþ du fraujin saliþwos meinos is jah faþos meinos, guþ meins gatraua in þammei. Unte is uslauseiþ þuk af hlammai nutins, af waiht fraliusandein. Fiþrahamin seinamma ufarskadweiþ þuk uf fiþrom is anaþrafstjaza, skildus jah brunjo ist sunja is. Ni ogt þus faurhtein nahts, arhvazna fliugandein daga. Waiht in riqiza usgaggandein, wundufni anahabando midjadagam. Driusiþ af ferai þeinai þusundi þusunditehunduh af taihswon þeinai, at þus nehva ni qimiþ. Þatainei augam þeinaim þairhsaihvis, laun unsibjane gasaihvis. Duþe ei þu is o frauja saliþwos meinos, hauhistan gasatides bauain þeina. Ni wairþiþ þus ubil, jah slahs ni qimiþ nehva razna þeinamma. Unte aggilum seinaim anabiudiþ bi þuk, ei gawitaina þus in allaim wigam þeinaim. Ana lofam ushafjand þuk, ibai gastagqjais bi stain fotu þeinana. And liwan jah nadr gaggis, jah trudis liwilan jah waurm. Duþe ei sa mik gafrijoda eiþan galausja ina, gahulja ina unte ufkunnaida sa namo mein. Atwopeiþ mik gahhausja imma, miþ imma im ik in aglon uslausja ina jah gaswera ina. Laggeins dage gasoþja ina, jah ataugja imma nasein meina.

 -ЧB- Psalmo, þatuh ist saggws at dag þana sabbato. Goþ ist andhaitan fraujin, jah ussiggwan namin þeinamma o hauhista. Kannjan in maurgina armahairtein þeina, jah sunja þeina in [allai] naht. Ana daikaxaurda jah ana psalteria, wiþra drunju in kiþarai. Unte gailides mik o frauja in gaskaftai þeinai, in waurstwam handiwe þeinaizo swegnja. Hvaiwa mikila sind toja þeina o frauja, filu diupos sind mitonos þeinos. Manna unfroþs ni kann jah dwala ni wait þo, at uskeinandam unsibjam swe hawi jah þanei blauand allai þai waurkjandans inwindiþa. Du fraqisteinai sis þizai und ajukduþ sind, iþ þu hauhs is du aiwa o frauja. Duþe ei sai fijands þeinai o frauja duþe ei fijands þeinai fraqistnand, distahjanda allai þai waurkjandans inwindiþa. Iþ ushauheis swe ainahaurnis mein haurn, gasalboþs im alewa friskamma. Jah gaumeiþ augo mein hatandam mik, bi usstandandans ana mik ubiltojans hauseiþ auso mein. Garaihta swe pikabagms blauiþ, swe kaidro so ana libanau sa aukiþ. Ussatidai in garda fraujins, in ubizwom gudis unsaris blauand. Nauhþanuh akran taujand in aldomin, faitai auk jah gronjai sind. Du kannjan þatei raihts ist frauja, sa hallus meins ni þan unselei ist in þammei.

 -ЧG- Frauja þiudanoþ ist mikilduþai gahamoþs, gahamoþs ist frauja sik mahtai bigard. Duþþe gatulgiþs ist midjungards, ni waihtai gawagjada. Tulgus ist stols þeins fram anastodeinai, us aiwa þu is. Usbairand flodjus o frauja usbairand flodjus þo stibna seina, ushafjand flodjus þans wegins seinans. Þau stibnos watne managaize þau abristos þizo ufswalleino mareins, abriza ist in hauhistjam frauja. Weitwodeins þeinos sind sunjeinos maist, gardis þeinis ist weihiþa o frauja du laggein dage.

 -ЧD- O guþ fraweite þu frauja, o guþ fraweite gabairhtei þuk. Þuk ushauhei o þuei stojis airþa, sijais usgildands laun hauhhairtaim. Und hva unsibjans o frauja, und hva unsibjans swegnjandans sind. Qiþandans maþljand þrasabalþein, rodjand allai þai waurkjandans inwindiþa. Managein þeina o frauja haunjand, gafreideinuh þeina hnaiwjand. Widuwon jah aljakunjan dauþjand, jah widuwairnans maurþrjand. Jah rodjand ni gasaihviþ frauja, nih atsaihviþ guþ iakobis. Akei fraþjaiþ o unfrodans jus in managein, jah o unwitans frodai wairþaiþ. Sa ussatjands auso niu gahauseiþ, aiþþau sa gaskapjands augo niu gasaihviþ. Sa talzjands þiudos niu gasakiþ, izei laiseiþ manaseþ kunþi. Frauja wait mitonos gumins, þatei sind uswissi. Audags ist sa wair þanei talzeis o frauja, jah us witoda þeinamma laiseis þanei. Du anahveilan ina af dagam ubilaim, unte ist grabana unsibjin groba. Unte ni uswairpiþ frauja managein seinai, gafreideinaih seinai ni bileiþiþ. Unte aftra du garaihtiþai gawandeiþ sik staua, jah afar izai allai raihtans hairtin. Hvas usstandiþ faur mik wiþra ubiltojans, hvas urreisiþ miþ mis wiþra waurkjandans inwindiþa. Nih wesi frauja hilpands meina, nauh leitil jah gabauaidedi þo þahain saiwala meina. Þande was ik qiþands þatei gawagjada fotus meins, armahairtei þeina o frauja usþulaida mik. In filusnai mitono meinaizo þizo inna mis, gaþrafsteinos þeinos sind gailjandeins saiwala meina. Ibai atstandai þus stols fralustais, manwjands arbaiþ ana garaideinai. Ganiutand saiwala garaihtins, jah bloþ swiknata gawargjand. Akei ist frauja mis du baurgswaddjau, guduh meins du hallau þwastiþos meinaizos. Jah fragildiþ im frauja þo inwindiþa ize jah bi unþiuþam ize fraqimiþ im, im fraqimiþ frauja sa guþ unsar.

 -ЧE- Atgaggaiþ faginoma fraujin, tarmjaima du þamma hallau ganistais unsaraizos. Faursniwaima andwairþi is in andahaita, in psalmom ufwopjaima du imma. Unte guþ mikils ist frauja, jah þiudans mikils ufar allaim gudam. Þammei in handau is sind diupiþos airþos, jah hauhiþos fairgunje sind is. Þammei is ist marei jah is gatawida þo, jah land handjus is gasmiþodedun. Qimaiþ inweitaima jah atdriusaima, qiþaima waila in andwairþja fraujins þis gataujandins uns. Unte is ist guþ unsar jah weis managei winjos is sijum jah aweþi handaus is, himma daga wainei stibnai is jus andhausjaiþ. Ni gahardjaiþ hairto izwar mareibawisko, bi daga massawiskin in þizai auþidai. Þanei uskusun mik attans izwarai, mik gakusun gahsehvun waurstw mein. Fidwortiguns jere was gramiþs ik fram kunja [þize] jah qaþ, sind managei airzja hairtin eis jah eis ni witun wigans meinans. Duþþe swor in þwairhein meinai, jabai qimand in gahveilainai meinai.

 -ЧQ- Siggwaiþ du fraujin saggw niujana, siggwaiþ du fraujin o alla airþa. Siggwaiþ du fraujin þiuþjaiþ namo is, merjaiþ us daga du daga nasein is. Spilloþ in þiudom wulþu is, in allamma manageino þo sildaleika is. Unte mikils ist frauja jah haziþs filu, ist ohts is ufar alla guda. Unte alla guda þizo manageino sind galiugans, iþ frauja himinans gatawida. Andahait jah mikilduþs sind in andwairþja is, sind sweriþa jah skaunei in weiha is. Usgildaiþ fraujin o kuni manageino, usgildaiþ fraujin wulþu jah sweriþa. Usgildaiþ fraujin wulþu namins is, bairaiþ maiþm jah qimaiþ in ubizwom is. Inweitaiþ fraujan in skaunein weihiþos [is], reirandans wairþaiþ faura andwairþja is o alla airþa. Qiþaiþ in þiudom þatei ist frauja þiudanonds, duþþe tulgus ist midjungards [saei] ni waihtai wagjada domeiþ manageins raihtaba. Sifai himins faginoh airþa, auhjo marei jah fullo izos swegnjai haiþi jah alla þoei sind ana izai. Samaleiko jah wisaina waila allai bagmos walþaus in andwairþja fraujins duþe ei qimiþ, duþe ei qimiþ du stojan airþa. Du stojan midjungard in garaihtiþai, jah manageins in sunjai seinai.

 -ЧZ- Frauja þiudanonds ist fagino airþa, sifaina aujos managos. Milhma jah riqis sind bisunjane imma, garaihtiþa jah staua sind grundus stolis is. Fon in andwairþja is fauragaggiþ, jah gabranneiþ bisunjane þans hatandans ina. Galiuhtjand is lauhmunjos midjungard, gasaihvandei ist jah reirandei airþa. Fairgunja swe wahs smultana sind fram andwairþja fraujins, fram andwairþja þis fraujins allaizos airþos. Gataihand himinos garaihtiþa is, gahsaihvand allos manageins wulþu is. Skamaina sik allai skalkos galiugins þai hvopandans in galiugagudam [seinaim], inweitiþ ina o alla guda. Hauseiþ jah faginoþ sion sifanduh dauhtrjus iudaiins, in stauo þeinaizo o frauja. Unte þu o frauja is hauhista ufar allai airþai, filu ufarhafnands is ufar allaim gudam. O frijondans fraujan sijaiþ fijandans ubil, witaiþ [frauja] saiwalom airknane seinaize af handau unsibjaize lauseiþ ins. Liuhaþ liuhteiþ garaihtin, jah ist raihtaim hairtin swegniþa. Swegnjaiþ o garaihtans in fraujin, jah sijaiþ andhaitandans gamaudeinai weihiþos is.

 -ЧH- Psalmo, Siggwaiþ fraujin saggw niujana, unte sildaleika gatawida [frauja]. Ganasjandei ist imma is taihswo, jah arms is sa weiha. Gakannida frauja nasein seina, augam þiudo andhulida seina garaihtiþa. Gamunda armahairteins seinaizos [þizos du iakoba]  jah sunjos seinaizos þizo[-s] du garda israelis, gasehvun allai andjos airþos þo nasein gudis unsaris. Hropjaiþ du guda o alla airþa, swegnjaiþ jah faginoþ uzuhsiggwaiþ. Ussiggwaiþ fraujin in harpon, in harpon jah stibnai psalmons. In þuthaurnam jah stibnai haurnis, hropjaiþ in andwairþja þiudanondins fraujins. Auhjo marei jah fullo izos, midjungards jah [allai þai] bauandans ina. Ahvos plaudjaina lofin alakjo, fairgunja swegnjaina in andwairþja fraujins unte atgaggiþ [unte atgaggiþ] du stojan airþa. Stojan habaiþ midjungard garaihtiþai, jah manageins raihtiþai.

 -ЧÞ-  Frauja ist þiudanonds inreiraina manageins, ist sitands ana xairubeimam gawagjaidau airþa. Frauja sa ana siona mikils ist, jah hauhs ist is ufar allaim manageim. Andhaitaina namin þeinamma þamma mikilin jah ohtin, weihata auk ist. Jah mahts þiudanis staua frijoþ þu gamanwides ibnassuns, staua jah garaihtein in iakoba þu gatawides. Ushauhjaiþ fraujan þana guþ unsarana jah inweitaiþ at fotubaurda fotiwe þis, weihs auk ist sa. Moses jah aaron in gudjam is jah samuel in þans atwopjandam namo is, wopidedun du fraujin izuh hausida þaim. In saulai milhmins rodida du þaim, fastaidedun weitwodeins is jah talzein is þozei usgaf þaim. O frauja þu guþ unsar þu andhoft im, guþ fraletands wast du im jah fraweitands ana þo toja ize. Ushauhjaiþ fraujan þana guþ unsarana jah inweitaiþ at fairgunja is þamma weihin, unte weihs ist frauja sa guþ unsar.

 -R- Psalmo du hazeinai, Ufwopjaiþ fraujin o alla airþa, skalkinoþ fraujin in fahedai qimaiþ in andwairþja is in swegniþai. Ufkunnaiþ þatei frauja sa ist guþ [unsar], sa gatawida uns jah þis sijum weis [weis sijum] managei is jah lamba aweþjis is. Inngaggaiþ þairh daurons is in andahaita in ubizwos is in hazeinai, awiliudoþ imma þiuþjaiþ namin is. Unte þiuþeigs ist frauja ist du aiwa armahairtei is, jah und ald jah ald sunja is ist.

 -RA- Daweidis ist psalmo, Armahairtein jah staua siggwa, þus o frauja ussiggwa. Þagkja mis wig ungafairinodana hvan qimis at mis, gagga in swikniþai hairtins meinis inna garda meinamma. Ni waihtai satja faura augam    meinaim waiht witodalausa, waurstw afwandjandane fija ni gahaftniþ mis. Hairto unsel afstandiþ af mis, ubilana ik ni ufkunna. Hvas anaqiþiþ þiubjo frijond seinamma imma usqistja, hvas ist hauhþuhts augam jah mikilþuhts hairtin miþ imma ni anakumbja. Sind augona meina ana triggwam airþos du gasatjan ins miþ mis, hvas gaggiþ in wiga ungafairinodamma jains andbahteiþ mis. Ni bauiþ inna garda meinamma hvas taujiþ liutein, hvas rodeiþ liugna ni saineiþ faura augam meinaim. Du maurginam gabrika allans unsibjans airþos, du usmaitan af baurg fraujins allans waurkjandans ungaraihtein.

 -RB- Bida þulandin þande usgrudja wairþai jah in andwairþja fraujins usgiutai gaurein seina. O frauja andhausei bida meina hropsuh meins du þus innatgaggai, ni afwandjais andaugi þein us mis in daga aglons þizos at mis. Anahnaiwei du mis auso þein, in daga þanei atwopja þuk suns gahausei mis. Unte fraqumanai sind in rauka dagos meinos, jah baina meina swe hairþs þaursja waurþun. Was gaslahan swe hawi gahþaursnoda hairto mein, swaswe ufarmunnoda ik matjan hlaif meinana. Fram stibnai swogateinais meinaizos, gahaftnoda bain mein leika meinamma. Galeikoþs im habuka auþidos, warþ swe uggwilo so ana uswalteinai. Waka jah wisa, swe fugls sa ainakla ana hrota. All þize dage idweitjand mis fijands meinai, jah þai neiwandans mis mis unþiuþjand. Unte azgon swe hlaif matja, jah dragk mein miþ greta maggja. Fram andwairþja modis þeinis jah unwereinais þeinaizos, duþe ei ushoft mik jah gawarpt mis. Sind dagos meinai swe skadus ushneiwands, jah ik swe hawi gaþaursnands im. Iþ þu o frauja du aiwa þairhwisis, jah gaminþi þein ist du aldai jah aldai. Þu usstandis wairþis infeinands du siona duþe ei ist hveila du gaarman ita, duþe ei quman ist mel. Unte frijond skalkos þeinai stainans is, jah stubju is bleiþjand. Jah faurhtjand sik þiudos namin fraujins, jah allai þiudanos airþos wulþau þeinamma. Unte gatimreiþ frauja sion, jah ataugeiþ sik in wulþau seinamma. Is gaumjands ist bidai þis þarbins, jah ni frakann bidai þize. Meljada þata du aldai anþarai, jah managei so skapano skal hazjan fraujan. Duþe ei atsahv us hauhein seinai þizai weihon, frauja us himina du airþai insahv. Du gahausjan swogatein bandjins, du andletan sununs gadauþeinais. Ei merjaina ana siona namo fraujins, jah hazein is in iairusalem. At gaqumanaim wisandeim manageim samana, jah þiudangardjom du skalkinon fraujin. Afdauida is in wiga swinþein meina, gamargida dagans meinans. Qiþa o guþ meins ni usnimais mik ana midjaim dagam meinaim, in aldai alde sind jera þeina. In anastodeinom [þu o frauja] airþa gasulides, jah waurstw þeinaizo handiwe sind himinos. Ija fraliusanda iþ þu gastandis jah alla þo swe snaga wairþand fairnja, jah swe gawasein maideis ins jah inmaidjanda. Iþ þu is sama, jah jera þeina ni usfulljanda. Sunjus skalke þeinaize skulun bauan, jah fraiw ize in andwairþja þeinamma gatulgjada.

 -RG- Daweidis, Gaþiuþei o saiwala meina fraujan, jah o alla jus inna mis namo is þata weiho. Gaþiuþei o saiwala meina fraujan, jah ni ufarmunnais allaim þaim anstim is. Þis fraletandins allos fairinos þeinos, þis gahailjandins allos sauhtins þeinos. Þis uslausjandins af riurein libain þeina, þis weipandins þuk armahairtiþai jah ainfalþeim. Þis gasoþjandins in þiuþa lustu þeinana, ananiujada swe arins þeina junds. Taujands garaihtein ist frauja, jah stauos allaim anamahtidaim. Gakannida wigans seinans moseza, sunum israelis toja seina. Ainfalþs jah hulþs ist frauja, lats þwairheim jah manags armahairtein. Ni du andja wairþiþ þwairhaiþs, nih du aiwa hatjiþ. Ni bi frawaurhtim unsaraim gatawida unsis, nih bi fairinom unsaraim waila gatawida unsis. Unte bi hauhiþai himinis ufar airþai, gaþwastida [frauja] armahairtein seina ufar faurhtaim seina. Bi fairrawiznai urrunsis fram gasagqa, aflagida af unsis missadedins unsaros. Bi armahairtiþai attins wiþra sununs, armaiþ frauja faurhtans seina. Duþe ei ist is ufkunnands gawiss unsara, gamunands þatei mulda sijum. Manna sind swe hawi dagos is, swe bloma haiþjos swa blauiþ. Unte winds usleiþai in imma jah nist, jah ni finþiþ ina þanamais sa staþs is. Iþ armahairtei fraujins fram aiwa ist jah und aiw ist ana faurhtaim is, jah garaihtiþa is ist sunum suniwe. Þaim fastandam triggwa is, jah gamunandam garaideinos is du fastan þos. Frauja in himinam gamanwida stol seinana, jah þiudinassus is allaim reikinoþ. Gaþiuþjaiþ fraujan o [allai] aggiljus is jus mahteigans swinþein jus taujandans waurd is, gahausjan stibna waurdis is. Gaþiuþjaiþ fraujan o allai harjos is, jus andbahtos is jus taujandans wiljan is. Gaþiuþjaiþ fraujan o alla waurstwa is jus ana allaim stadim fraujinassaus is, gaþiuþei o saiwala meina fraujan.

 -RD- Þiuþei o saiwala meina fraujan, o frauja þu guþ meins mikils is filu sweriþai jah mikilduþai gahamoþs is. Þuei gawasjis þuk liuhada swe wastjai, usbraideis himin swe faurhah. Þuei gawaurkeis in watnam þo hauhistja þeina, þuei gasatjis milhmans wagn þeinana þuei usfarjis ana fiþrom windis. Þuei gataujis þeinans aggiluns windans, andbahtanzuh þeinans fon ailiþein. Þuei gasulides airþa ana grundum izos, ni gawagjada aiw jah ajukduþ. Diupein swe snagin gahulides ija, sind ufar fairgunjam standandona watna. Fram gasahtai þeinai gaþliuhand, fram stibnai þeihvons þeinaizos afleiþand. Ussteigand in fairgunja jah atsteigand in dalans, du þamma stada þanei gamast im. Marka galagides þoei ufarleiþan ni magun, nih gawandjand sik du gahuljan airþa. Þuei insandides brunnans in dalans, in midjaim fairgunjam urrinnand [þo watna]. Gadragkjand þai alla diuza haiþjos, afhvapjand aunagrjus þaurstein seina. Ana þaim fuglos himinis wisand, us midjaim astam giband stibna. Þuei gadragkeis fairgunja us þaim hauhistjam þeinaim, us akrana waurstwe þeinaize sada ist airþa. Þuei wahsjan gatawides hawi faihau, jah gras du andbahtja manasedai. Du ustiuhan hlaif us airþai, jah wein þatei gaileiþ hairto mans. Salba andawleiznam þo us alewa, jah hlaif saei hairto mans swinþeiþ. Sadai sind þai bagmos fraujins, þos kaidrons libanaus þozei ussatida is. Þarei fuglos taujand sitlans, faurhvons staurka sind gards. Fairgunja hauhista sind raiham, klibans sind saliþwos hazam. Þuei gatawides menan du melam, sauil gakunnaida gasagq seinana. Galagjis riqis istuh nahts, in izai hvarbondona sind alla diuza walþaus. Þai liwilans baljondans wilwan, jah bidjan at guda mat seinana. Urrinniþ sauil gaqimand, jah in filigrja seina galigand. Usgaggiþ guma du waurstwa seinamma, jah du arbaidai seinai und andanahti. Hvaiwa managa sind waurstwa þeina o frauja, alla þo in handugein gatawides fulla ist airþa gaskaftais þeinaizos. Soh marei mikila jah ruma saiwam þar snokos sind jah ni waiht ist im raþjons, sind diuza leitila miþ mikilaim. Þar skipa gaggand, sah draka þanei gaskopt du laikan in izai. Alla þo du þus wenjand, ei gibais mat ize in mela swesamma. Atgibis im galisand, uslukis handu þeina wairþand sada [allis] þiuþis. Affilhis andaugi þein gaþlahsnand, afnimis anadan ize afdauida wairþand duh muldai seinai gawandjand sik. Insandeis ahmins þeinis gatawida wairþand, ananiujis andwairþi landis. Sijai wulþus fraujins du aiwa, swegnjai frauja in waurstwam seinaim. Saei insaihviþ du airþai jah si wairþiþ reirandei, attekiþ sa fairgunjam jah duginnand raukjan. Siggwa du fraujin in libainai meinai, ussiggwa du guda meinamma und þatei im. Sijai andanems imma þagkeins meina, ik faginon habau in fraujin. Uswaurkjaina sik frawaurhtans af airþai, jah unsibjans þanaseiþs ni sijaina. Þiuþei o saiwala meina fraujan, alleluja.

 -RE- Andhaitaiþ fraujin anahaitaiþ in namin is, kannjaiþ in þiudom toja is. Siggwaiþ imma jah ussiggwaiþ imma, rodjaiþ bi alla sildaleika is. Hvopaiþ in namin is þamma weihin, faginondo wairþai hairto sokjandane fraujan. Gasokjaiþ fraujan jah swinþein is, sijaiþ sokjandans andwairþi is sinteino. Gamuneiþ þo sildaleika is þoei gatawida, þos taiknins is jah þos stauos is. O fraiw abrahamis þis skalkis is, o sunjus iakobis jus gawalidans is. Is ist frauja guþ unsar, sind and alla airþa stauos is. Ist gamunands du aiwa þo triggwa seina, þata waurd þatei faurbauþ du þusundjai kunje. Þatei anabauþ abrahama, jah þana aiþ seinana isaaka. Gah~þan~raidida þo iakoba du garaihtein, israelah triggwa aiweina. Qiþands þatei þus giba airþa xanaanis, marka gafreideinais izwaraizos. Wisandam im dauþubljaim raþjon, fawaim jah aljakunjaim ana izai. Jah wesun farjandans us þiudai du þiudai, us þiudangardjai du managein anþarai. Ni fralailot manaseþ usþriutan im, jah gasok bi ins þiudanans. Ni tekaiþ xristum meinaim, jah praufetum meinaim ubil ni taujaiþ. Jah anahaihait huhru ana þo airþa, all waliwe hlaibis gabrak. Insandida in ize andwairþja mannan, skalks warþ frabauhts iosef. Gahaunidedun in bandjom fotuns is, in eisarn inniddja saiwala is. Unte warþ þata waurd is, þata waurd fraujins gakaus ina. Gasandida þiudans anduhband ina, fauramaþleis manageino anduhlailot ina. Gasatida ina fraujan garda seinamma, jah fauramaþli in allaim aiginam seinaim. Ei talzjai þans reiks is bi saiwalai seinai, jah þans is sinistans usfratwjai. Jah galaiþ israel du aigwptau, iakobuh aljakunja warþ in airþai xamiskon. Jah wahsjan gatawida managein seina filu, jah inswinþida ins ufar þreihandans ins. Inwandida hairto þize ei fijaina managein is, birunaina in skalkam is. Is insandida moses þana skalk seinana, aaron þanei gawalida ina. Galagidedun in þaim waurda taikne is, jah fauratanja [is] ana airþai xamis. Is insandida riqis riqizuh gatawida, jah andaneiþans ni waurþun þamma waurda is. Inmaidida watna ize du bloþa, jah gadauþida fiskans ize. Wulandei warþ airþa ize fruskam, und hetjons þiudane ize. Qaþ jah qemun fliugons, mujons in allaim markom ize. Gaf rigna ize hagl, fon brannjando ana airþai ize. Jah sloh weinatriwa ize jah smakkabagmans ize, jah brak [allans] bagmans marko ize. Qaþ jah qemun þramsteins, jah emons jah ni waiht was im raþjons. Jah fretun all hawi ana airþai ize, frahetun [allata] akran landis ize. Jah sloh all frumabaure ana airþai ize, þo ufarskaft allaizo mahtais ize. Jah utattauht þans miþ silubra jah gulþa, jah ni was in kunjam ize siukis. Faginoda aigwptus in urrunsai ize, duþe ei gadrusan was agis ize ana ins. Usbraidida milhman du hulistra [þaim], jah fon du inliuhtjan [þaim] naht. Bedun eis qemunuh wahtalos, jah hlaif himiniskana gaf mat im. Uslauk hallu uzuhrunnun watna, gahliþun and þaursjona swaswe ahva. Duþe ei gamunda waurd sein þata weiho, þata du abrahama þamma skalka seinamma. Jah ustauh managein seina in fahedai, þanzuh gawalidans seinans in swegniþai. Jah usgaf im airþos þiudo, arbaiduh fadreine ganemun. Duþþe ei fastaina garaihteins is, jah witoda is habaina. Alleluja.

 -RQ- Alleluja. Andhaitaiþ fraujin unte þiuþeigs ist, unte du aiwa ist airkniþa is. Hvas rodjai mahtins fraujins, kannjai allos hazeinos is. Audagai sind þaiei fastand staua, saei taujiþ garaihtiþa in allamma hveilo. Gamuneis meina o frauja in leikainai manageins þeinaizos, meina gaweisos in naseinai þeinai. Ei saihvau þiuþ gawalidane þeinaize wisau waila in swegniþai þiudos þeinaizos, hvopau miþ þizai gafreideinai þeinai. Frawaurhtedum unsis miþ attam unsaraim, ungaraihtona gawaurhtedum gatawidedum unsibjona. Attans unsarai in aigwptau ni ufkunþedun þo sildaleika þeina ni gamundedun þo filusna armahairteino þeinaizo, jah inwagidedun sik at marein nehva marein raudon. Akei ganasida ins in namins seinis, du gabairhtjan maht seina. Jah gahvotida marein raudon sih usþaursnoda, jah is gasandida ins þairh diupiþos swe þairh auþidos. Gahnasida ins af handau fijandins, uzuhlausida ins af handau fijandis. Gahulidedun þan watna þans þreihandans ins, ainshun us þaim ni þairhwas. Jah galaubidedun þamma waurda is, wesun siggwandans hazein is. Gasniumidedun ufarmunnodedun þaim waurstwam is, ni usþulaidedun muna is. Jah wildedun lustau in auþidai, jah faifraisun guþ in þizai unbauaidon. Jah waurhta im þo bida ize, jah sandida wundufni in saiwalos ize. Jah aljanodedun moseza in bibaurgeinai, aarona þamma weihin fraujins. Usluknoda airþa ubuhsagqida þana daþan, gahulida þana hiuhman abeironis. Jah intundnoda fon in hiuhmin ize, ailiþsuh gabrannida unsibjans. Jah gatawidedun stiur ana xoreba, waurþeinuh inweitandans galiugins leik. Inuh~þan~maididedeina þana wulþu seinana, in galeikja auhsaus matjandins hawi. Ufaruh~þan~munnodedeina guda þamma ganasjandin ins, þamma gataujandin mikilona in aigwptau. Sildaleika in airþai xamis, faurhteins ana marein raudon. Jah munda fraqistjan im, nih moses sa gawalida þis. Nih stoþi is in klubon in andwairþja is, du afwandjan þana moþ is ei ni qistjai [þaim]. Jah frakunþedun airþai þizai lustusamon, ni galaubidedun þamma waurda is. Bihrodidedun in hleiþrom seinaim, ni gahausidedun stibnai fraujins. Jah ushof handu seina du im, du gadrausjan ins in auþidai. Gahdrausjan fraiw ize in þiudom, dizuhtahjan ins and airþos. Jah gahaftnodedun baiailfaigora, gahmatidedun hunsla dauþaize. Jah ushaihaitun ina tojam seinaim, frahwalw in im wundufni. Jah usstoþ finaiais jah galauk, jah gatauran warþ þata wundufni. Jah rahniþ ist imma du garaihtiþai, du aldai jah aldai und aiw. Jah þwairhaidedun [ina] ana watnam þaim mareibawiskam, ubiluh warþ moseza faur ins. Duþe ei gauridedun ahman is, jah missaleiks was is in wairilom seinaim. Ni fraqistidedun þaim manageim, þatei qiþands was frauja im. Akei sik maggidedun in þiudom, jah laisidedun sik þo waurstwa ize. Skalkinodedun þan galiugagudam ize, jah waurþun þo im du hlammai. Hunslidedunuh sununs seinans, jah dauhtruns seinos unhulþom. Jah gutun bloþ swikn, þata bloþ suniwe seinaize jah dauhtre seinaizo. Þoei hunslidedun þaim galiugam xanaanis, jah bisaulida warþ [ize] airþa bloþam. Jah gamainidedun sik waurstwam seinaim, jah horinodedun in tojam seinaim. Jah tundnoda þwairhei fraujins in managein is, anduhspaiw is gafreideinai seinai. Jah atgaf ins in handu þiudo, jah disnemun ins þai fijandans ins. Þrehunuh ins fijands ize, jah gahnaiwidai waurþun uf handau þize. Sinþam managaim uslausida ins akei eis ingramidedun ina gamitonai seinai, jah waurþun gahaunidai in fairinai seinai. Akei insahv [frauja] du aglon þizai at im, at gahausjandin imma aihtron ize. Jah gamunda þizos im triggwos seinaizos, jah idreigoda bi filusnai armahairteins seinaizos. Jah gaf ins du gableiþeinai, in andwairþja allaize ins frahinþandane. Ganasei uns o frauja þu guþ unsar jah ussatei uns af þaim þiudom, ei awiliudoma namin þeinamma þamma weihin uns hazjaima in hazeinai þeinai. Þiuþiþs sijai frauja sa guþ israelis fram aiwa jah und aiw, jah qiþai alla managei amen [amen]. Alleluja.

 -RZ- Andhaitaiþ fraujin unte þiuþeigs ist, unte du aiwa ist airkniþa is. Qiþaina þai uslausidans fraujins, þaimei is uslausida ins af handau þreihandins. Abuh airþom galais ins, austra jah wistra jah naurþra jah sunþra. Skewjandans wesun in auþidai in þizai wilþjon, wig baurgs gabauaidaizos ni bigetun. Gredagai jah afþaursidai, saiwala ize in im was afdauida. Jah hropidedun du fraujin in aglon þizai at im, af þaim aggwiþom ize is uslausida ins. Jah gagaraihtida ins in wig raihtana, ei iddjedeina du baurg bauaidai. Andhaitaina fraujin armahairtiþa is, jah sildaleika is þo du sunum adamis. Duþe ei is gasoþida saiwala þaursjandein, saiwalah gredaga sa gafullida þiuþis. Þans sitandans in riqiza jah skadau dauþaus, þans gabundanans agliþai jah eisarna. Unte ufbrekun waurdam gudis, raginah hauhistins frakunþedun. Jah is hnaiwida arbaidai hairto ize, jah gastugqun jah ni was hilpandins. Jah hropidedun du fraujin in aglon þizai at im, af þaim aggwiþom ize ganasida ins. Uzuhtauh ins af riqiza jah skadau dauþaus, þoh bandjos ize dishraup. Andhaitaina fraujin armahairtiþa is, jah sildaleika is þo du sunum adamis. Duþe ei gatart daura þo aizeinona, jah staggos þos eisarneinons gabrak. Unnutjai fram wigam missadede seinaizo, jah fram fairinom seinaim gawunnun. Allamma mate andspaiw saiwala ize, jah fairrunnun und daurons dauþaus. Jah hropidedun du fraujin in aglon þizai at im, af þaim aggwiþom ize ganasida ins. Gasandida waurd sein gahhailida ins, gahlausida ins af þaim frawaurdeim ize. Andhaitaina fraujin airkniþa is, jah sildaleika is þo du sunum adamis. Jah hunsljaina [imma] hunsl andahaitis, jah kannjaina waurstwa is in fahedai. Galeiþandans and marein in skipam, gataujandans gawaurkja ana watnam managaim. Þai silbans saihvand waurstwa fraujins jah sildaleika is þo in diupein. Qiþai þan jah wairþiþ winds skurasama, reisanduh wegeis þizos. Usgaggand du himinam atgaggand du afgrundiþom, saiwala ize in unþiuþa wairþiþ untulgus. Auhjond hvarbond swe drugkans, jah alla so handugei ize ufsagqjada. Jah hropjaina du fraujin in aglon þizai at im, af þaim aggwiþom ize ustiuhiþ ins. Inmaideiþ þo skura [jah ist si] du wisa, gahslawand þai wegeis þizos. Jah sifand ei gaslawaidedun, jah briggiþ ins du habanai wiljins ize. Andhaitaina fraujin armahairtiþa is, jah sildaleika is þo du sunum adamis. Hauhjaina ina in gamainþai manageins, jah in gaqumþai sinistane hazjaina ina. Inmaideiþ ahvos du auþidai, jah urrunsins watne du þaursiþai. Airþa akranis du saltahein, fram unselein bauandane ija. Gataujiþ auþida saiw watins, jah airþa þaursja urrunsins watne. Jah gasatjiþ þaþ huhrjandans, jah gamanwjand baurg gabauaida. Jah saiand akrans jah satjand weinagardins, jah taujand akran ufarassiþ. Jah þiuþeiþ ins jah managnand filu, jah faihu ize minnizo is ni taujiþ. Akei fawai waurþun jah haunidai, us aggwiþai jah unþiuþa jah saurgai. Usgiutiþ haun ana reikistans [ize], jah afstandiþ im in auþidom þaim inuh wig. Akei andbahteiþ unledin af nauþai, jah waurkeiþ swe aweþi kunja is. Gasaihvand raihtans jah wairþand swegnjandans, iþ all unseleino galukiþ munþ seinana. Hvas ist snutrs þau gahabaiþ þo, þau gakunnand armahairtiþa fraujins.

 -RH- Saggws, soh psalmo ist daweidis. Tulgu ist hairto mein o guþ [manwu ist hairto mein], siggwa jah ussiggwa. Jai o wulþu meins [urreis o wulþu meins] urreis o psalteriaun jah kiþara, urreisa in maurgina. Andhaita þus in manageim o frauja, uzuhsiggwa þus in fadreinim. Unte mikila ufaro himina ist armahairtei þeina, jah und milhmans ist sunja þeina. Þuk ushauhei ufar himinam o guþ, ufaruh allai airþai sijai wulþus þeins. Ei uslausjaindau liubans þeinai, ganasei taihswon þeinai gaþ~þan~hausei mis. Guþ rodida in weihiþai seinai, gablauþja disdailja seikima jah jainana dal þana saukxoþ gadailja. Meins ist galaad meins ist manasse, jah aifraim ist swinþei haubidis meinis ist iudas hrugga meina. Moab ist kumba þwahlis meinis ana idumaian ufrakja skoh meinana, ufar filistaiin ufwopja. Hvas briggiþ mik in baurg gaþwastidai, hvas tiuhiþ mik und idumaian. Niu [þu] o guþ uswaurpanans habais uns, jah ni usgaggis o guþ in harjam unsaraim. Gawalei unsis hilpa þo af aglon, lausa þan ist naseins manasedais. In guda taujam mahteigo, jah is hauneiþ þans þreihandans uns.

 -RÞ- Protaupsaltau, daweidis ist psalmo, O guþ hazeinais meinaizos ni sijais þahands, unte munþs unsibjins jah munþs hindarweisins ana mik usluknodedun. Rodjand miþ mik tuggon liugandein, jah waurdam neiþis biiddjedun mik jah sind weihandans du mis sware. Und frijaþwai meinai andstandand mis, iþ ik bidjands im. Jah uslagidedun wiþra mik unþiuþ und þiuþa, fijaþwa und frijaþwai meinai. Gasatei ana ina unsibjan, jah diabulus standands sijai in taihswon is. Stauidamma wisandin imma is utusgaggai skula, jah bida is sijai du frawaurhtai. Wairþaina dagos is fawai, jah is aipiskaupein nimai aljis. Wairþaina is sunjus widuwairnans, jah is qens widuwo. Skeweinai hvarbona barna is jah aihtrona, sokjaina us þaim uswalteinom seinaim. Gafahai dulgahaitja alla þoei is aig, jah diswilwaina framaþjans þo arbaiþ is. Ni wairþai imma leihvandins armaion, ni wairþai bleiþjandins widuwairnans is. Sijaina afarans is du fraqisteinai, in aldai anþarai afswairbaidau namo ize. Gamunda sijai fairina attane is at fraujin, jah frawaurhts aiþeins is ni afswairbaidau. Sijaina faura fraujin sinteino, jah usmaitaidau af airþai gaminþi ize. Duþe ei ni gamunda is gataujan armaion, ak usþraut mann wainahamma jah unledamma, jah gamalwidamma hairtin du gadauþjan. Ak frijoþ fraqissais jah qimadau imma, ak ni gairneiþ þiuþiqissais jah fairra wairþadau imma. Jah ufarhamodau fraqissai swe snagin, innuhgaggadau si swe wato in hairþra is jah swe alew in baina is. Sijai imma swe hakuls þammei gawasjiþ sik, jah swe gairda þizaiei sinteino bigairdiþ sik. Swaleik sijai gawaurki andastaþjam meinaim fram fraujin, jah þaim qiþandam ubil ana saiwala meina. Iþ þu o frauja þu frauja meins gatawei miþ mis in namins þeinis, unte goda ist armahairtei þeina galausei mik. Unte wainahs jah unleþs im ik, jah hairto mein ist gawundoþ inna mis. Swe skadus swe so uswandeins is galeiþa, dreibada ik swe þramstei. Kniwa meina lasiwa waurþun fram lausqiþrein, jah leik mein suþjiþ us smairþra. Jah ik warþ idweit at im, sehvun mik wesun wiþondans haubiþ sein. Gahilp meina o frauja þu guþ meins, ganasei mik bi airkniþai þeinai. Jah ufkunnaina þatei handus þeina ist þata, jah ei þu o frauja gatawides þata. Unþiuþjand eis iþ þu þiuþei, usstandand [ana mik] akei gaskamaina sik iþ sa skalks þeins faginodau. Sik gawasjaina þai meinai andastaþjos unswerein, jah gahamona swe hakula aiwiskja seinamma. Awiliudo fraujin filu in munþa meinamma, jah in midjaim managaim hazja ina. Duþe ei standiþ in taihswon unledis, du nasjan af afdomjandam saiwala þis.

 -RI- Daweidis ist psalmo, Qaþ frauja du fraujin meinamma sijais sitands in taihswon meinai, unte gasatja fijands þeinans fotubaurd fotum þeinaim. Þana wandu swinþeins þeinaizos gasandeiþ frauja us siona, sijais fraujinonds in midjaim fijandam þeinaim. Miþ þus ist reiki in dag mahtais þeinaizos, in skauneim auk weihiþos us kilþein uhtwons þus ist so daggwa gabaurþais þeinaizos. Swor frauja jah ni skal idreigon, þu is gudja du aiwa bi tewai mailxisaidaikis. Frauja meins sa af taihswon þeinai wisands gamalweiþ in dag modis seinis þiudanans, ussokeiþ in þiudom. Usfulleiþ nawe, gamalweiþ haubiþ and airþa managa. Us rinnon þizai in wiga habaiþ drigkan, duþþe ushafjiþ haubiþ.

 -RAI- Alleluja. א Andhaita fraujin in allamma hairtin meinamma, ב in garunja raihtaize jah gaqumþai. ג Mikila sind waurstwa fraujins, ד sind gasokida allaim wiljandam þize. ה Andahait jah skaunei ist waurstw is, ו jah garaihtiþa is gastandiþ du ajukduþai. ז Gamund gatawida fauratanjam seinaim, ח hulþs jah ainfalþs ist frauja. ט Usfodein gibiþ faurhtjandam sik, י gaman du aiwa triggwa seina. כ Maht waurstwe seinaize gakannida managein seinai, ל du fragiban im arbi þiudo. מ Sind waurstwa handiwe is sunja jah staua, נ sunjeinos sind allos garaideinos is. ס Gatulgidos du ajukduþai du aiwa, ע gatawidos in sunjai jah raihtiþai. פ Uslausein gasandida managein seinai, צ fauragamanwida du aiwa þo triggwa seina. ק Weihata jah ohtata ist namo is, ר anastodeins handugeins ist agis fraujins. ש Ist frodei goda allaize þize taujandane þo, ת is hazeins gastandiþ du ajukduþai.

 -RBI- Alleluja. א Audags ist manna sa faurhtjands sik fraujin, ב anabusnins is sa wiljands filu. ג Mahteig auk ana airþai skal wairþan fraiw þis, ד kuni auk raihtaize þiuþjada. ה Digrei jah gabei sind in garda þis, ו jah garaihtiþa þis skal standan du ajukduþai. ז Urrinniþ in riqiza liuhaþ raihtaim, ח hulþs ist jah ainfalþs jah airkns. ט Goþs ist manna armands jah leihvands, י sa gawaurkeiþ waihts seinos in stauai. כ Unte du aiwa ni gawagjiþ sik, ל du gaminþja aiweinamma skal gawisan garaihta. מ Hliuman ubilana ni og sis, נ tulgu ist hairto is gatrauan in fraujin. ס Gatulgiþ ist hairto is is ni og sis, ע biþe fairweiteiþ in þans þreihandans sik. פ Distahida fraatida unledaim, צ garaihtiþa is ist standandei du ajukduþai. ק Haurn is ist ushauhiþ in wulþau, ר unsibja saihviþ jah wairþiþ þwairhs. ש Tunþuns seinans sa kriustiþ jah siuks ist, ת lustus unsibjane fralusniþ.

 -RGI- Alleluja. Hazjaiþ o skalkos fraujins, hazjaiþ namo fraujins. Sijai namo fraujins þiuþiþ, fram himma nu jah und aiw. Fram urrunsa sunnins und gasagq, haziþ sijai namo fraujins. Hauhs ist ufar allaim þiudom frauja, ufar himinam wulþus is ist. Hvas ist swe frauja sa guþ unsar þos hauhiþos du bauan, sa sik haunjands insaihvan du himina jah du airþai. Sa urraisjands af muldai armana, sa af maihstau ushauhjands unledana. Du gasatjan þana miþ reikistam, miþ reikistam manageins þis. Sa gasatjands stairon in gard, aiþein þize suniwe faginondein. Alleluja.

 -RDI- In urrunsai israelis af aigwptau, gardis iakobis af managein þizai barbariskon. Warþ iudaia du weiha is, israel du haimoþlja is. Marei gasahv jah gaþlauh, iaurdanus warþ rinnands ibuks. Fairgunja lailaikun swe rammos, hlaina swe baureis lambe. Hva ist þus o marei ei þlauht, [jah þus] o iaurdanu, ei warst rinnands ibuks. O fairgunja ei sijuþ laikandona swe rammos, o hlaina swe baureis lambe. Faura andwairþja fraujinondins afslauþn o airþa, faura andwairþja gudis iakobis. Izei inmaidida þana hallu saiw watins, flint du brunnam watne.

 -REI- Ni unsis o frauja ni unsis ak namin þeinamma gif wulþu, bi airkniþa þeina bi þo sunja þeina. Duhve qiþand þos þiudos, hvar ist sa guþ ize. Iþ guþ unsar in himinam ist [jah ana airþai], alla þoei wili taujiþ. Galiugaguda ize sind silubr jah gulþ, waurstw handiwe manasedais. Munþ aigun akei ni qiþand, augona aigun akei ni saihvand. Ausona aigun akei waihtai ni hausjand, nasa aigun akei daunai ni gaumjand. Handuns aigun akei ni tekand fotuns aigun akei ni gaggand, ni wopjand qairkai seinai. Galeikai im wairþand þai taujandans ija, allai þaiei gatrauand in im. [Gards] israel[-is] gatrauaida in fraujin, hilpa ize jah skildus ize is ist. Gards aaronis gatrauaidedun in fraujin, hilpa ize jah skildus ize is ist. Þai faurhtans fraujins gatrauaidedun in fraujin, hilpa ize jah skildus ize is ist. Frauja gamunands unsara þiuþeiþ [uns], þiuþeiþ gard israelis þiuþeiþ gard aaronis. Þiuþeiþ faurhtans fraujins, þans minnizans miþ þaim maizam. Biaukai frauja wiþra izwis, wiþra izwis jah wiþra sununs izwarans. Gaþiuþidai sijuþ jus at fraujin, þamma gaskapjandin himin jah airþa. Himinos himine sind fraujin, iþ airþa fragaf sa sunum adamis. Ni dauþans hazjand fraujan, nih allai þai atsteigandans dalaþ in þahain. Ak weis [qiwans] þiuþjam fraujan, fram himma nu jah und aiw. Alleluja.

 -RQI- Frijo þande gahauseiþ frauja stibna meina þo bida meina, unte anahnaiwida auso sein du mis jah in dagam meinaim atwopja. Dishabaidedeina mik naudibandjos dauþaus tulgiþos haljos gahabaidedeina mik, ik aglon jah saurgai gamotida. Inuþ~þan namin fraujins atwopida, o frauja galausei saiwala meina. Hulþs ist frauja jah garaihts, jah guþ unsar sa bleiþjands. Fastands niuklahans frauja ist, was ik afmauiþs jah is mik ganasida. Gawandei þuk o saiwala meina du gahveilainai þeinai, unte frauja waila gatawida þus. Duþe ei ganasides saiwala meina af dauþau, augona meina af tagram jah fotuns meinans af bistugqa. Gagga in andwairþja fraujins, and airþos þize libandane.

      Galaubida ik duþþe qiþands was þatei im ik gahauniþs filu, ik qaþ at mis indrobnandin all gumane ist liugn. Hva usgilda fraujin, und allaim anstim is þaim bi mik. Stikl ganistais andnima, namoh fraujins athaita. Þo gahaita meina fraujin usgiba, faura allai managein is. Filugalaufs ist in augam fraujins, sa dauþus saei sijai airknam is. Jai o frauja unte ik skalks þeins im, im ik þeins skalks sunus þiujos þeinaizos andbanst þos bandjos meinos. Þus hunslja hunsl andahaitis, jah in namin fraujins wopja. Þo gahaita meina fraujin usgiba, faura allai managein is. In ubizwom raznis fraujins, in midumai þeinai o iairusalem. Alleluja.  

 -RZI-  Hazjaiþ fraujan o allos þiudos, hazjaiþ ina o allos fadreineis. Unte gaswinþnoda ana unsis armahairtiþa is, jah sunja fraujins ist du aiwa. Alleluja.

 -RHI- Andhaitaiþ fraujin unte þiuþeigs ist, unte du aiwa ist airkniþa is. Qiþai nu gards israelis [unte þiuþeigs ist], unte du aiwa ist airkniþa is. Qiþai nu gards aaronis [unte þiuþeigs ist], unte du aiwa ist airkniþa is. Qiþaina nu [allai] þai faurhtjandans sis fraujan [unte þiuþeigs ist], unte du aiwa ist airkniþa is. Us þizai aggwiþai ik atwopida fraujan, gahausida mik in ruma frauja. Frauja faur mik ist mis ni og, hva taujan mag mis manaseþs. Frauja faur mik ist in hilpai meinai, jah ik gaumja fijandam mik. Batis ist trauan in fraujin, þau wenjan du manasedai. Batis ist trauan in fraujin, þau wenjan du reikistam. Allos þiudos gaqemun bisunjane mis, in namin fraujins haba usmaitanans ins. Birunnun jah wesun bisunjane mis, in namin fraujins haba usmaitanans ins. Birunnun mik swe beions [hreta] jah waurþun afhvapnandans swe fon þata þaurniwe, in namin fraujins haba usmaitanans ins. Gawageinai wagidedun mik du gadrausjan, akei frauja gahalp meina. Swinþei meina jah saggws meins ist frauja, jah warþ is mis du ganistai. Ist stibna fahedais jah ganistais, in hleiþrom garaihtane. Ist taihswo fraujins gataujandei maht, taihswo fraujins hauha ist taihswo fraujins taujiþ maht. Afdauþiþs ni im duþe ei liba, jah kannja waurstwa fraujins. Fraweita frawait mik frauja, dauþau ni fragaf mik. Uslukaiþ mis daurons garaihtiþos, inngaleiþa in ijos andhaita fraujin. Þozuh daurons sind fraujins, garaihtai innatgaggand in ijos. Andhaita þus unte andhoft mis, warstuh mis du ganistai. Stains þammei frakunnun þai timrjandans, [sah] warþ du haubida waihstins. Fram fraujin warþ þata, ita warþ sildaleikata in augam unsaraim. Sah ist sa dags þanei gatawida frauja, sifam jah swegnjam in þamma. Jai o frauja sijais ganasjands, o frauja sijais gawaurstwja. Gaþiuþiþs sijai sa qimands in namin fraujins, gaþiuþjam izwis us razna fraujins. Guþ ist sa frauja jah biskain uns, gabindaiþ sauþ sailom und þo haurna hunslastadis. Guþ meins is þu jah andhaita þus, guþ meins is [þu] ufarhafja þuk. [Andhaita þus unte andhoft mis, warstuh mis du ganistai.] Andhaitaiþ fraujin unte þiuþeigs ist, unte du aiwa ist airkniþa is.

 -RÞI- א Audagai sind unwammans wiga, þai gaggandans in witoda fraujins. Audagai sind þaiei gahaband weitwodeins is, þaiei allamma hairtin gasokjand ina. Ni waurkjand auk ungaraihtein, in is wigam gaggand. Þu anabaust garaideinos þeinaizos, du fastan þos filu. Wainei garaihtjaindau wigos meinai, du fastan garaihteins þeinos. Þan ni skamaidedjau mik, fairweitjandin mis in allos anabusnins þeinos. Sijau awiliudonds þus in raihtiþai hairtins, mik laisjandin mis stauos garaihtiþos þeinaizos. Garaihteins þeinos gahaba, ni sijais bileiþands mis und filu. ב Hve hrainjai juhiza þo staiga seina, seina habainai bi waurda þeinamma. Allamma hairtin meinamma gasokida þuk, ni gasleiþjais mik anabusnim þeinaim. In hairtin meinamma gafastaida þo waurda þeina, ei mis ni frawaurkjau du þus. Þiuþiþs is þu o frauja, laisei mik garaihteins þeinos. Wairilom meinaim gaspilloda ik, allos stauos munþis þeinis. In wiga weitwodeino þeinaizo im gawizneigs, swe bi all gabeino. Garaideinos þeinos andþagkja mis, jah fairweitja in staigos þeinos. Garaihteim þeinaim gaþrafstja mik, ni ufarmunna þamma waurda þeinamma. ג Usgild þamma skalka þeinamma, liba jah fasta þata waurd þein. Usluk augona meina, jah gaumja sildaleikam þaim us witoda þeinamma. Gasts ik im ana airþai, ni affilhais faura mis anabusnins þeinos. Frijoþ saiwala meina wiljan, stauos þeinos in allamma hveilo. Gasoht hauhhairtam, fraqiþanam þaim biwandjandam anabusnins þeinos. Afnim af mis idweit jah haun, unte bi þaim weitwodeim þeinaim andanemeigs im. Jah gasitand reiks mik sis gaqiþand, sa skalks þeins ist þagkjands sis þeinos garaihteins. Jah weitwodeins þeinos sind gaþlaihts meina, þai mans garunjis meinis. ד Gahaftnoda muldai saiwala meina, gaqiwei mik bi waurda þeinamma. Wigans meinans ik gaswikunþida jah gahausides mis, galaisei mik garaihteins þeinos. Wiga garaideino þeinaizo gafullaweisei mik, jah andþagkja mis sildaleika þeina. Afmojada saiwala meina fram gaurein, inswinþei mik bi waurda þeinamma. Wig unseleins aflagei af mis, jah witoda þeinamma gaarmai mik. Wig sunjos gawalida ik, ik stauos þeinos gawaurhta. Gahaftnoda weitwodeim þeinaim, o frauja ni gaaiwiskos mik. Wig anabusne þeinaizo skal ik þragjan, þande urrumjais hairto mein. ה Ustaiknei mis o frauja wig garaihteino þeinaizo, jah gahaba ina laun. Gatalzei mik jah gahaba witoþ þein, jah gafasta ita allaim hairtin [meinamma]. Gagaraihtei mik ana staigai anabusne þeinaizo, unte si mis galeikaiþ. Anahnaiwei hairto mein du weitwodeim þeinaim, iþ ni du faihugairnein. Afwandei augona meina ei ni saihvau uswissi, in wiga þeinamma mik gaqiwei. Gatulgei þamma skalka þeinamma waurd þein, ei ist du agisa þeinamma. Afwandei idweit mein þammei afagiþs im, unte stauos þeinos sind godos. Sai galeikand mis garaideinos þeinos, garaihtiþai þeinai gaqiwei mik. ו Jah qimai mis armahairtiþa þeina o frauja, so naseins þeina bi waurda þeinamma. Jah andhafja wiþra idweitjandan mis waurd, unte gatrauands im in waurda þeinamma. Jah ni afnimais af munþa meinamma waurd sunjos und filu, unte du stauom þeinaim im gawenjands. Jah haba witoþ þein sinteino, du aiwa jah ajukduþai. Jah gagga in ruma, unte garaideinos þeinos gasokjands im. Jah rodja weitwodeins þeinos faura þiudanam, jah ni skama mik. Jah þrafstja mik in anabusnim þeinaim, þozei frijo [filu]. Jah raisja lofans meinans du anabusnim þeinaim þozei frijo, jah þagkja mis þos garaihteins þeinos. ז Gamuneis waurdis [þeinis] þis du þamma skalka þeinamma, þatei wenjan gatawides mik. Þatuh gaþlaihts meina ist in agliþai meinai, þatei þata waurd þein mik anaqiujando ist. Hauhhairtans bimampidedun mik und filu, us witoda þeinamma ik ni waihtai uswandida mik. Gamunda ik stauo þeinaizo þizo us aiwa, o frauja gaþþrafstida mik. Usfilmei dishabaiþ mik, fram unsibjam þaim bileiþandam witoda þeinamma. Saggweis wesun mis þos garaihteins þeinos, in garda aljakunjinassaus meinis. Ik gamunda in naht namo þein o frauja, gahhabaida witoþ þein. Þatuh warþ meinata, duþe ei garaideinos þeinos gafastands im. ח Dails meina o frauja, ik qaþ ist fastan waurda þeina. Ik baþ du andwairþja þeinamma allaim hairtin meinamma, gaarmai mik bi waurda þeinamma. Biþahta ik wigans meinans, jah gawandida fotuns meinans du weitwodeim þeinaim. Sniumida jah ni sainida, fastan anabusnins þeinos. Wruggons unsibjane wesun bisunjane mis, witoda þeinamma ik ni waiht ufarmunnoda. Ana midjai naht rais ik awiliudon þus, bi þos stauos garaihtiþos þeinaizos. Gamainja im ik allaim þaiei faurhtjand sik þus, jah þaim fastandam anabusnins þeinos. Armahairteins þeinaizos o frauja fulla ist airþa, garaihteins þeinos galaisei mik. ט Þiuþ gatawides miþ þamma skalka þeinamma, o frauja bi waurda þeinamma. Selein frodeins jah kunþjis galaisei mik, unte anabusnim þeinaim galaubja. Faurþizei gaþulaidedjau was ik airzeis, iþ nu þata waurd þein fasta. Þiuþeigs þu is [o frauja] jah armands, galaisei mik garaihteins þeinos. Gagatilond ana mik inwindiþa untilamalskans, ik allamma hairtin [meinamma] gahaba garaideinos þeinos. Ist fait swe smairþr hairto ize, ik witoda þeinamma þrafstja mik. Goþ ist mis þei gaþulaida, ei galaisjau mis garaihteins þeinos. Batizo mis ist witoþ munþis þeinis, þau þusundjos gulþis jah silubris. י Handjus þeinos gatawidedun mik, talzei mik laisjah mik anabusnins þeinos. Þai þeina faurhtans gaumjand mis jah faginond, þammei du waurda þeinamma wenja. Ik wait o frauja þatei garaihtos sind stauos þeinos, bi þan sunjai gahnaiwides mik. Sijai nu armahairtiþa þeina, du gaþlaihtai meinai bi þamma waurda þeinamma du þamma skalka þeinamma. Qimaina mis ainfalþeins þeinos jah liba, unte witoþ þein gaþlaihts meina ist. Skamaina sik untilamalskans þei unseliba holodedun mik, iþ ik þagkja mis þos garaideinos þeinos. Sik gawandjaina du mis þai faurhtans þeina, jah kunnandans weitwodeins þeinos. Sijai hairto mein unwammata in garaihteim þeinaim, ei ni gaskamau mik. כ Balwida ist du þeinai ganaseinai saiwala meina, du waurda þeinamma trauands im. Afdauida sind augona meina du waurda þeinamma, du qiþan hvan gaþrafsteis mik. Duþe ei warþ ik swe balgs sa miþ rauka, garaihteim þeinaim ik ni waiht ufarmunnoda. Swe hva sind dagos þis skalkis þeinis, hvan gataujis wiþra þans mis wrakjandans staua. Usgrobun mis hauhhairtans grobos, akei ni bi witoda þeinamma [o frauja]. Allos anabusneis þeinos sind sunja, inwindaba frawrekun mik hilp meina. Nauh leitil jah gabrekeina mik ana airþai, akei ik ni bilaiþ garaideinom þeinaim. Bi airkniþai þeinai gaqiwei mik, jah gahaba weitwodiþa munþis þeinis. ל Du aiwa o frauja waurd þein, gastandiþ in himinam. Du aldai jah aldai ist sunja þeina, gamanwides airþa jah ist standandei. Bi stauom þeinaim gastandona sind und hita, duþe ei alla þo skalkinond þus. Nih wesi witoþ þein gaþlaihts meina, þan fralusnodedjau in agliþai meinai. Du aiwa ni ufarmunna garaideinom þeinaim, duþe ei im anaqiujis mik. Þeins im ik ganasei mik, unte garaideinos þeinos gasokida. Mik usbeidandans unsibjans sind du usqistjan mis, weitwodeins þeinos mis þagkja. Allaizos ustauhtais ik gasahv andi, ruma ist anabusns þeina filu. מ Hvaiwa frijo witoþ þein [o frauja], all þize dage ita mis þagkja. Ufar fijands meinans usfratwides mik anabusnai þeinai, duþe ei du aiwa meina ist. Ufar allans laisarjans meinans ik froþs warþ, duþe ei weitwodeins þeinos þagkeins sind mis. Ufar sineigans ik kunnands warþ, duþe ei anabusnins þeinos gafastaida. Af allamma wige ubilaize afhaba fotuns meinans, ei gahabau waurd þein. Stauos þeinos ni biwandja, unte þu uslaiseis mik. Hwaiva woþja waisunda meinamma sind waurda þeina, sind ufar miliþ munþa meinamma. Fram garaideinom þeinaim ik kunnands warþ, inuh þis fija all wige inwindiþos. נ Skeima fotau meinamma waurd þein ist, jah liuhaþ staigai meinai. Aiþ gatawida ik jah im gatulgjands, gafastan stauos garaihtiþos þeinaizos. Gahauniþs im und filu, o frauja gaqiwei mik bi waurda þeinamma. Usdaudeins munþis meinis galeikaina þus o frauja, jah stauos þeinos galaisjais mik. Saiwala meina in lofin þeinamma sinteino ist, jah witoda þeinamma ni ufarmunna. Gasatidedun unsibjans hlamma mis, akei us garaideinom þeinaim ik afairziþs ni warþ. Ganam ik arbi þos weitwodeins þeinos du aiwa, unte faginons hairtins meinis ijos sind. Anahnaiwida ik hairto mein du gataujan garaihteins þeinos, du aiwa swaswe laun. ס Lausawaurdein fija, iþ witoþ þein frijo. Analaugnei meina jah skildus meins is þu, du waurda þeinamma wenja. Fairrjaiþ izwis af mis o ubiltojos, fasta þan anabusnins gudis meinis. Inswinþei mik bi waurda þeinamma jah liba, jah ni gaaiwiskos mik us wenai meinai. Þu gahilp meina gahnisa, jah atsaihva du garaihteim þeinaim sinteino. Frakannt allaim þaim afstandandam us garaihteim þeinaim, unte inwidos sind þos liuteins ize. Unbrukjans domeis allans unsibjans airþos, inuh þis frijo weitwodeins þeinos. Reiraiþ fram agisa þeinamma leik mein, stauomuh þeinaim mik faurhtja. ע Tauja staua jah garaihtiþa, ni lewjais mik þaim usþriutandam mis. Gamainei þamma skalka þeinamma þiuþ, ei ni anamahtjaina mik untilamalskans. Augona meina arbaidjand du naseinai þeinai, jah du waurda garaihtiþos þeinaizos. Tawei miþ þamma skalka þeinamma bi airkniþai þeinai, jah garaihteins þeinos laisei mik. Skalks þeins im ik talzei mik, ikuh þan wait weitwodeins þeinos. Mel ist ei taujai frauja, haband gatauran þeinata witoþ. Inuh þis frijo anabusnins þeinos, ufar gulþ jah ufar taupaziaun. Inuh þis allaim garaideinom alakjo mik garaihtja, all wige inwindiþos fija. פ Sildaleikos sind weitwodeins þeinos, inuh þis gahabaiþ ijos saiwala meina. Andhuleins waurde þeinaize inliuhteiþ, gatimreiþ niuklahans. Munþ meinana usluka ubuhswogja, unte anabusne þeinaizo afþaursiþs im. Gawandei þuk du mis jah gaarmai mik, bi stauai þizai þaimei frijond namo þein. Gridins meinos gatulgei in waurda þeinamma, jah ni gafraujino mis all ungaraihteino. Galausei mik af anamahtai gumins, jah gafasta anabusnins þeinos. Andaugi þein inliuhtei ana þana skalk þeinana, jah galaisei mik garaihteins þeinos. Floduns watne urrannjand augona meina, bi þatei ni gahaband witoþ þein. צ Garaihts is þu o frauja, jah raihtos sind stauos þeinos. Gamanwides garaihtos weitwodeins þeinos, jah sunjeinos filu. Fraqisteiþ mis aljan mein, duþe ei ufarmunnodedun waurdam þeinaim þai hatandans mik. Pistikein ist waurd þein filu, jah sa skalks þeins frijoþ ita. Smals ik im jah frakunþs, garaideinom þeinaim ni waiht ufarmunna. Garaihtiþa þeina ist garaihtiþa du aiwa, jah witoþ þein sunja ist. Aglo jah aggwiþa atiddjedun ana mik, anabusneis þeinos gaþlaihts meina sind. Ist garaihtiþa weitwodeino þeinaizo du aiwa, gatalzei mik jah qius im. ק Atwopja allamma hairtin [meinamma], gahausei mis o frauja garaihteins þeinos gahaba. Atwopja þuk ganasei mik, jah gafasta weitwodeins þeinos. Gamotja uhtwon jah wopja, du waurda þeinamma wenja. Gamotjand augona meina wahtwom, ei þagkjau mis þo waurda þeina. Stibna meina andhausei [o frauja] bi airkniþai þeinai, bi stauai þeinai gaqiwei mik. Atnehvidedun sik þai [mik] laistjandans unselein, sind witoda þeinamma fairra. Nehva is þu o frauja, jah allos anabusneis þeinos sind sunja. Ik mela lagga gakunnands im bi weitwodeins þeinos, þatei du aiwa gasulides ijos.  ר Gasaihv agliþa meina jah usþins mik, unte witoda þeinamma ni ufarmunna. Ussokei saka meina uzuhlausei mik, at þeinamma waurda gaqiwei mik. Fairra ist unsibjam ganists, unte garaihteins þeinos ni sokjand. Ainfalþeins þeinos managos sind o frauja, bi stauai þeinai gaqiwei mik. Managai sind þai wrikandans mik jah þreihandans mik, us weitwodeim þeinaim ni waihtai uswandja. Saihva afairzidans jah wairþa qainonds, þatei waurd þein ni fastand. Gasaihv þatei garaideinos þeinos frijo, o frauja bi armahairtiþai þeinai gaqiwei mik. Stafs waurdis þeinis ist sunja, jah du aiwa ist all stauo garaihtiþos þeinaizos. ש Reiks draibjand mik sware, akei fram þeinamma waurda faurhteiþ sik hairto mein. Fagino ik bi waurd þein, analeiko swe bigitands wokr managana. Inwindiþa fija jah domja ija andasetja, witoþ þein frijo. Sibun sinþam in daga hazja þuk, bi stauos garaihtiþos þeinaizos. Gawairþi ist manag at þaim frijondam witoþ þein, jah nist im gamarzeinais. Wenja du naseinai þeinai o frauja, jah anabusnins þeinos tauja. Fastaiþ saiwala meina weitwodeins þeinos, frijoh ijos filu. Fasta anabusnins þeinos jah weitwodeins þeinos, duþe ei allai wigos meinai faura þus sind [o frauja]. ת Atnehvjai sik hrops meins andwairþja þeinamma o frauja, bi waurda þeinamma gatalzei mik. Atgaggai aihtrons meina in andwairþi þein o frauja, bi waurda þeinamma galausei mik. Ufhropjand wairilos meinos hazein, þande galaiseis mik garaihteins þeinos. Ufwopeiþ tuggo meina waurd þein, duþe ei allos anabusneis þeinos garaihtiþa sind. Sijai handus þeina du hilpan meina, unte garaideinos þeinos gawalidos haba. Afþaursiþs im naseinais þeinaizos o frauja, jah witoþ þein gaþlaihts meina ist. Libandei sijai saiwala meina jah hazjai þuk, jah stauos þeinos mis andbahtjaina. Airzeis im swe lamb fralusan, gasokei þana skalk þeinana unte anabusnim þeinaim ik ni waiht ufarmunnoda.

 -RK- Saggws usstige, Fraujan ik in aglon þizai at mis, atwopida jah is gahausida mis. O frauja uslausei saiwala meina af wairilom unsunjeinaim, af tuggon hindarweisai. Hva atgibada þus jah hva biaukada þus, o tuggo hindarweiso. Arhvaznos mahteigins þos hvassons, miþ haurjam ainjeinaim. Wai mis unte aljakunjino in frwgiin, salja miþ hleiþrom kedraiins. Laggai hveilai ist saljandei saiwala meina, miþ fijandin gawairþi. Ik gawairþeigs im, akei þande rodjau eis sind du waihjon.

 -RKA- Saggws usstige, Ushafja augona meina du þaim fairgunjam, þaþroei qiman skal hilpa meina. So hilpa meina ist fram fraujin, saei gaskop himin jah airþa. Ni gibiþ gawagjan fotau þeinamma, nih wairþiþ dusands sa fastands þuk. Sai ni wairþiþ dusands nih slepiþ, sa wardja israelis. Frauja ist sa wardja þeins, ist frauja sa skadus þeins ana handu þo taihswon þeina. In daga sauil ni gasleiþiþ þuk, nih mena in naht. Frauja gawitaiþ þus af allamma unþiuþe, gawitaiþ saiwalai þeinai [frauja]. Frauja gawitaiþ usgahtai þeinai jah inngahtai þeinai, fram þamma nu jah und aiw.

 -RKB- Sah saggws usstige ist daweidis, Swegnida ik at qiþandam mis, at razna fraujins qimam. Standand fotjus unsarai, inna daurom þeinaim o iairusalem. Iairusalem so gatimrido swaswe baurgs, þizaiei gamainduþs izos ist izai samaþ. Þadei ussteigand kunja þo kunja fraujins, þizai weitwodein israela du andhaitan namin fraujins. Unte jainar wisand stolos þai stauai, stolos þai garda daweidis. Bidjaiþ gawairþjis iairusalems, ufarfulljaina þai frijondans þuk. Sijai gawairþi inna baurgswaddjau þeinai, digrei in rohsnim þeinaim. In broþre meinaize jah frijonde meinaize, nu qiþa gawairþi bi þuk. In raznis fraujins þis gudis unsaris, gasokja þiuþis þus.

 -RKG- Saggws usstige, Du þus ushafja augona meina, o þuei bauiþ himinans. Sai swe sind augona skalke du handau fraujane ize, swe sind augona þiujos du handau fraujons izos. Swa sind augona unsara du fraujin þus guda unsaramma, unte gaarmaiþ uns. Gaarmai uns o frauja gaarmai uns, unte ufarassau sadai haunis sijum. Ufarassau sada ist saiwala unsara idweitis þis ufarwisandane, þis haunis at mikilþuhtaim.

 -RKD- Sah saggws usstige ist daweidis, Nibai frauja saei was miþ unsis, qiþai nu israel. Nibai frauja saei was miþ unsis, at usstandandein ana uns manasedai. Aiþþau qiwans fraslundeina uns, intundnandein þwairhein ize bi uns. Aiþþau þo watna ufsagqidedeina uns, flodus þairhiddjedi ufar saiwalai unsarai. Aiþþau þairhiddjedi ufar saiwalai unsarai, jainata wato þata hauhhairto. Þiuþiþs sijai frauja, saei ni fragaf uns gafah tunþum ize. Saiwala unsara swe fugls ganas af hlammai fahandane, so hlamma gabrikana ist iþ weis sijum ganisanai. Hilpa unsara ist in namin fraujins, saei gaskop himin jah airþa.

 -RKE- Saggws usstige, Þai trauandans in fraujin sind swe fairguni þata sion, ni þan waihtai gawagjada ak du aiwa gawisiþ. Iairusalem habaiþ fairgunja bisunjane sis, iþ frauja ist bisunjane managein seinai fram himma nu jah und aiw. Unte ni briggiþ [frauja] þana wandu unsibjins ana hlaut þize garaihtane, ei ni ufrakjaina þai garaihtans du unselein handuns seinos. Waila gatawei o frauja godaim, jah raihtaim ize hairtam. Iþ þans uswandjandans in wraiqona ize afleiþan gataujiþ frauja ins miþ þaim waurkjandam ungaraihtein, sijai gawairþi ana israel.

 -RKQ- Saggws usstige, Gawandjandin fraujin þana hunþ sionis, waurþum swe draumjandans. Þan warþ fulls hlahtris munþs unsar, jah tuggo unsara swegniþos. Þan qeþun in þiudom, gamikilida frauja gataujan miþ im. Gamikilida frauja gataujan miþ unsis, waurþum faginondans. Gawandei o frauja hunþ unsarana, swe rinnons þos sunþra. Þai saiandans tagram, fahedai sneiþand. Gaggands gaggiþ gretiduh bairiþ hafjands þata fraiw, qimands qimiþ in swegniþai at briggandin sis þans skaubans seinans.

 -RKZ- Sah saggws usstige ist salomonis, Jabai frauja ni gatimreiþ razn, sware arbaidjandans sind þai timrjandans ita bi ita. Jabai frauja ni gawitaiþ baurg, sware wakands ist wardja. Sware ist izwis du airist reisan du spedist sitan, itandam hlaif þizo saurgo þanei gibiþ liubin seinamma slep. Sai gafreideins fraujins sind sunjus, ist mizdo þata akran wambos. Swe arhvaznos in handau swinþins, swa sind sunjus þai juggans. Audags ist sa wair saei usfullida þana kukar seinana us þaim, ni gaskamand sik þande gamaþljand miþ fijandam [seinaim] in gahtai.

 -RKH- Saggws usstige, Audags ist sahvazuh saei faurhteiþ sik fraujin, sahvazuh saei gaggiþ in wigam is. Þo arbaiþ lofane þeinaize itis, audags is jah waila þus ist. Ist qens þeina swe weinatriu akrantaujando in markom gardis þeinis, sind sunjus þeinai swe niujasatidona alewabagme bisunjane biuda þeinamma. Sai unte swa þiuþjada, wair sa faurhtjands sik fraujin. Gaþiuþeiþ þuk frauja us siona, jah saihvis þiuþ iairusalems allans dagans libainais þeinaizos. Gasaihvis sununs suniwe þeinaize, sijai gawairþi ana israel.

 -RKÞ- Saggws usstige, Ufta gaþrehun mik us jundai meinai, qiþai nu israel. Ufta gaþrehun mik us jundai meinai, akei gajiukaidana mik ni haband. Ana hrugja meinamma aridedun arjandans, laggos gawaurhtedun faurhs seinos. Frauja garaihts ist, afmaimait þos bandjos unsibjane. Gaaiwiskondau sikuh gawandjaina ibukai, allai þai fijandans sion. Sijaina swe hawi hrote, þatei faurþizei ufarsteigai gaþaursniþ. Þizei ni usfulleiþ lofan seinana sneiþands, jah gaupna seina skaubans lisands. Jah qiþan ni haband þai faur hvarbondans þiuþeins fraujins sijai du izwis, þiuþjam izwis in namin fraujins.

 -RL- Saggws usstige, Us diupiþom hropja du þus o frauja o frauja meins andhausei stibna meina, sijaina ausona þeina uslukana du þizai stibnai bidos meinaizos. Jabai fairinos atsaihvis o frauja, o frauja meins hvas gastandiþ. Unte miþ þus ist fralet, in agisis [þeinis]. Wenja fraujan weneiþ saiwala meina, im du waurda is wenjands. Saiwala meina du fraujin mais ist þau sind wardjans du maurgina, mais þau sind wardjans du maurgina. Wenjai israel du fraujin, unte miþ fraujin ist armahairtei. Jah managa miþ imma ist laþons, jah is uslauseiþ israel af allaim fairinom is.

 -RLA- Sah saggws usstige ist daweidis, O frauja ni ufarhauhida sik hairto mein, nih ushauhidedun sik augona meina. Nih iddja ik in mikilona, jah in sildaleikona þo ufar mik. Ibai ni gahnaiwida iþ gaþrafstida ik meina saiwala swe afdaddiþ barn bi is aiþein, swe afdaddiþ barn ist bi mik saiwala meina. Wenjai israel du fraujin, fram himma nu jah und aiw.

 -RLB- Saggws usstige, Gamuneis o frauja þana daweid, miþ allai hauneinai is. Ei swor is wiþra fraujan, gahaihait þamma mahteigin iakobis. Jabai qima at hleiþrai gardis meinis, jabai steiga ana ligr badjis meinis. Jabai giba slepis augam meinaim, hvarmam meinaim dusainais [jah gahveilainais þunnom meinaim]. Unte bigita staþ fraujin, bauain þamma mahteigin iakobis. Sai gahausidedum bi ija in aifraþin, atiddjedum ana ija in haiþjom iaars. Galeiþam du þizai bauainai is, inweitam at fotubaurda fotiwe is. Usstand o frauja at þizai gahveilainai þeinai, þu jah so arka mahtais þeinaizos. Gudjans þeinai gawasjand sik garaihtiþai, jah airknans þeinai swegnjan haband. In daweidis þis skalkis þeinis, ni waihtai wandjais andawleizn xristaus þeinis. Swor frauja wiþra daweid, sunjai þizaiei ni afaikiþ ija. Us akrana þeinaizos wambos, satja ana stola þeinamma. Jabai fastand sunjus þeinai triggwa meina jah weitwodeins meinos þozei laisja ins, þau sunjus ize und ajukduþ haband sitan ana stola þeinamma. Duþe ei gawalida frauja þata sion, ustaiknida ita du bauainai sis. Þatuh ist gahveilains meina und ajukduþ, her anahaimeis im unte wiljau ita. Is usfodein þiuþjands gaþiuþja, unledans is gasoþja hlaibis. Jah gudjans is gawasja naseinai, jah airknans is skulun fahedai swegnjan. Jainar wahsja haurn daweida, manwja skeiman þamma xristau meinamma. Ina hatandans wasja aiwiskja, iþ ana imma blauan skal diadema is.

 -RLG- Sah saggws usstige ist daweidis, Sai hva ist batizo jah hva ist skaunizo, þau du bauan broþrum samana. Ist swe salba batista so ana haubida, so atsteigandei ana bard. Þana bard aaronis, so atsteigandei ana skautans wastjos is. Ist swe so daggwa aairmonis, sei atsteigiþ ana fairgunja sionis. Unte jainar anabauþ frauja þo wailaqiss, þo libainais þizos und þana aiw.

 -RLD- Saggws usstige, Sai [nu] gaþiuþjaiþ fraujan o allai skalkos fraujins, jus standandans in razna fraujins [in ubizwom raznis gudis unsaris] in nahtam. Ushafjaiþ handuns izwaros du weiha þiuþjaiduh fraujan, þuk gaþiuþeiþ frauja us siona saei gatawida himin jah airþa.

 -RLE- Alleluja. Hazjaiþ namo fraujins, hazjaiþ o skalkos fraujins. Juzei standiþ in razna fraujins, in ubizwom raznis gudis unsaris. Hazjaiþ fraujan unte þiuþeigs ist frauja, siggwaiþ namin is unte woþi ist. Duþe ei iakob sis gawalida frauja, þana israel du swesa seinamma. Ik raihtis ufkunnaida þatei mikils ist frauja, jah frauja unsar ist ufar allaim gudam. Alla þoei wili frauja gataujiþ ana himina jah ana airþai, in mareim jah in allaim afgrundiþom. Iup ustiuhiþ milhmans us andja airþiskamma, lauhmunjos at rign gataujiþ ut attiuhiþ wind us þaim banstim seinaim. Saei sloh þans frumabaurins aigwptaus, fram manasedai und faihu. Lailot taiknins jah sildaleika in midumai þeinai o aigwptu, in þamma faraon jah in allaim þaim skalkam is. Saei sloh þiudos managos, abuhsloh þiudanans tulgjans. Sehon þana þiudan amorraiins jah og þana þiudan basanis, jah allos þos þiudangardjos xanaanis. Jah fragaf þize airþa gafreidein, gafreidein israela þizai managein seinai. O frauja namo þein ist du aiwa, jah gamunds þeina du aldai jah aldai. Unte stojiþ frauja managein seina, bih skalkans seinans infeiniþ. Galiugaguda þizos þiudos sind silubr jah gulþ, gaskafts handiwe manasedais. Munþ aigun akei ni qiþand, augona aigun akei ni saihvand. Ausona aigun akei ni hausjand, nih auk ist anadins in munþam ize. Galeikai im skulun wisan þai skapjandans ija, allai þaiei trauand du im. O gard israelis þiuþjaiþ fraujan, o gard aaronis þiuþjaiþ fraujan. O gard laiwiis þiuþjaiþ fraujan, o jus faurhtjandans izwis fraujin þiuþjaiþ fraujan. Ist þiuþiþs frauja sa us siona, sa bauands iairusalem. Alleluja.

 -RLQ- Andhaitaiþ fraujin unte þiuþeigs ist, unte du aiwa ist airkniþa is. Andhaitaiþ guda þize gude, unte du aiwa ist airkniþa is. Andhaitaiþ fraujin þize fraujane, unte du aiwa ist airkniþa is. Gataujandin sildaleika mikila ainamma, unte du aiwa ist airkniþa is. Gataujandin himinans in frodein, unte du aiwa ist airkniþa is. Gatulgjandin airþa ana watnam, unte du aiwa ist airkniþa is. Gataujandin tuggla mikila [ainamma], unte du aiwa ist airkniþa is. Sauil du fauragaggja in daga, unte du aiwa ist airkniþa is. Menan jah stairnons du fauragaggja in naht, unte du aiwa ist airkniþa is. Afslahandin aigwptu in frumabaurim ize, unte du aiwa ist airkniþa is. Jah ustiuhandin israel af midjaim þaim, unte du aiwa ist airkniþa is. In handau swinþai jah in arma ufrakidamma, unte du aiwa ist airkniþa is. Disskaidandin marein raudon du dailim, unte du aiwa ist airkniþa is. Jah ut ustiuhandin israel þairh midjos þos, unte du aiwa ist airkniþa is. Jah uswairpandin faraon jah harja is in marein raudon, unte du aiwa ist airkniþa is. Gatiuhandin managein swesa þairh auþida, unte du aiwa ist airkniþa is. Afslahandin þiudanans mikilans, unte du aiwa ist airkniþa is. Uzuhqimandin þiudanam abraim, unte du aiwa ist airkniþa is. Sehona þamma þiudana amorraiins, unte du aiwa ist airkniþa is. Jah oga þamma þiudana basanis, unte du aiwa ist airkniþa is. Jah fragibandin þize airþa gafreidein, unte du aiwa ist airkniþa is. Gafreidein israela þamma skalka is, unte du aiwa ist airkniþa is. Izei in hnaiweinai unsarai gamunda unsara [frauja], unte du aiwa ist airkniþa is. Jah usþans uns af þaim þreihandam uns, unte du aiwa ist airkniþa is. Andstaldandin mat allamma leike, unte du aiwa ist airkniþa is. Andhaitaiþ guda þamma himine, unte du aiwa ist airkniþa is.

 -RLZ- Ana þaim ahvom babwlonaus jainar sitandans wesum jah gretandans, at gamunandam unsis sionis. Ana filwom in midumai izos, haihahum harpons unsaros. Unte þar bedun uns þai ushinþandans uns waurde saggwis jah þai frahinþandans uns faginonais, siggwaiþ unsis us saggwa sioniskamma. Hvaiwa siggwaima saggw fraujins, ana landa framaþjamma. Jabai ufarmunna þus o iairusalem, ufarmunnau taihswon meinai. Gahaftnadau tuggo meina gomin meinamma jabai ni gaman þuk, jabai ni faurlagja iairusalem ana anastodein faginonais meinaizos. Gamaudei o frauja sununs aidomis þis dagis iairusalems, þans qiþandans uswaltjaiþ uswaltjaiþ und grunduwaddju in izai. O dauhtar babwlonaus þu gatairandei, audags ist saei usgildiþ þus þata laun þein þatei usgaft unsis. Audags ist saei undgreipiþ, gahbrikiþ barna þeina bi stain.

 -RLH- Daweidis ist, Andhaita þus [o frauja] in allamma hairtin meinamma, faurah gudam ussiggwa þus [unte andhoft allaim þaim waurdam munþis meinis]. Inweita at alh þeinai þizai weihon anduhhaita namin þeinamma, bi airkniþa þeina jah bi sunja þeina. Duþe ei gamikilides ufar allaim, jainata namo þein þata waurd þein. In þana dag þanei ik wopida iþ þu hausides mis, gaþrafstides mik in meinai saiwalai mahtai. Andhaitand þus o frauja allai þiudanos airþos, þande gahausjand þo waurda munþis þeinis. Jah siggwand in þaim wigam fraujins, unte mikils ist wulþus fraujins. Unte hauhs ist frauja iþ gahnaiwidana saihviþ, jah hauhþuhtana fairra wait. Þauhjabai usgagga in midjaim aglom anaqiujis mik, ana hatis fijande meinaize ufrakjis þo handu þeina gahnasjiþ mik taihswo þeina. Frauja usfulleiþ faur mik, o frauja armahairtei þeina du aiwa ist us þaim waurstwam handiwe þeinaizo ni afwandjais.

 -RLÞ- Protaupsaltau, daweidis ist psalmo, O frauja gakausides mik jah ufkunnaides mik, þu kannt gasiss meina jah usstass meina [þu] waist miton meina fairraþro. Bi mik gaggandan jah bi mik ligandan is [þu], jah allans wigans meinans habais kunþans. Þande nist waurd ana tuggon meinai, sai o frauja [þu] kannt ita all. Aftana jah faura [þu] gahabaides mik, jah galagides ana mis lofan þeinana. Sildaleikata ist witubni [þein] ufar mik, gaþwastiþ ni mag ik gafahan ita. Hvaþ afleiþau us ahmin þeinamma, jah faura andwairþja þeinamma hvaþ gaþliuhau. Jabai usstigjau in himin þar is þu, jah atstigjau in halja sai þu is. Nemjau fiþros maurginis, waurþjau bauands aftumistona mareins. Jah jainar handus þeina tiuhiþ mik, jah haldiþ mik taihswo þeina. Jah qeþjau nuh riqis filhai mik, jah nahts liuhaþ wairþai bisunjane mis. Akei jah riqis ni riqizjiþ faura þus jah nahts swe dag liuhteiþ, swe auk riqis ist swa jah liuhaþ ist. Duþe ei þu gatawides hairþra meina, gamanwides mik in wambai aiþeins meinaizos. Andhaita þus duþe ei sildaleiko sildaleiks im, sind fauratanja þo waurstwa þeina jah ist saiwala meina kunnandei þata waila. Ni galaugnida sik bain mein af þus, þatei ik taujands was in analaugnein jah gagatilonds was in þaim undaristam airþos. Mik nauh undiganana sehvun augona þeina jah ana bokai þeinai alla þo melida wesun, dagos manwidai wesun iþ ni was ainis ize. Jah mis hvaiwa filugalaubos sind mitonos þeinos o guþ, hvaiwa managa ist raþjo izo. Raþjau ijos ufar malman managnodedun, urreisau jah nauh im miþ þus. Wainei afslahais o guþ unsibjana, mannanzuh bloþe afstandaina af mis. Þaiei þuk qiþand du muna, sind lausai du lausein þai andastaþjos þeinai. Ibai fijandans þuk o frauja ni fija, andastaþjamuh þeinaim ni hatja. Usfulleinai hatizis fija ins, du fijandam waurþun mis. Gakius mik o guþ jah gakunnais hairto mein, usfrais mik jah gakunnais gahugd meina. Jah saihv jau sijai wigs wraiqs in mis, jah tiuh mik þairh wig aiweinana.

 -RM- Protaupsaltau, soh psalmo ist daweidis. Uslausei mik o frauja af gumin ubilamma, af mann sleidjamma gawitai mis. Þaiei sind mitondans unþiuþa in hairtin, all dage garinnand waihjon. Gahvassidedun tuggon seina swe waurms, ist aitr nedrons uf wairilom ize Diapsalma. Gahabai mik o frauja af handum unsibjins, af mann sleidjamma gawitai mis þaiei gamitodedun uswaltjan laistins meinans. Gahulidedun hauhhairtans hlamma mis jah wruggons galagidedun nati [fotum meinaim], faur wig gamarzeinos gasatidedun mis Diapsalma. Qaþ ik fraujin guþ meins þu is, gahausei o frauja stibna aihtrono meinaizo. O frauja þu frauja meins þu swinþei ganistais meinaizos, ufarskadwides haubida meinamma in daga badwos. Ni gibais o frauja gairnidona unsibjin, mun is waurstweigana taujands ni sijais sik duginnand ushauhjan Diapsalma. Haubiþ þize bisunjane mis, so arbaiþs wairilo ize gahuljai. Usdriusaina ana ins haurja þo in funin, gawairpais im in diupiþom ei ni urreisaina. Manna tuggons ni gatulgjada ana airþai, mannan sleidjana unþiuþ uswalugjiþ du fralustai. Wait ik ei gataujiþ frauja saka wainahaize, staua unledaize. Swa ist garaihtans andhaitand namin þeinamma, anahaimjai sind raihtans at andwairþja þeinamma.

 -RMA- Soh psalmo ist daweidis, O frauja atwopja þuk gasniumei du mis, gahausei [þo bidjandein] stibna meina ufhropjandin mis du þus. Gawaurkjaidau bida meina þwmiama in andwairþja þeinamma, ushafts handiwe meinaizo tibr andanahtjis. Gasatei o frauja wahtwa at munþa meinamma gahweitai þaim daurom wairilo meinaizo, ni ushnaiwjais hairto mein du waihtai ubilai. Ei ni þairhwisau in gawaurkjam þaim in unselein miþ mannam waurkjandam ungaraihtein, jah ni gamatjau us wailawiznim ize. Fraweitadau mik garaihta airkns jah gasakadau mik alew aitrahaft ni waihtai bismeitai haubidis meinis, unte nauh bida meina ist in unþiuþam þize. Gasalidai sijaina and stainaha stauans ize, ei þan gahausjaina eis waurda meina þatei qairrja sind. Swe sneiþiþ sums jah maitiþ ana airþai, swa wairpanda baina unsara at munþa haljos. Unte du þus o frauja þu frauja meins sind augona meina, in þus im gatrauands ni afskiubais saiwalai meinai. Gaweitai mis af hlammai þoei gagatilodedun mis, jah af þaim wruggom waurkjandane ungaraihtein. Gadriusand in is natjam unsibjans, þatainei ik ufarjaina þairhleiþa.

 -RMB- Þatuh fraþi ist daweidis so at wisandin imma in hulandjai bida. Stibnai meinai du fraujin hropja, stibnai meinai du fraujin aihtro. Usgiuta in is andwairþja aihtron meina, þo aglon meina in andwairþja is gataiha. At wairþandin in unlustau bi mik ahmin meinamma þan þu ufkunnaides þo staiga meina, in þamma wiga þarei       gaggands ik was gafulhun hlamma mis. Atsahv ik af taihswon inuhsahv akei nist mik kunnandins, fralusana ist gaþlauhts so ufar mik nist maurnandins saiwalai meinai. Ik haihait þuk o frauja, qaþ þu is gatrauains meina dails meina is ana airþai þize qiwane. Andhausei aihtronai meinai unte gahnaiwiþs im filu, uslausei mik af þaim wrikandam mik unte gaswinþnodedun ufar mik. Ustiuh af karkarai saiwala meina andhaitan namin þeinamma, bi mik gaqimand garaihtans þande usgibis mik.

 -RMG- Soh psalmo ist daweidis, O frauja andhausei bida meina gahausei þo aihtron meina in sunjai þeinai, andhafei mis in garaihtiþai þeinai. Jah ni inngaggais in staua miþ þamma skalka þeinamma, unte garaiht ni gateihada waihtai in adwairþja þeinamma all libandane. Duþe ei draibeiþ fijands saiwala meina sa gahnaiwida du airþai libain meina, gasatida mik in riqiza swe dauþans aiwis. Ist nu in unlustau bi mik ahma meins, warþ inna mis gahnipnando hairto mein. Gaman dage airizane þagkja mis alla waurstwa þeina, þata taui handiwe þeinaizo andþagkja. Usbraidja handuns meinos du þus, ist saiwala meina swe airþa afþaursido du þus Diapsalma. Suns gahausei mis o frauja afdauiþs ist ahma meins, ni afwandjais andaugi þein af mis ibai sijau galeikoþs atsteigandam dalaþ in groba. Let mik gahausjan in maurgina armahairtiþa þeina unte in þus trauands im, let mik [o frauja] gakunnan þana wig þanei galeiþau unte du þus im ushafjands saiwala meina. Uslausei mik af þaim fijandam meinaim o frauja, at þus ussalja. Galaisei mik taujan wiljan þeinana unte þu is guþ meins, ahma þeins goþs ist brigg mik ana airþai raihtiþos. In namin þeinis o frauja anaqiujais mik, in garaihtiþai þeinai ustiuhais af aglon saiwala meina. Jah in airkniþai þeinai usqistei fijandam meinaim frahqistei allaim þaim þreihandam saiwala meina, duþe ei ik skalks þeins im.

 -RMD- Daweidis ist, Þiuþiþs sijai frauja sa hallus meins, sa laisjands handuns meinos badwa figgrans meinans gunþja. So armaio meina jah so baurgswaddjus meina þata kelikn mein jah sa mik uslausjands mis, sa skildus meins jah in þammei traua sa ufhnaiwjands managein meina uf mik. O frauja hva ist guma iþ kanntuh ina, sunus mans iþ maurnizuh imma. Guma lausein galeiks ist, sind dagos is swe skadus usleiþands. O frauja anahnaiwei himinans þeinans jah atsteig, attek fairgunjam gahraukjand. Glitmunei lauhmunjai dizuhtahei ins, sandei þos arhvaznos þeinos inuhdrobei ins. Insandei handu þeina us hauhiþai, uslausei mik gahlausei mik af watnam managaim af handau suniwe aljakunjins. Þizeei munþos ize sind qiþandans uswissi, jah taihswo ize ist taihswo naiteinais. O guþ saggw niujana siggwa du þus, in psalteria in daikaxaurda ussiggwa du þus. Þus gibandin ganist þiudanam, þus lausjandin daweid þana swesan skalk. Af hairau unþiuþeigamma uslausei mik, gahlausei mik af handau suniwe aljakunjins. Þizeei munþos ize sind qiþandans uswissi, jah taihswo ize ist taihswo naiteinais. Þizeei sunjus unsarai sind swe niujasatidona þo ufarwahsjandona in jundai ize, dauhtrjus unsaros sind swe waihstastainos gafahridai in galeikja rohsnais. Bansteis unsarai sind fullai þeihandans us þamma in þata, lamba unsara sind mais þusundjom mais filusnom in gatwom unsaraim auhsans unsarai sind kauridai. Nist waidedais nih gaaiginonais, nih gaunoþaus in garunsim unsaraim. Audaga ist so managei þizaiei þo sind izos, audaga ist so managei þizaiei frauja ist guþ izos.

 -RME- Soh hazeins ist daweidis, א Ushauhja þuk o guþ meins þu þiudan meins, jah gaþiuþja namo þein du aiwa jah aftra. ב In allamma dage þiuþja þuk, jah hazja namo þein du aiwa jah aftra. ג Mikils ist frauja jah haziþs filu, jah mikilduþai is nist markos. ד Kuni kunja swikunþjand waurstwa þeina, jah mahtins þeinos kannjand. ה Sweriþa wulþaga andahaitis þeinis, jah waihtins sildaleike þeinaize mis þagkja. ו Jah maht afageino þeinaizo rodjand, jah mikilduþ þeina merja. ז Gaminþi filusnos seleins þeinaizos hropjand, jah garaihtiþai þeinai swegnjand. ח Hulþs jah ainfalþs frauja ist, ist lats þwairheim jah mikils airkniþai. ט Þiuþeigs ist frauja du allaim, jah sind ainfalþeins is ana allaim waurstwam is. י Awiliudona þus o frauja alla waurstwa þeina, jah airknans þeinai þiuþjaina þuk. כ Wulþu þiudinassaus þeinis merjaina, jah maht þeina rodjaina. ל Du gakannjan sunum manasedais mahteigona þeina, jah wulþu swerana þiudinassaus þeinis. מ Þiudinassus þeins ist þiudinassus allaize aiwe, jah fraujinassus þeins ist in allaim aldim jah aldai. [נ Triggws ist frauja in allaim waurdam seinaim, jah airkns in allaim waurstwam seinaim.] ס Gasuleiþ frauja allans þans driusandans, jah urraiseiþ allans þans hniwanans. ע Augona allaize du þus usbeidand, jah þu usgibis im mat ize in mela swesamma. פ Uslukis handu þeina, anduhstaldis all qiwane gairnidaim. צ Garaihts ist frauja in allaim wigam seinaim, jah airkns in allaim waurstwam seinaim. ק Nehva ist frauja allaim atwopjandam sik, allaim atwopjandam sik in sunjai. ר Wiljan þizeei sik imma faurhtjand gataujiþ, jah aihtron þize gahauseiþ jah þans ganasjiþ. ש Gafastaiþ frauja allans frijondans sik, jah allans þans unsibjans fraqisteiþ. ת Hazein fraujins rodeiþ munþs meins, jah þiuþjai alla mammo namo is þata weiho du aiwa jah aftra.

 -RMQ- Alleluja. Hazei o saiwala meina fraujan, hazja fraujan in libainai meinai im ussiggwands du guda meinamma und þatei im. Ni gatrauaiþ in reikistam in sunau adamis, þammei nist imma ganistais. Usgaggiþ ahma is gahwandeiþ is sik du muldai seinai, in dag jainana fralusnand [allos] mitonos is. Audags ist þammei guþ iakobis in hilpai is ist, ist so swikniþa þizei wiþra fraujan þana guþ is. Þana gataujandan himin jah airþa þo marein jah þoei in þaim, þana gahabandan sunja du aiwa. Þana taujandan staua anamahtidaim, þana gibandan usfodein gredagaim. Frauja lauseiþ bandjans frauja liuhteiþ blindans, frauja raiseiþ hnaiwidans. Frauja frijoþ garaihtans frauja witaiþ gastim, widuwairnan jah widuwon gafastaiþ iþ wig unsibjaize frawardeiþ. Þiudanoþ frauja du aiwa, sa guþ þeins o sion du aldai jah aldai. Alleluja.

 -RMZ- Hazjaiþ fraujan duþe ei þiuþ ist psalmo, so guda unsaramma ist skauns winja hazeinais. Gatimreiþ iairusalem frauja, þans airzjans israelis sa galaþoþ. Gahaileiþ gamalwidans hairtin, jah galeikinoþ saira ize. Garaþjiþ raþjon stairnom, allos þos namnam ananamneiþ. Mikils ist frauja unsar jah manags mahtai, frodein is nist raþjons. Atnehveiþ sis qairrjans frauja, iþ gahnaiweiþ unsibjans und airþa. Andhafjaiþ du fraujin in andahaita, ussiggwaiþ du guda unsaramma in harpon. Þamma huljandin himin milhmam, þamma manwjandin airþai rign. Þamma wahsjandin fairgunjam hawi [, jah gras du andbahtja mannam]. Izei gibiþ diuza usfodein þis, juggam hrabnis þoei wopjand ina. Ni in mahtai aihvis wili, nih in lagjam mans imma leikaiþ. Leikand fraujin þai sik faurhtjandans imma, þai wopjandans du armahairtein is.

     Hauhei o iairusalem fraujan, hazei þeinana guþ o sion. Unte tulgeiþ þos staggos daurono þeinaizo, þiuþeiþ sununs þeinans þans inna þus. Sa lagjands marka þeina gawairþi, sa smairþris hvaitjeinis gasoþeiþ þuk. Sa sandjands waurd sein airþai, und suns gasniumeiþ waurd is. Sa gibands snaiw swe wulla, sa hreiman swe azgon gastraujiþ. Sa wairpands hagla seinamma swe gabrukom, in andwairþja friusis is hvas gastandiþ. Insandeiþ waurd sein smiltiduh þo, gawandeiþ wind seinana rinnanduh watna. Sa gabairhtjands þo waurda seina iakoba, þos garaihteins seinos jah stauos seinos israela. Ni gatawida swa allamma þiudo, stauozuh [seinos] ni gakannida im. Alleluja.

 -RMH- Alleluja. Hazjaiþ fraujan us himinam, hazjaiþ ina in hauhistjam. Hazjaiþ ina o allai aggiljus is, hazjaiþ ina o allai harjos is. Hazjaiþ ina o sauil jah mena, hazjaiþ ina o allos stairnons liuhadis. Hazjaiþ ina o himinos þize himine, jah watna juzei sijuþ ufaro himinam. Hazjaina namo fraujins, duþe ei [is qaþ jah waurþun] is anabauþ jah waurþun gaskapona. Jah gasatida ija du ajukduþai du aiwa, gagreft galagida jah ni gataurniþ. Hazjaiþ fraujan us airþai, o drakans jah allos diupeins. O fon jah hagl o snaiw jah þuko, o skura windis þu taujandei waurd is. O fairgunja jah alla hlaina, o bagmos akranis jah allos kaidrons. O diuza jah all þis faihaus, o snokos jah fuglos fiþrodans. O þiudanos airþos jah allos fadreineis, o reiks jah allai stauans airþos. O juggalaudeis jah samaleiko maujos, o sinistans miþ magum. Hazjaina namo fraujins, unte ufarhafan ist namo ainis þis þis andahait ist ufar airþai jah himinam. Jah is ushauheiþ haurn managein seinai þo hazein allaim airknam seinaim, þaim sunum israelis jainai managein þizai sis nehva. Alleluja.

 -RMÞ- Alleluja. Siggwaiþ fraujin saggw niujana, sijai hazeins is in gamainþai airknane. Sifai israel bi þana gataujandan sik, sunjuzuh sionis faginona bi þiudan þeinana. Hazjaina namo is in laika, in twmpana jah kiþarai ussiggwandans sijaina imma. Unte galeikaiþ fraujin in is managein, ushauheiþ qairrjans in naseinai. Swegnjaina airknans in wulþau, faginona ana badjam seinaim. Sijaina hauheinos gudis in qairkai ize, jah hairus swairdaleiks in handau ize. Du gataujan fraweit in þiudom, andabeit in fadreinim. Du gabindan þiudanans þizo kunawidom, jah maistans þizo handubandjom eisarneinaim. Du gataujan in im staua gamelida, soh sweriþa ist allaim airknam is. Alleluja.  

 -RN- Alleluja. Hazjaiþ guþ in weiha is, hazjaiþ ina in þizai tulgiþai swinþeins is. Hazjaiþ ina bi mahtins is, hazjaiþ ina bi filusnai mikileins is. Hazjaiþ ina in stibnai þuthaurnis, hazjaiþ ina in psalteria jah kiþarai. Hazjaiþ ina in twmpana jah xaurau, hazjaiþ ina in xaurdeim jah aurgana. Hazjaiþ ina in klismom gahauseinais, hazjaiþ ina in klismom ufwopeinais. Allata þatei aniþ, hazjai fraujan. Alleluja.

 [-RNA- Soh psalmo ist sundro melida, daweidis ist uta raþjon -RN- psalmono, þan waih is du gauliaþa. Ik leitils was in broþrum meinaim jah juhists in garda attins meinis, ik haldands was lamba attins meinis. Handjus meinos gatawidedun aurganaun, figgrozuh meinai gagatilodedun psalteriaun. Hvas þan gakanneiþ fraujin meinamma, silba frauja silba gahauseiþ. Silba insandida þana aggilu seinana, jah gahabaida mik af lambam attins meinis jah gasalboda alewa gasalbonais seinaizos. Broþrjus meinai fagrai jah mikilai sind, akei ni warþ galeikaiþ in im fraujin. Ik urrann in gamotein þamma aljakunjin, jah sa fraqaþ mik galiugagudam seinaim. Akei ik afnimands þana fram imma hairu haubiþ imma afmaimait, uzuhmaimait idweit af sunum israelis.]

FINIS.

 In memoriam aeternam Nicolai et Alexandrae

et omnis cognationis defunctae suae.

Requiescant in pace.

Amen.

+